Jɔlɛ Difuɛ Mun 6:5 - NYANMIƐN NDƐ'N 1998

⁵ Afin be ´ba'n, be fa be nnɛn mun, ɔ nin bé tannin sua mun yɛ be ba-a. Be kpanngban liɛ'n, a wun be sa-a, ɔ waan lalo mun-ɔn, be nin be nyɔnngɔnmɛn'm be tru lika nun sɔ trutrɛɛ yɛ be saci ninnge mun-ɔn.

Jɔlɛ Difuɛ Mun 6:5 ပူးပေါင်းရင်းမြစ်များ

Ngɔjue Fɛfɛ Kpa'n 1:5

Zerizalɛm talua mun, min wunnɛn'n ɔ dun, sanngɛ nanwlɛ n ti klanman kɛ Kedarfuɛ'm bé tannin sua'm be sa, n ti kɛ famiɛn i sua'n i rido nglanman'm be sa.

Ezai 13:20

Sran'm be su tran-man nun mlɔnmlɔn kun, sran'm be su tran-man lɛ kun nan kɛ ɔ ´yo-ɔ ɔ'a yo. Arabfuɛ'm be su kplan-man be tannin sua'n lɛ, yɛ bua kankanfuɛ'm be su jran-man lɛ.

Ezai 60:6

Nyɔnngɔnmɛn bɔ bé wiasin'n lɛ kpɔlɛ nnyɔn'n, sran'm be ´fa kpanngban kpa be ba, nnɛn sɔ'm be ´yi ɔ mɛn'n, yɛ nga bɔ bé wiasin'n lɛ kpɔlɛ kunngba'n, be ´fa wie kusu fin Madian nin Efa be ´ba. Sebafuɛ'm be ´fa sika ɔkwlɛ nin ansans be ´ba. Nyanmiɛn i sa dandan ng'ɔ yoli be'n be su jue tolɛ ti yɛ be fa ba sɔ-ɔ .

Zeremi 46:23

Ɔliɛ Ezipt lɔ bo ble'n bɔ be wlu nun-ɔn, ɔ wlu-man'n, Eziptfuɛ sɔ'm be kpɔfuɛ'm be su bubu i nun waka'n. Afin be sɔnnin kekleke, ɔ waan lalo mun-ɔn, be ka be-ɔ ɔ yo-man ye.

Zeremi 49:29

Be `fa bé tannin sua nin be nnɛn mun. Be `fa bé sua nin bé bo trɔ mun. Be `fa be nyɔnngɔnmɛn mun wɔ. Be `bo awuyomo be su be `se kɛ: ‹Nyrɛnnɛn'n fin wa fin wa›

Zeremi 49:32

Be kpɔfuɛ'm be `fa be nyɔnngɔnmɛn mun nin be nnɛn'm be kwlakwla be `fa yo be liɛ. N ´kpaja be kɛ ble bɔ be kpaja bɔ aunngban'n fa tru lika'n nun'n sa. N ´kpaja be kwlaa sɔ nga be yi be akanza'n lele kpɛn lɔ'n. N ´yo man nyrɛnnɛn ´fin wa ´fin wa yɛ ɔ ´tɔ be su-ɔ .» Anannganman'n yɛ ɔ kan sɔ-ɔ.

Zeremi 51:14

Anannganman b'ɔ sie mɛn wunmuan'n ɔ tali i bɔbɔ i wun nda. I wan yoo: ‹Sran nga be wa ju gua ɔ su'n, nán sa yolɛ-ɔ. A wun be sa-a, ɔ waan lalo mun-ɔn.› Be yɛ be ´bo sro be ´gua ɔ wun nin-ɔn.

Mmla'n 28:33

Nvle nga amun si-man be'n be nunfuɛ'm be ´di amun fie'm be su ninnge nin amun junman'n i nuan ninnge'm be kwlaa. Yalɛ yɛ be ´kle amun sa tititi-ɔ, yɛ mianmianlɛ yɛ be ´mianmian amun-ɔn .

Jɔlɛ Difuɛ Mun 7:12

Madianfuɛ mun, nin Amalɛkfuɛ mun, ɔ nin be nga be tran wia afiliɛ lɔ'n nun be ta oka i kongo nun kɛ lalo mun sa. Be nyɔnngɔnmɛn'm be kusu be sɔnnin kɛ jenvie nuan aunnyan'n sa.

Jɔlɛ Difuɛ Mun 8:10

Zebak nin Zalmɔna be nin be alɛ kunfuɛ mun be o Karkɔr. Sonja nga be kali'n be ti sran akpi-akpi blu-nin-nnun (15.000), be kwlaa be ti wia afiliɛ lɔ sran mun. Afin be nun akpi-akpi ya ablaɔn (120.000) be tɔli atin nun.

Jɔlɛ Difuɛ Mun 8:21

Yɛ Zebak nin Zalmɔna be seli i kɛ: «Ɔ bɔbɔ jaso bla wa kun ye. Kɛ sran'n fa ti'n yɛ i fanngan'n fa ti-ɔ.» Yɛ Zedeɔn ko kunnin Zebak nin Zalmɔna-a, nan ɔ'a fa be nyɔnngɔnmɛn'm be kɔmin nyanman mun.

1 Samiɛl 30:17

David kunnin be aliɛ njɛnniɛn su lele aliɛ fa cɛnnin fa sannin. Sran fi ɔ'a ka-man, san gbanflɛn ya nnan yɛ be fuli nyɔnngɔnmɛn'm be su be wanndili-ɔ.