Jɔlɛ Difuɛ Mun 6:3 - NYANMIƐN NDƐ'N 1998

³ Kɛ Izraɛlfuɛ'm be ko lua be fie'm be su ninnge'n, wuun Madianfuɛ mun, nin Amalɛkfuɛ mun, ɔ nin be nga be tran wia afiliɛ lɔ'n b'a ba Izraɛlfuɛ'm be klunngbɔ wlalɛ.

Jɔlɛ Difuɛ Mun 6:3 ပူးပေါင်းရင်းမြစ်များ

Bo Bolɛ 25:6

I soman'm be mma'm be liɛ'n, ɔ cɛcɛli be ninnge kpɛkuun ɔ man be jasoli Izaak wun lɛ be ɔli wia afiliɛ lɔ mɛn kun nun.

Bo Bolɛ 29:1

Zakɔb fali wia afiliɛ lɔfuɛ'm be atin'n.

1 Famiɛn Mun 20:27

Akab kali Izraɛlfuɛ'm be kusu. Ɔ sili be nuan. Ɔ mannin be like diwa kɛ be fa tra nun. Yɛ be kpali Sirifuɛ'm be atin-ɔn. Be takali be ngblaliɛ'n Sirifuɛ'm be ndɛnman su. A wun be sa-a, ɔ waan boli fa kanngan nnyɔn yɛ be gualɛ-ɔ. Sirifuɛ'm be kusu be le lika'n wunmuan'n.

1 Famiɛn Mun 5:10

Salomɔn i ngwlɛlɛ liɛ'n ɔ tra wia afiliɛ lɔfuɛ mun, ɔ nin Ezipt lɔfuɛ mun be kwlakwla be liɛ'n.

Zɔb I Nyrɛnnɛn Wunlɛ 1:3

Ɔ lɛ bua akpi nso (7.000), nin nyɔnngɔnmɛn akpi nsan (3.000), nin nannin nnyɔn-nnyɔn sɔ ya nnun, ɔ nin aflunmun bla ya nnun. I sa nun sran'm be sɔnnin kpa. Be nga be tran wia afiliɛ lɔ lika nun'n, i dunman'n fuli trali be kwlaa.

Zɔb I Nyrɛnnɛn Wunlɛ 31:8

sɛ n ta like'n, man n wiengu uflɛ di. Man be tu min fie'n nun ninnge bɔ be ´fifi'm bé bo.

Ezipt Lɔ Tulɛ'n 17:8

Amalɛkfuɛ'm be wa tɔli Izraɛlfuɛ'm bé su Refidim lɛ.

Ezai 11:14

Bé bo ´yo kun, be ´tɔ Filistifuɛ mun bɔ be o wia atɔliɛ lɔ'n bé su. Yɛ be ´fɛn be nga be o wia afiliɛ lɔ'n bé bo ninnge mun. Bé sa ´kan Edɔmfuɛ mun nin Moabfuɛ mun. Yɛ Amɔnfuɛ'm be ´yo be kanga.

Ezai 62:8

Kɛ bɔ Anannganman ɔ kwla'n ti'n, ɔ tali nda kɛ yoo: «N su fa-man ɔ ble'n n man-man ɔ kpɔfuɛ'm be kɛ be fa ta bé wun, yɛ n su kplin-man su kɛ sran'm bɔ be fin lika wie'n be wa nɔn ɔ nzan lɔflɛ'n bɔ a fɛli nan ɔ'a nyɛn i'n.

Zeremi 49:28

Klɔ nga Babilɔni famiɛn'n kwlali be'n be liɛ yɛ. Anannganman'n wan yoo: «Amun `jaso. Amun nin Kedar be `ko kun! Be `ko saci aawlɛ flɛnnɛn nun lɔfuɛ'm be lika'n.

Ezekiɛl 25:3

Se be kɛ: ‹Amun `sie amun su amun tie Anannganman Nyanmiɛn i nuan su ndɛ'n. Anannganman Nyanmiɛn wan yoo: Kɛ bɔ amun srili min sua'n bɔ be yoli i wannzo, kɛ bɔ amun srili Izraɛl asiɛ'n blɛ b'ɔ sacili nin Zida awlo'n blɛ bɔ be trali lɔfuɛ mun be lomuɛn ɔli'n,

Ezekiɛl 25:4

i ti'n, n ´fa amun m man be nga be fin wia afiliɛ lɔ'n, be wa bo be nanmue mun amun afiɛn. Be ´tran amun afiɛn. Be ´di amun waka mma mun. Be ´nɔn amun nɔnnɔn'n.

Saun Yolɛ 26:16

sa nga n ´fa wla amun nun'n yɛ o yɛ: sa sroesroe mun bɔ be kun srɛ'n, ɔ nin nzisi koklo'n, ɔ nin ayrɛ ng'ɔ gua bé wun'n yɛ n ´to n yi amún su-ɔ. I sɔ ninnge liɛ mun'n, be man sran'n ɔ tu i ba nun, yɛ be man ngokoɛ ɔ kun i. Amun ´di fie ngbɛn, san be nga be nin amun be kun'n, be yɛ be ´fɛ i su ninnge'm be ´di-ɔ.

Mise 6:15

Amun ´lua ninnge mun, sanngɛ an su nyan-man nun like fi. Amun ´yi olivie ngo, sanngɛ an su nyan-man wie yo-man like fi nun. Amun ´yi nzan, sanngɛ an su nɔn-man.

Mmla'n 28:51

Be ´di amun nnɛn mun nin amun fie'm bé su aliɛ mun lele san amun ´wie nunnun. Amun ble, nin amun nzan lɔflɛ, nin amun ngo, nin amun nannin'm be mma mun, nin amun bua'm be mma mun, ɔ nin amun boli'm be mma mun'n, be su yaci-man wie fi lɛ. Yɛ amun bɔbɔ amun ´wie wu.

Jɔlɛ Difuɛ Mun 10:12

nin Sidɔnfuɛ mun, nin Amalɛkfuɛ mun, ɔ nin Maɔnfuɛ'm be ´kle amun nyrɛnnɛn bɔ amun kpan flɛli min'n, m'an de-man amun bé sa nun?

Jɔlɛ Difuɛ Mun 3:13

Eglɔn fali Amɔnfuɛ nin Amalɛkfuɛ mun ukali i su nan ɔ nin Izraɛlfuɛ'm b'a ɔ kunlɛ. Be kwlali Izraɛlfuɛ mun, be fali Zeriko .

Jɔlɛ Difuɛ Mun 6:2

Kɛ Madianfuɛ'm be ko kle Izraɛlfuɛ'm be yalɛ'n yɛ be kleli be-ɔ. Kɛ ɔ ko yo nan Izraɛlfuɛ'm b'a nyan bé ti Madianfuɛ'm bé sa nun'n ti be fia oka'm be kɔtɔka'm be nun, nin yɛbuɛ buɛ'm be nun, ɔ nin oka be su yɛbuɛ godogodo'm be nun.

Jɔlɛ Difuɛ Mun 6:33

Madianfuɛ'm be kwlaa be nin Amalɛkfuɛ mun, yɛ be nga be tran wia afiliɛ lɔ'n bé ti yiali. Be kpɛli Zurdɛn'n nan b'a bo be nanmue Zizreɛl kongo'n nun.

Jɔlɛ Difuɛ Mun 6:4

Be wa bo be nanmue Izraɛlfuɛ'm be lika'n nun. Be saci be ninnge nga be lua be'n lele ɔ fa ju Gaza. Izraɛlfuɛ'm be fie su ninnge mun o, be bua mun o, be nannin mun o, be aflunmun mun o, b'a yaci-man kun sa lɛ!

Jɔlɛ Difuɛ Mun 7:12

Madianfuɛ mun, nin Amalɛkfuɛ mun, ɔ nin be nga be tran wia afiliɛ lɔ'n nun be ta oka i kongo nun kɛ lalo mun sa. Be nyɔnngɔnmɛn'm be kusu be sɔnnin kɛ jenvie nuan aunnyan'n sa.

Jɔlɛ Difuɛ Mun 8:10

Zebak nin Zalmɔna be nin be alɛ kunfuɛ mun be o Karkɔr. Sonja nga be kali'n be ti sran akpi-akpi blu-nin-nnun (15.000), be kwlaa be ti wia afiliɛ lɔ sran mun. Afin be nun akpi-akpi ya ablaɔn (120.000) be tɔli atin nun.