Jɔlɛ Difuɛ Mun 6:6 - NYANMIƐN NDƐ'N 1998

⁶ Nanwlɛ, Madianfuɛ mun man Izraɛlfuɛ'm be wunnin nyrɛnnɛn. Yɛ Izraɛlfuɛ'm be kpan flɛli Anannganman-an.

Jɔlɛ Difuɛ Mun 6:6 ပူးပေါင်းရင်းမြစ်များ

Jue Mun 50:15

Sɛ nyrɛnnɛn tɔ wɔ su'n, kpan flɛ min, n ´de wɔ kɛ ɔ ´yo nan ɔ kusu w'a yi min ayɛ'n ti.

Jue Mun 78:34

Kɛ wie'n tɔ bé su'n, bé nyin kpɛn Nyanmiɛn su, be sa bé sin be bɛ i sin kɛ ɔ de be.

Ezai 26:16

Anannganman, blɛ bɔ sa kekle tɔli be su'n, be fali be wun mantannin wɔ. Kɛ a tuli be fɔ'n, be srɛli wɔ.

Zeremi 5:17

Be ´di amun ninnge'n kwlakwla. Be ´di ɔ fie su lɔ aliɛ mun nan b'a di klɔ wa liɛ mun. Be ´kun amun mma mun, i yasua mun o, i bla mun o, be ´kun be. Be ´kun amun nnɛn mun, i boli mun o, i bua mun o, i nannin mun o, be ´kun be. Be ´saci amun vinyi fie mun nin amun figie fie mun. Amun lɔ klɔ nga be sisi bé wun b'ɔ man an bu i kɛ sa kwla nyan-man amun'n, be ´fa alɛ saci be.

Ndɛ Nga Nyanmiɛn I Nuan Ijɔfuɛ Oze Kannin'n 5:15

N ´kɔ, n ´sa mín sin min tranwlɛ'n nun lɔ lele san bé tɛ nga be yoli'n ɔ ´fite bé nuan. Ɔ ´fite bé nuan kpɛkuun be ´sa be sin mín wun. Cɛn nga nyrɛnnɛn'n tɔ bé su'n, be ´usa min osu.»

Malasi 1:4

Sɛ Edɔmfuɛ'm be se kɛ: ‹B'a bubu e klɔ mun, sanngɛ e ´kplan be uflɛ'n.› I kusu m bɔbɔ min Anannganman bɔ n sie mɛn wunmuan'n, n ´se be kɛ yoo: ‹Be li man be kplan, sanngɛ n liɛ kusu nga n si i'n, yɛlɛ i bubulɛ. Ɔ man be ´flɛ be kɛ Klunwi Klɔ, wie kusu-ɔ, mɛn bɔ i wun ya wie-man Anannganman klun le.

Mmla'n 28:43

Aofuɛ nga be ´sike amun'n, be ´nyan nyrun tra amun tititi. Sanngɛ amun liɛ'n, amun ´kan ase tititi.

Jɔlɛ Difuɛ Mun 10:10

Yɛ be kpan flɛli Anannganman be seli i kɛ: «E fɔnnin ɔ wun, yɛlɛ kɛ a ti e Nyanmiɛn, kpɛkuun e yacili wɔ lɛ e ko sɔli Baal b'ɔ ti amuɛn'n.»

Jɔlɛ Difuɛ Mun 3:15

Yɛ Izraɛlfuɛ'm be kpan flɛli Anannganman ekun nan ɔ'a man bé defuɛ kun b'ɔ yɛlɛ Gera i wa Eid. I si Gera ti Bɛnzamɛn akpasua'n su sran. Eid di bɛ. Izraɛlfuɛ'm be sunmannin Eid kɛ ɔ fa like kun ko cɛ Eglɔn b'ɔ ti Moab famiɛn'n.

Jɔlɛ Difuɛ Mun 3:9

Yɛ be kpan flɛli Anannganman nan ɔ'a man be jɔlɛ difuɛ kun. Be flɛ i kɛ Ɔtniɛl. Kalɛb i sinma yasua Kɛnaz i wa-a.

Jɔlɛ Difuɛ Mun 4:3

Izraɛlfuɛ'm be kpan flɛli Anannganman afin Sizɛra lɛ blalɛ kakaklolo ya ngwlan. Ɔ kleli Izraɛlfuɛ'm be nun afuɛ kɔe ablaɔn.

Jɔlɛ Difuɛ Mun 6:7

Izraɛlfuɛ'm be kpan flɛli Anannganman kɛ ɔ de be Madianfuɛ'm be sa nun,