Jɔlɛ Difuɛ Mun 7:12 - NYANMIƐN NDƐ'N 1998

¹² Madianfuɛ mun, nin Amalɛkfuɛ mun, ɔ nin be nga be tran wia afiliɛ lɔ'n nun be ta oka i kongo nun kɛ lalo mun sa. Be nyɔnngɔnmɛn'm be kusu be sɔnnin kɛ jenvie nuan aunnyan'n sa.

Jɔlɛ Difuɛ Mun 7:12 ပူးပေါင်းရင်းမြစ်များ

1 Famiɛn Mun 20:27

Akab kali Izraɛlfuɛ'm be kusu. Ɔ sili be nuan. Ɔ mannin be like diwa kɛ be fa tra nun. Yɛ be kpali Sirifuɛ'm be atin-ɔn. Be takali be ngblaliɛ'n Sirifuɛ'm be ndɛnman su. A wun be sa-a, ɔ waan boli fa kanngan nnyɔn yɛ be gualɛ-ɔ. Sirifuɛ'm be kusu be le lika'n wunmuan'n.

Jue Mun 3:1

Jue nga ti David liɛ. Ɔ kan David i wanndilɛ b'ɔ wanndili i wa Absalɔm i nyrun'n i ndɛ. I waan:

Jue Mun 33:16

Kɛ famiɛn kun ɔ ´kun alɛ b'ɔ ´fite nun'n, nán sonja kpanngban b'ɔ lɛ i'n be fanngan nun ti-ɔ. Kɛ safunyrɛn'n ɔ ´nyɛn i ti lɛ'n, nán fanngan dan b'ɔ lɛ i'n ti-ɔ.

Zeremi 46:23

Ɔliɛ Ezipt lɔ bo ble'n bɔ be wlu nun-ɔn, ɔ wlu-man'n, Eziptfuɛ sɔ'm be kpɔfuɛ'm be su bubu i nun waka'n. Afin be sɔnnin kekleke, ɔ waan lalo mun-ɔn, be ka be-ɔ ɔ yo-man ye.

Zozie 11:4

Famiɛn sɔ'm be nin be alɛ kunfuɛ'm be sɔnnin kɛ jenvie nuan aunnyan sa, yɛ be nnɛn kpanngɔ nin be kakaklolo'm be sɔnnin kpa.

Jɔlɛ Difuɛ Mun 6:3

Kɛ Izraɛlfuɛ'm be ko lua be fie'm be su ninnge'n, wuun Madianfuɛ mun, nin Amalɛkfuɛ mun, ɔ nin be nga be tran wia afiliɛ lɔ'n b'a ba Izraɛlfuɛ'm be klunngbɔ wlalɛ.

Jɔlɛ Difuɛ Mun 6:33

Madianfuɛ'm be kwlaa be nin Amalɛkfuɛ mun, yɛ be nga be tran wia afiliɛ lɔ'n bé ti yiali. Be kpɛli Zurdɛn'n nan b'a bo be nanmue Zizreɛl kongo'n nun.

Jɔlɛ Difuɛ Mun 6:5

Afin be ´ba'n, be fa be nnɛn mun, ɔ nin bé tannin sua mun yɛ be ba-a. Be kpanngban liɛ'n, a wun be sa-a, ɔ waan lalo mun-ɔn, be nin be nyɔnngɔnmɛn'm be tru lika nun sɔ trutrɛɛ yɛ be saci ninnge mun-ɔn.

Jɔlɛ Difuɛ Mun 7:13

Kɛ Zedeɔn ɔ ´ju lɛ'n, wuun bian kun su kɛn i laliɛ b'ɔ cɛnnin'n kle i wiengu kun. I waan: «N ´cɛn laliɛ-ɔ, ɔrz kpaun kun su kondo e nanmue'n nun. Ɔ bali lele ɔ wa sili tannin sua'n nan ɔ'a bu i. Ɔ suli i bo, kpɛkuun tannin sua'n langali i nyin aanga.»

Jɔlɛ Difuɛ Mun 8:10

Zebak nin Zalmɔna be nin be alɛ kunfuɛ mun be o Karkɔr. Sonja nga be kali'n be ti sran akpi-akpi blu-nin-nnun (15.000), be kwlaa be ti wia afiliɛ lɔ sran mun. Afin be nun akpi-akpi ya ablaɔn (120.000) be tɔli atin nun.

1 Samiɛl 13:5

Filistifuɛ'm be kusu be yiali kɛ be nin Izraɛlfuɛ'm be ´kun. Bé sa nun kakaklolo'n ti akpi-akpi ablasan (30.000), nnɛn kpanngɔ fufuɛ'm be ti akpi nsiɛn (6.000), sonja'm be ka be-ɔ, ɔ ka-man, be sɔnnin kɛ jenvie nuan aunnyan sa. Be bali be wa boli be nanmue Mikmas lɛ. Mikmas klɔ'n o Bɛt-Avɛn i bue ng'ɔ kpɛ wia afiliɛ lɔ nun.

1 Samiɛl 30:17

David kunnin be aliɛ njɛnniɛn su lele aliɛ fa cɛnnin fa sannin. Sran fi ɔ'a ka-man, san gbanflɛn ya nnan yɛ be fuli nyɔnngɔnmɛn'm be su be wanndili-ɔ.