Jɔlɛ Difuɛ Mun 6:9 - NYANMIƐN NDƐ'N 1998

⁹ N deli amun Eziptfuɛ mun, ɔ nin be nga be kle amun yalɛ'n bé sa nun. N fuannin be amun nyrun m mannin amun, n fali be mɛn'n m mannin amun.

Jɔlɛ Difuɛ Mun 6:9 ပူးပေါင်းရင်းမြစ်များ

Jue Mun 105:43

Kɛ ɔ ´yi i nvle'n nunfuɛ mun Ezipt lɔ fite'n, be klun'n jɔ-man blɛblɛ. Be b'ɔ kpali be sɔ'n, be klun b'ɔ jɔli'n ti b'a bo b'a sro-man ngowa.

Jue Mun 136:24

Be nga be mianmian ye'n, i yɛ ɔ deli ye bé sa nun-ɔn, afin i klun-ufue'n wo lɛ tititi.

Ezipt Lɔ Tulɛ'n 33:2

N ´sunman min anz'n ɔ ´dun mmua amun nyrun, yɛ n ´fuan Kanaanfuɛ mun, nin Ɛtfuɛ mun, nin Ferezfuɛ mun, nin Zɛbisfuɛ mun, ɔ nin Evfuɛ mun.

Jɔlɛ Difuɛ Mun 6:10

Yɛ n seli amun kɛ: N ti Anannganman amun Nyanmiɛn. Amɔrfuɛ nga'm bé mɛn'n nun yɛ amun wo yɛ'n, nán amun sɔ be amuɛn mun. Sanngɛ, amu'an ti-man mín nuan ndɛ'n.› »

Jɔlɛ Difuɛ Mun 6:8

yɛ Anannganman sunmannin i nuan ijɔfuɛ kun Izraɛlfuɛ'm be wun lɔ-ɔ. Nyanmiɛn nuan ijɔfuɛ'n seli kɛ: «Anannganman b'ɔ ti Izraɛl Nyanmiɛn'n i wan yoo: ‹Min fanngan nun yɛ man amun fin Ezipt kan amun yoli kanga lɔ'n bali-ɔ.

1 Samiɛl 10:18

Ɔ seli be kɛ: «Anannganman b'ɔ ti Izraɛl Nyanmiɛn'n i waan: ‹N fali Izraɛl nvle'n Ezipt lɔ m bali. N deli amun Eziptfuɛ nin nvle nga be kleli amun yalɛ'n be kwlakwla bé sa nun.›