Jɔlɛ Difuɛ Mun 5:5 - NYANMIƐN NDƐ'N 1998

⁵ Oka'm be jran Anannganman nyrun-ɔn, ɔ jran-man kun. Sinai oka'n kejeli Anannganman b'ɔ ti Izraɛl Nyanmiɛn'n i nyrun.

Jɔlɛ Difuɛ Mun 5:5 ပူးပေါင်းရင်းမြစ်များ

Jue Mun 104:32

Kɛ a nian asiɛ'n sa'n, wuun ɔ su keje. Kɛ a kan oka mun nin ɔ sa'n, wuun wɛnsrɛn su fin be nun fite.

Jue Mun 114:4

Oka'm be ´kɔ'n, wuun be ´tu kpɛn kɛ bua nene mun sa, kpɔlɛ'm be kusu be tu kpɛn kɛ boli mun sa.

Jue Mun 68:8

Nyanmiɛn, kɛ a dunnin mmua ɔ sran'm be nyrun'n, kɛ a nantili aawlɛ flɛnnɛn'n nun lɔ'n,

Jue Mun 68:9

asiɛ'n kejeli. Wɔ bɔ a ti Nyanmiɛn'n, bɔ a ti Izraɛlfuɛ'm be Nyanmiɛn'n, nyanmiɛn'n b'ɔ la nglo lɔ plaii'n, ɔ kloli ɔ nyrun Sinai lɔ.

Jue Mun 97:5

Oka'm be klo Anannganman b'ɔ ti asiɛ wunmuan'n i Min'n i nyrun kɛ ngo'n sa.

Ezipt Lɔ Tulɛ'n 19:18

Sin wɛnsrɛn'n fali oka wunmuan'n, afin Anannganman jrali sin'n i afiɛn. Sin wɛnsrɛn'n jaso mlemlemle kɛ ngbɛ nun sin wɛnsrɛn sa, yɛ oka wunmuan'n kejeli kpa.

Ezipt Lɔ Tulɛ'n 20:18

Izraɛlfuɛ'm be kwlaa be tili nyanmiɛn b'ɔ kpan kplannan kplannan i ngan ɔ nin awɛ b'ɔ tɛ'n. Be kwlaa be wunnin nyanmiɛn'n i sin b'ɔ kpa piapia'n, ɔ nin oka'n b'ɔ ti sin wɛnsrɛn ngunmin'n, yɛ be tɔli usulɛ'n su-ɔ srɛ b'ɔ kun be'n ti. Be jran mmua lɔ.

Ezai 63:19

Kɛ e yoli kɛ sran'm bɔ a sie-man be'n nan ɔ dunman nun-man be su sa'n, ɔ'a cɛ kpa. Sɛ ɔ ti kɛ a su kpaci nyanmiɛn'n b'ɔ la nglo lɔ plaii'n nun'n yɛ a su jra wa'n, wuun oka'm be ´keje ɔ nyrun sa gbugbugbu.

Naɔm 1:5

Kɛ ɔ kɛn i wun'n, oka'm be keje, kpɛkuun kpɔlɛ'm be bubu be gua. Kɛ ɔ ´ba'n, asiɛ wunmuan'n keje, asiɛ wunmuan'n nin i su sran'm be kwlaa be usu.

Abakik 3:10

Kɛ oka'm be wun wɔ'n, be usu. Kɛ nzue'n ɔ tɔ dandan'n, kpɛkuun ɔ'a kata asiɛ'n su kplu. Jenvie'n ɔ bo kpɛkuun ɔ wunndun kendengleiin to nyanmiɛn'n.

Hébreu 12:18

Amun liɛ'n nán oka wie bɔ be kɛn i-ɔ ɔ yo ye'n bɔ sin dan nin bɔlɛ tukuu, nin aosin, ɔ nin aunngban dan o su'n i bo yɛ amun ɔli kɛ Izraɛlfuɛ'm be liɛ'n sa-a.