Jɔlɛ Difuɛ Mun 5:3 - NYANMIƐN NDƐ'N 1998

³ Famiɛn mun nin siefuɛ mun, amun `sie amún su tie. N ´to jue m ´bo n flɛ Anannganman. M ´bo n flɛ Izraɛl Nyanmiɛn'n.

Jɔlɛ Difuɛ Mun 5:3 ပူးပေါင်းရင်းမြစ်များ

Bo Bolɛ 6:17

Afin n wa tɔ anannganman su nzue kun asiɛ'n su, n ´fa nunnun ninnge nga be wo asiɛ'n su'n be kwlaa. N ´kun asiɛ'n su ninnge'm be kwlaa.

Bo Bolɛ 9:9

«Min kusu nda yɛ n ´ta amun yɛ. Amun nin amun osu'n nunfuɛ mun

1 Famiɛn Mun 18:22

Eli seli be kɛ: «N kunngba yɛ m'an ka Nyanmiɛn i nuan ijɔfuɛ-ɔ, yɛ sanngɛ Baal i nuan ijɔfuɛ'm be ti ya-nnan-ablenun.

1 Famiɛn Mun 19:10

Eli tɛli i su kɛ: «Anannganman, a ti mɛn wunmuan'n i Nyanmiɛn. Kɛ n klo wɔ'n, i ti n kwla suan-man sa nga Izraɛlfuɛ'm be yo'n i bo kun. Aenguɛ nga a nin be trali'n, b'a yi i ase, be bubuli wɔ sɔwlɛ mun, be kunnin ɔ nuan ijɔfuɛ mun. N kunngba bɔ m'an ka'n, be kunndɛ kɛ be ´kun min .»

1 Famiɛn Mun 19:14

Eli tɛli i su kɛ: «Anannganman, a ti mɛn wunmuan'n i Nyanmiɛn. Kɛ n klo wɔ'n, i ti n kwla suan-man sa nga Izraɛlfuɛ'm be yo'n i bo kun. Aenguɛ nga a nin be trali'n, b'a yi i ase, be bubuli wɔ sɔwlɛ mun, be kunnin ɔ nuan ijɔfuɛ mun. N kunngba bɔ m'an ka'n, be kunndɛ kɛ be ´kun min.»

Ɛsdras 7:21

M bɔbɔ min famiɛn Artaksɛrksɛs min waan sika siefuɛ nga be o Efrat sin lɔ'n be `fa like kwlaa nga Ɛsdras b'ɔ ti Nyanmiɛn nyrun jranfuɛ'n ɔ nin i mmla'n i klefuɛ'n ɔ usa'n, be `mɛn i.

Jue Mun 119:46

Afin sa nga a sie be'n, n ´kan be famiɛn'm be nyrun, n su sa-man nun nyan.

Jue Mun 146:2

Blɛ bɔ mín nyin tɛ o su'n, m ´manman Anannganman. Blɛ bɔ n tɛ kpɛ n tɛ di'n, m ´bo flɛ min Nyanmiɛn'n.

Jue Mun 27:6

Kpɛkuun min yɛ m'an nyan kɔmin min kpɔfuɛ nga be sin yia min'n be nyrun yɛ. N ´yi sraka Anannganman i sua'n nun n ´fa mɛn i. M ´bo awɛ, n ´to jue, m ´mɛnmɛn i.

Jue Mun 61:8

Ee Nyanmiɛn, man ɔ sie lika'n yɛ ɔ tran ɔ nyrun lɛ tititi. Ɔ klun-ufue b'ɔ wie-man le'n ti, sɛsɛ i.

Ezipt Lɔ Tulɛ'n 31:6

Ɔɔliab b'ɔ ti Aizamak i wa'n, b'ɔ ti Dan akpasua'n sufuɛ'n, n fɛli i ukɛli i su. Yɛ amun ajuin difuɛ'm be kwlaa nga be si like yo'n, min bɔbɔ yɛ m mannin be i sɔ ngwlɛlɛ nin-ɔn, kɛ ɔ ´yo nan b'a kwla yo i kwlaa nga n seli wɔ kɛ a yo'n ti.

Saun Yolɛ 26:28

min kusu kɛ n ko fa ya'n, min nin amun e ´yia nun. Fɔ nga n ´tuli amun'n, n ´uka su, ɔ ´tra laa liɛ'n i sɔ kpɛ nso.

Mmla'n 32:1

Nyanmiɛn su lɔ lika mun, amun `sie amún su amun `tie ndɛ bɔ n su wa kan'n. Asiɛ, ɔ kusu tie mín nuan ndɛ'n.

Mmla'n 32:3

N wa yi Anannganman i dunman'n nglo. Amun `manman e Nyanmiɛn'n.

Jɔlɛ Difuɛ Mun 5:7

Kɛ ɔ ´yo sɔ'n, wuun be nyan-man kpɛn Izraɛl mɛn'n nun. Lele san m bɔbɔ min Debora n wa jasoli nan m'an yo kɛ Izraɛlfuɛ'm bé nin sa.