Jɔlɛ Difuɛ Mun 6:12 - NYANMIƐN NDƐ'N 1998

¹² kpɛkuun Anannganman i anz'n fiteli i nyrun lɛ, ɔ seli i kɛ: «Safunyrɛn, Anannganman nin wɔ be o nun.»

Jɔlɛ Difuɛ Mun 6:12 ပူးပေါင်းရင်းမြစ်များ

Ezipt Lɔ Tulɛ'n 3:12

Nyanmiɛn tɛli i su kɛ: «N jin ɔ́ sin, yɛ nian, nzɔliɛ b'ɔ kle kɛ min yɛ n sunman wɔ'n yɛ. Kɛ a ko fa Izraɛlfuɛ mun ko fite'n, amun wa su min oka nga su.»

Matthieu 1:23

«An `nian, talua b'ɔ nian si-man bian'n ɔ wa wunnzɛ, ɔ ´wu ba yasua, Be ´tɔn i dunman Emaniɛl,» bɔ i bo'n kle kɛ Nyanmiɛn nin ye o nun .

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

JÉSUS-CHRIST I DYASIN FE'N BO LUC KLELI'N 1:11

ɔ ´nian-an, e Min Nyanmiɛn i anz kun jin ansans yralɛ'n i fama su lɛ.

JÉSUS-CHRIST I DYASIN FE'N BO LUC KLELI'N 1:28

Ɔ wluli talua sɔ'n i awlo lɔ ɔ yoli i like, ɔ seli kɛ: «Ɔ liɛ su ti ye! Man e Min Nyanmiɛn'n jran ɔ sin!»

Mmla'n 20:1

Sɛ amun ´kɔ alɛ kunlɛ'n, nan amun ´nian-an, amun kpɔfuɛ'm be nnɛn kpanngɔ mun, nin be kakaklolo'm be kpanngban ɔ tra amun liɛ'n, nán amun sro be, afin Anannganman amun Nyanmiɛn b'ɔ fali amun Ezipt mɛn'n nun lɔ bali'n, ɔ nin amun wo nun.

Zozie 1:5

Sran fi su kwla jran-man ɔ nyrun lele san ɔ́ wie. N wa jran ɔ́ sin kɛ n jrannin Moiz i sin'n sa. N su kpɔci-man wɔ le. N ´jran ɔ́ sin titi.

Zozie 1:9

Nán ɔ́ wla fi ndɛ nga n kan kleli wɔ'n su: jran kekle, yo yakpafuɛ, nán srɛ kun wɔ, nán ɔ klun titi wɔ, afin min Anannganman ɔ Nyanmiɛn'n lika kwlaa nga a ´kɔ'n n jin ɔ́ sin.»

Jɔlɛ Difuɛ Mun 11:1

Zɛfte fin Galaad akpasua'n su, ɔ ti safunyrɛn. I nin'n ti tekle bla. I si yɛlɛ Galaad.

Jɔlɛ Difuɛ Mun 13:3

Anannganman i anz ɔ fiteli bla sɔ'n i nyrun, nan ɔ'a se i kɛ: «Wɔ yɛ ɔ klun ti kpan yɛ, a lɛ-man ba, sanngɛ a wa wunnzɛ yɛ a wa wu ba yasua kun.

Jɔlɛ Difuɛ Mun 2:18

Kɛ Anannganman man be jɔlɛ difuɛ kun ɔ ukɛ i, blɛ nga jɔlɛ difuɛ i nyin tɛ o su'n, Anannganman de be be kpɔfuɛ'm be sa nun. Afin kɛ be ´kle be yalɛ bɔ be ´mianmian be'n, be sun flɛ Anannganman. I kusu ɔ si be aunnvuɛ,

Jɔlɛ Difuɛ Mun 6:11

Anannganman i anz'n bali, ɔ wa trannin Ofra lɔ waka nga be flɛ i terebɛnt'n bo lɛ. Waka sɔ'n ti Zɔas ng'ɔ ti Abiezɛr i osu nunfuɛ'n i liɛ. Kɛ ɔ ´yo sɔ'n, wuun i wa Zedeɔn ɔ o lɛ ɔ ´kpukpu i ble'n vinyi mma cuɛnwlɛ'n nun, nan ɔ ´fa fia Madianfuɛ'm be nyrun,

Jɔlɛ Difuɛ Mun 6:13

Zedeɔn tɛli i su kɛ: «?Ai nannan, sɛ Anannganman nin e o nun'n, yɛ wuun ɔ yo sɛ ti yɛ sa nga'm be ju e su-ɔ? ?Abonuan sa nga e si'm be kan kle e bɔ be waan: ‹Anannganman i fanngan nun yɛ e fin Ezipt lɔ e bali'n,› i sɔ abonuan sa liɛ ɔ yo sɛ ti yɛ e wun-man be kun-ɔn? Andɛ e yɛ Anannganman ɔ'a yi e blo yɛ, ɔ'a fa e ɔ'a wlɛ i Madianfuɛ'm bé sa nun.»

Rit I Wun Ndɛ 2:4

Be o lɛ, kpɛkuun Bɔaz ɔ'a fin Bɛtleɛm lɔ ɔ'a ba. Yɛ ɔ yoli junman difuɛ'm be like-ɔ. I waan: «Man Anannganman nin amun tran.» Be kusu be tɛli i su kɛ: «Man Anannganman yo ɔ liɛ ye.»

1 Samiɛl 10:7

Kɛ nzɔliɛ sɔ'n kwlaa i nuan ko yia'n, si kɛ Nyanmiɛn nin wɔ o nun. Yɛ like ng'ɔ fata kɛ a yo'n, yo.