Jɔlɛ Difuɛ Mun 5:31 - NYANMIƐN NDƐ'N 1998

³¹ Anannganman, man ɔ kpɔfuɛ'm be wu sa tititi! Sanngɛ man be nga be klo wɔ'n be yo kɛ wia bɔ ɔ'a man su b'ɔ su bo kpa'n sa.» Kɛ ɔ yoli sɔ'n, lika'n tɔli bliin afuɛ ablanan.

Jɔlɛ Difuɛ Mun 5:31 ပူးပေါင်းရင်းမြစ်များ

2 Samiɛl 18:31

Yɛ Etiopifuɛ'n bali-ɔ. I waan: «Nannan, sie ɔ́ su tie ndɛ fɛ wie. Anannganman tuli wɔ klunngbɔ mannin wɔ. Ɔ deli wɔ be nga be jasoli ɔ́ wun'n bé sa nun.»

2 Samiɛl 18:32

Famiɛn'n usɛli kɛ: «?Gbanflɛn kan nga be flɛ i Absalɔm'n li, i wun lɔun?» Etiopifuɛ'n waan: «Nannan, man nga ɔ juli gbanflɛn sɔ'n su'n yɛ ɔ ju ɔ kpɔfuɛ nin be kwlaa nga be jaso ɔ́ wun'n bé su-ɔ.»

2 Samiɛl 23:4

ɔ ti kɛ nglɛmun wia b'ɔ ´fite'n, wuun nyanmiɛn ble'n nun-man lɛ'n sa'n. Ɔ kpaja weiin. Kɛ nzue'n ɔ'a tɔ ɔ'a kpɛ'n, i sɔ wia liɛ'n yɛ man ijre nga be o asiɛ'n bo'n be fu-ɔ.›

Jue Mun 19:6

Nglɛmun kɛ ɔ fin lɔ ɔ ´ba sa'n, i like b'ɔ fɛ i'n, yɛlɛ yasua bɔ ɔ'a ja bla uflɛ bɔ ɔ'a fin i atɔnvlɛ sua'n nun ɔ'a fite'n. Ɔ ti kɛ sran yakpafuɛ bɔ i klun ɔ'a jɔ kpa bɔ ɔ'a fɛ i atin'n sa.

Jue Mun 20:8

Wie'm be lafi be kakaklolo'm be su, wie'm be kusu be lafi nnɛn kpanngɔ'm bé su. E liɛ'n, Anannganman e Nyanmiɛn'n yɛ e fa e wla guɛ i su-ɔ.

Jue Mun 37:6

Ɔ wa yo man ɔ nzuɛn kpa'n ɔ ´fite nglo wein kɛ like bɔ b'a fa sie i lika ng'ɔ kpaja'n nun'n sa. Yɛ ɔ ndɛ fɛ'n kusu ɔ ´fite nglo weiin kɛ like bɔ b'a yi nglo wia kpa'n nun'n sa.

Jue Mun 89:36

M bɔbɔ min Nyanmiɛn n tali nda. ?N ´kaci aniɛn David wun sɛ?

Jue Mun 89:37

I osu'n ´tran lɛ tititi. Sɛ i osu'n nunfuɛ ´tu famiɛn bia'n su'n, wuun wia'n nun-man lɛ kun.

Jue Mun 91:14

Anannganman waan: «Ɔ klo min, i sɔ'n ti n ´fɛ i n ´fia, n ´sɛsɛ i afin ɔ si min.

Jue Mun 92:10

Ɔ kpɔfuɛ'm be kusu be liɛ'n, be wa wu, ɔ kpɔfuɛ'm be ´wu. Sa sukusuku yofuɛ'm be ´bo sanndi.

Jue Mun 92:9

Sanngɛ wɔ liɛ'n, Anannganman kɛ a o nglo lɔ'n yɛ a wo-ɔ.

Jue Mun 97:10

Amun bɔ an klo Anannganman'n, an `kpɔ sa tɛ'n. Ɔ sasa i sufuɛ nanwlɛfuɛ'm be nguan'n. Ɔ de be klunwifuɛ'm bé sa nun .

Jue Mun 97:8

Ee Anannganman, kɛ Siɔnfuɛ mun nin Zida klɔ'm be sufuɛ mun be ti jɔlɛ nga a di be'n, be klun jɔ dan.

Ezipt Lɔ Tulɛ'n 20:6

Sanngɛ sran nga be klo min'n, bɔ be fa min ndɛ'm bé su'n, n klo be lele n fa wlu be anunman'm be mma liɛ'm be nun lele ju be akpasua akpi su.

Nyanndra Mun 4:18

Kɛ wia'n tu i bo b'ɔ ´kɔ'n, wuun i kpajalɛ'n ´uka su lele wia fa jran, sran kpa'n kusu kɛ i nzuɛn'n ti weiin sɔ-ɔ .

Daniɛl 12:3

Sran ngwlɛlɛfuɛ'm be ´yo nyɛnmɛn kɛ nyanmiɛn su lɔ'n fa yo klanman'n sa. Be nga be kle sran'm bé Nyanmiɛn i atin'n, be ´kpaja kɛ nzraama'm be sa tititi.

Ndɛ Nga Nyanmiɛn I Nuan Ijɔfuɛ Oze Kannin'n 6:3

Man e si Anannganman. Amun man e kunndɛ kɛ e ´si i, afin i balɛ'n ti kɛ aliɛ b'ɔ cɛn b'ɔ to fuan-man'n sa. I balɛ'n wa yo kɛ nzue b'ɔ kpiti kpli tɔ'n sa. Ɔ wa yo kɛ munngun nun nzue b'ɔ man asiɛ'n jɔ'n sa.»

Matthieu 13:43

Sanngɛ sran nanwlɛfuɛ'm be wa yo kɛ wia'n sa, be ´kpaja be Si i mɛn'n nun. Man sran ng'ɔ si ´fa sie'n, ɔ ´fa sie.»

Rɔmfuɛ Mun 8:28

E si kɛ sa kwlaa nga b'ɔ ju'n, e bɔ e klo Nyanmiɛn b'ɔ flɛli e yɛlɛ kɛ ɔ bu ye akunndan sieli laa'n, e kpa yolɛ ti yɛ ɔ man sa sɔ'm be yo-ɔ.

1 Korɛntfuɛ Mun 8:3

Sanngɛ sran ng'ɔ klo Nyanmiɛn'n, Nyanmiɛn si i sɔfuɛ'n.

Efɛzfuɛ Mun 6:24

Yɛ e Si Nyanmiɛn man be kwlaa nga be klo e Min Jésus-Krist lele guɛ i ti nin i bo'n be nyan ye!

Mmla'n 6:5

Amun `klo Anannganman amun Nyanmiɛn'n kpa, amun `fa amún wla'n kwlaa guɛ i su, amun `fa amun wunmiɛn'n kwlaa yo like ng'ɔ kle kɛ amun klo i'n.

Mmla'n 7:9

I sɔ'n ti, amun `si kɛ Anannganman amun Nyanmiɛn'n yɛ ɔ ti Nyanmiɛn nin-ɔn. Nyanmiɛn sɔ'n ɔ ti nanwlɛfuɛ, ɔ nin sran mun tra aenguɛ. Sɛ be klo i nan be fɛ i mmla'm be su'n, i kusu ɔ nian aenguɛ ng'ɔ nin be trali'n su yɛ ɔ si be aunnvuɛ lele fa wlu be anunman'm be mma liɛ'm be nun lele ju be akpasua akpi su.

Jacques 1:12

Sran nga sa tɔ i su b'ɔ trɛ i anwlɛn'n, i liɛ su ti ye. Afin kɛ Nyanmiɛn wun kɛ ɔ trɛ i anwlɛn sa sɔ nun'n, nguan b'ɔ ti like kpa, bɔ i waan ɔ ´fa man be nga be klo i'n, ɔ ´fa mɛn i.

Jacques 2:5

N niaan kpa mun, an `sie amun su! ?Nyanmiɛn a fa-man mɛn nga nun yalɛfuɛ mun kɛ be yo anyanbeunfuɛ i su bɔ be lafi'n ti nan famiɛn nga i waan be nga be klo i'n be ´di'n be di wie?

1 Piɛr 1:8

Amu'an wun-mɛn i le, sanngɛ an klo i. Kannzɛ an nian wun-mɛn i'n, an lafi i su, ɔ man amun klun jɔ dan kpa, ɔ man an wun-man ndɛ nga an kan-an.

Sa nglô yile 1:16

Nzraama nso wo i sa fama'n nun, yɛ tokofi nnana kpa kun wo i nuan nun. I nyrun'n ti kɛ wia'n b'ɔ fi kpa'n sa .

Sa nglô yile 18:20

Nyanmiɛn su lɔfuɛ mun, an `si able i sacilɛ bɔ ɔ'a saci'n ti! Nyanmiɛn sran mun, nin amun b'ɔ sunmannin amun'n, ɔ nin amun bɔ amun ti i nuan ijɔfuɛ mun, an `si able! Afin Nyanmiɛn a fa sa ng'ɔ yoli amun'n i nuan akatua a mɛn i .› »

Sa nglô yile 6:10

Be kpannin kekle be seli kɛ: «?Nannan, ɔ bɔ ɔ nzuɛn'n nin klɔ sran liɛ'n ti-man kun'n, bɔ a ti nanwlɛfuɛ'n, cɛn onin yɛ a ´di e jɔlɛ'n bɔ a ´tu e klunngbɔ asiɛ'n sufuɛ'm bé su kunlɛ bɔ be kunnin ye'n ti-ɔ ?»

Jɔlɛ Difuɛ Mun 3:11

Izraɛl nvle'n tɔli fɔuun afuɛ ablanan. Yɛ Kɛnaz i wa Ɔtniɛl wuli-ɔ.

Jɔlɛ Difuɛ Mun 3:30

Kɛ ɔ fin le kun sɔ nun'n, Moabfuɛ'm be ti'n wo Izraɛlfuɛ'm bé bo. Lika'n wa tɔli bliin afuɛ ablaɔcuɛ.