Jɔlɛ Difuɛ Mun 5:22 - NYANMIƐN NDƐ'N 1998

²² Kɛ e ijɔwa-a, nnɛn kpanngɔ'm be su wanndi kɔ. Bé ja bo'n tɛ-man ngowa.

Jɔlɛ Difuɛ Mun 5:22 ပူးပေါင်းရင်းမြစ်များ

Zɔb I Nyrɛnnɛn Wunlɛ 39:19

?Wɔ yɛ a man nnɛn kpanngɔ i wunmiɛn nin-ɔn? ?I kɔmin nun ndrɛ klanman'n gbuyo'n, wɔ yɛ a fa mɛnnin i-ɔ?

Jue Mun 20:7

Siɛn'n m'an wun i kɛ Anannganman de famiɛn b'ɔ sieli i'n. Kɛ ɔ o nyanmiɛn su lɔ kan ɔ tran lɔ'n, ɔ tie i srɛlɛ'n yɛ ɔ tɛ i su. Ɔ tu i klun ukɛ i, ɔ de i.

Jue Mun 33:17

Nnɛn kpanngɔ'n ɔ uka sran ngbɛn, nán fanngan dan b'ɔ wo i nun'n ti yɛ man be fite nun-ɔn.

Ezai 5:28

Bé ta mma'm be ti piembiembie, b'a cuɛn bé ta'm be kwlaa be nun b'a sie. Be nnɛn kpanngɔ'm bé ja bo'm be ti kɛ yɛbuɛ san sa. Kɛ a wun be kakaklolo'm bé ja bɔ be ´kpɛ be wun'n, ɔ waan seke yɛ ɔ su tu sa.

Zeremi 47:3

Kɛ siɛ'm be ti nnɛn kpanngɔ'm bé ja bo nganniɛn'n, kɛ be ti kakaklolo'm be kplalɛ'n, kɛ be ti kakaklolo'm bé nganniɛn'n, be si-man wie se kun. Bé wla ´fi be mma mun mlɔnmlɔn.

Zeremi 47:4

Filistifuɛ'm be mɛn'n i bolɛ yɛ ɔ'a ju-ɔ. Be bɔ be nin Tir nin Sidɔn bé bo ti kun'n, be nunnunlɛ yɛ ɔ'a ju-ɔ. N wa nunnun Filistifuɛ'm be mɛn'n. Kaftɔrfuɛ'm be onga kan'n be mɛn'n, n wa nunnun i.

Zeremi 8:16

E kpɔfuɛ'm be nnɛn kpanngɔ'm be nganniɛn'n yɛ ɔ ´tɛ Dan lɔ lɛ-ɔ. Kɛ be nnɛn kpanngɔ'm be kpan sa'n, asiɛ wunmuan'n keje. B'a ba lɔ ninnge'n kwlaa nunnunlɛ: mɛn'n nin i nun ninnge mun o, klɔ'n nin i nun sran mun o, b'a ba be nunnunlɛ.

Ezekiɛl 27:14

Be nga be o Tɔgarma'n be man ɔ nnɛn kpanngɔ nga be cuɛn like'n nin milɛ nga be fu su'n.

Mise 4:13

«Siɔnfuɛ mun, an `jaso be `kpukpu ble'n. Ɔ ti wunmiɛn-ɔn, m ´man amun. Amun ´nyan wunmiɛn kɛ nannin b'ɔ lɛ blalɛ wɛ'n sa, kɛ nannin b'ɔ lɛ aaba ja bui'n sa. Amun ´nunnun nvle dandan mun, kpɛkuun bé bo ninnge nga an isa'n, an ´fa man min bɔ n sie mɛn wunmuan'n .»