Jɔlɛ Difuɛ Mun 5:20 - NYANMIƐN NDƐ'N 1998

²⁰ Nzraama'm be fin nyanmiɛn su lɔ be nin Sizɛra be wa kunnin.

Jɔlɛ Difuɛ Mun 5:20 ပူးပေါင်းရင်းမြစ်များ

2 Samiɛl 18:8

Alɛ'n sali nvle wunmuan'n. Sran nga bo'n dili be'n be sɔnnin tra be nga be kunnin be tokofi nun'n.

Zozie 10:10

Anannganman man b'a jran-man Izraɛlfuɛ'm be nyrun. Be kwlali be kwlalɛ kpa Gabaɔn wun lɛ. Be suli be su Bɛt-Ɔrɔn kpɔlɛ'n su lele fa juli Azeka nin Makeda. Kɛ be ´kɔ'n, wuun be ´kun be.

Zozie 10:11

Amɔrfuɛ'm be wie'm be wanndi kpɛnnin Bɛt-Ɔrɔn sin lɔ. Kɛ be fɛ lɛ lele ´ju Azeka'n, Anannganman man nzraama dandan kpa bɔ kɛ nzue tɔ'n be gua'n be guali be su lele fa juli Azeka. Ɔ man sran nga nzraama sɔ'm be kunnin be'n, be sɔnnin tra be nga Izraɛlfuɛ'm be kunnin be tokofi nun'n.

Zozie 10:12

Kɛ Anannganman fali Amɔrfuɛ mun wlali Izraɛlfuɛ'm bé sa nun, cɛn sɔ nun'n, yɛ Zozie srɛli Anannganman Izraɛlfuɛ'm be nyrun lɛ, ɔ seli kɛ: «Wia, jran Gabaɔn ti su nglo lɛ! Anglo, nán tu ɔ bo Azalɔn kongo'n su!»

Jɔlɛ Difuɛ Mun 4:15

Anannganman man Sizɛra nin i kakaklolo'm b'a nyan-man jranwlɛ, be wanndili Barak bo. Sizɛra fin i kakaklolo nun jrali nan ɔ'a wanndi i ja nun.

Jɔlɛ Difuɛ Mun 5:21

Kizɔn nzue ba'n bɔ nán andɛ sa yɛ ɔ sonji'n, ɔ fali be ɔli. Man n sin n nanti yasua su n wɔ ke!

1 Samiɛl 7:10

Kɛ Samiɛl ´yi tɛ nga be yrɛ i nnɛn'n kɔlikɔli'n, wuun Filistifuɛ'm be su ba, be su wa fa alɛ'n wla Izraɛlfuɛ'm be sin. Le kun sɔ'n, Anannganman man nyanmiɛn kplali kekle kpa Filistifuɛ'm bé su nun, kpɛkuun Filistifuɛ'm b'a wun-man kɛ be yo be wun-ɔn. Be lɛ wanndilɛ Izraɛlfuɛ'm be nyrun. Nan Izraɛlfuɛ'm b'a kwla be.