Jɔlɛ Difuɛ Mun 6:13 - NYANMIƐN NDƐ'N 1998

¹³ Zedeɔn tɛli i su kɛ: «?Ai nannan, sɛ Anannganman nin e o nun'n, yɛ wuun ɔ yo sɛ ti yɛ sa nga'm be ju e su-ɔ? ?Abonuan sa nga e si'm be kan kle e bɔ be waan: ‹Anannganman i fanngan nun yɛ e fin Ezipt lɔ e bali'n,› i sɔ abonuan sa liɛ ɔ yo sɛ ti yɛ e wun-man be kun-ɔn? Andɛ e yɛ Anannganman ɔ'a yi e blo yɛ, ɔ'a fa e ɔ'a wlɛ i Madianfuɛ'm bé sa nun.»

Jɔlɛ Difuɛ Mun 6:13 ပူးပေါင်းရင်းမြစ်များ

Bo Bolɛ 25:22

Ba'm be tu ngondin i klun lɔ yɛ Rebeka se kɛ: «?Sɛ ɔ ko yo sa'n, wuun ɔ yo sɛ ti yɛ m'an ka-man lɛ-ɔ?» Nan ɔ'a ko usa Anannganman.

2 Be Nyoliɛ 15:2

Azaria ko toli Aza-a. Ɔ seli i kɛ: «Nannan Aza, a nin Zidafuɛ mun, nin Bɛnzamɛnfuɛ mun kwlaa, amun `tie, n ´kan ndɛ. Sɛ amun nin Anannganman o nun'n, i kusu nin amun wo nun. Sɛ amun fa amun wun mɛntɛn i'n, ɔ ´yo man amun ´wun i. Sɛ amun kpɔci i'n, ɔ ´kpɔci amun.

Jue Mun 27:9

Nán kaci ɔ́ sin si min. Nán fa ya fuan min. Wɔ yɛ a ti min ukafuɛ-ɔ, nán yi min ase, nán yi min gua'n su. Wɔ Nyanmiɛn'n, wɔ yɛ a ti min defuɛ-ɔ!

Jue Mun 44:1

Jue nga ti Kɔre i sran'm be liɛ. Ɔ o jue tofuɛ'm be su kpɛn'n i fluwa'm be nun wie. Be waan:

Jue Mun 44:2

Ee Nyanmiɛn, sa dandan nga a yoli be e nannan'm be blɛ su lalafuɛ nun'n, e si'm be kan kleli ye, e tili.

Jue Mun 44:9

Nyanmiɛn, e fa ɔ e di e nuan cɛn kwlaa, e yaci-man wɔ bo flɛlɛ'n le nan kɛ ɔ ´yo-ɔ ɔ'a yo.

Jue Mun 89:49

?Sran kun o lɛ b'ɔ ´ka lɛ tititi b'ɔ su wu-man le-ɔ? ?Sran kun o lɛ b'ɔ su kɔ-man blɔlɔ lɔ le-ɔ?

Ezai 41:17

Yalɛfuɛ mun nin nyrɛnnɛnfuɛ'm be kunndɛ nzue, sanngɛ be nyan-man wie. Nzue we'n ti be konviabo ɔ'a wu kee. M bɔbɔ min Anannganman n wa tɛ be srɛlɛ'n su. M bɔbɔ min bɔ n ti Izraɛl Nyanmiɛn'n, n su kpɔci-man be.

Ezai 63:11

Yɛ i nvle nunfuɛ'm bé wla kpɛnnin laa blɛ'n nin Moiz be su-ɔ. Be waan: «?Sran ng'ɔ fɛli i nvle'n nunfuɛ mun nin be sunianfuɛ mun jenvie'n nun fiteli'n, ɔ o nin? ?Sran ng'ɔ fɛli i Wawɛ'n sieli be afiɛn'n, ɔ o nin?

Ezai 63:15

Kɛ a o ɔ sua klanman'n nun nyanmiɛn su lɔ'n, nian sa bɔ be ju e su'n. ?Ɔ klolɛ dan'n nin ɔ fanngan'n be o nin? Ɔ wun b'ɔ usu wɔ ye ti'n, yɛ aunnvuɛ bɔ a si ye'n, e wun-mɛn i sɔ kun.

Zeremi 23:33

Nan yoo: ‹Sɛ min nvlefuɛ mun annzɛ Nyanmiɛn nuan ijɔfuɛ sɔ mun annzɛ Nyanmiɛn nyrun jranfuɛ sɔ'm be nun kun usa wɔ kɛ: ?Nguɛ sa yɛ Anannganman'n ɔ'a siesie kɛ ɔ ´fa yi é su-ɔ? Kan sa sɔ'n kle be. Se be kɛ: Anannganman'n waan: N ´yi amun ase.›

Rɔmfuɛ Mun 8:31

?Sɛ ɔ ti sɔ'n, nguɛ ndɛ yɛ e ´kɛn ekun-ɔn ? ?Sɛ Nyanmiɛn jin e sin'n, wan yɛ ɔ kwla yo e sa-a?

Mmla'n 29:24

Kpɛkuun be ´tɛ bé su kɛ: «Aenguɛ nga be nannan'm be Nyanmiɛn'n nin be trali blɛ nga b'ɔ yi be Ezipt lɔ ´fite'n, b'a di-man su.

Mmla'n 31:17

Kɛ be ko yo sɔ'n, n wa fa ya bé wun, n ´yi be ase, n ´kaci mín sin n ´si be. Nvle kun nga'm be ´nunnun be. Sa yalɛ sunman kpa nin nyrɛnnɛn sa'm be wa tɔ bé su. Kpɛkuun be wa wun i wlɛ kɛ Nyanmiɛn b'ɔ nun-man be afiɛn'n i ti yɛ sa sɔ'm be tɔ bé su nin-ɔn.

Jɔlɛ Difuɛ Mun 6:1

Izraɛlfuɛ'm be yoli like nga Anannganman klo-mɛn i ekun, nan Anannganman ɔ'a fa be a wlɛ i Madianfuɛ'm bé sa nun afuɛ nso.

Jɔlɛ Difuɛ Mun 6:12

kpɛkuun Anannganman i anz'n fiteli i nyrun lɛ, ɔ seli i kɛ: «Safunyrɛn, Anannganman nin wɔ be o nun.»