Jɔlɛ Difuɛ Mun 5:2 - NYANMIƐN NDƐ'N 1998

² «Man e la Anannganman'n i ase, afin Izraɛlfuɛ'm be siesieli bé wun kɛ be ´kun alɛ. Sran'm be bali be klun klo kɛ be ´ko kun alɛ sɔ'n.

Jɔlɛ Difuɛ Mun 5:2 ပူးပေါင်းရင်းမြစ်များ

2 Be Nyoliɛ 17:16

Kun ekun yɛlɛ Zikri wa Amazia bɔ i bɔbɔ klun su ɔ fɛli i wun mannin Anannganman sulɛ junman'n. Ɔ niannin safunyrɛn akpi-akpi ya nnyɔn (200.000) su.

Neemi 11:2

Be kwlaa nga be waan be ´tran Zerizalɛm'n, sran'm be yoli be mo.

Jue Mun 103:2

N ´la Anannganman i ase, n wla su fi-man like ng'ɔ yo mannin min'n i wie fi su.

Jue Mun 110:3

Blɛ nga a ´yiayia wɔ alɛ kunfuɛ'm bé nuan'n, sonja yakpafuɛ'm be nin wɔ-ɔ. Ɔ gbanflɛn'm be ´ba ɔ́ wun ɔ oka'm bé su, be ´ba kɛ nglɛmun bɔlɛ'n b'ɔ gua'n sa.

Jue Mun 136:15

Ɔ yoli man Ezipt famiɛn'n nin i sonja'm be mlɔnnin jenvie sɔ'n nun, afin i klun-ufue'n wo lɛ tititi.

Jue Mun 18:47

Anannganman ti kɛ yɛbuɛ sa, i yɛ n talo i-ɔ. Man ɔ tran lɛ titi o! Man be manman Nyanmiɛn b'ɔ deli min'n.

Jue Mun 48:11

Kɛ ɔ dunman'n fa fu ju mɛn'n i awieliɛ'n, be manman wɔ lele fa ju mɛn'n i awieliɛ kusu sɔ. Aklunye'n ti ɔ nzuɛn.

Jue Mun 94:1

Anannganman Nyanmiɛn bɔ a tu klunngbɔ'n, Nyanmiɛn bɔ a tu klunngbɔ'n, yi ɔ́ wun nglo.

Jue Mun 97:8

Ee Anannganman, kɛ Siɔnfuɛ mun nin Zida klɔ'm be sufuɛ mun be ti jɔlɛ nga a di be'n, be klun jɔ dan.

1 Korɛntfuɛ Mun 9:17

Sɛ m bɔbɔ min yɛ n ko kunndɛli junman sɔ'n kɛ n ´di'n, wuun be ´tua n kalɛ, sanngɛ kɛ nán m bɔbɔ yɛ n kunndɛli kɛ n ´di'n, ɔ ti kɛ junman bɔ b'a srɛ n kɛ n di'n sa.

2 Korɛntfuɛ Mun 8:12

Afin sɛ sran kun bɔbɔ klun su i waan ɔ ´man Nyanmiɛn like'n, like nga i sa ju su b'ɔ fa mɛn i'n, ɔ sɔ nun, ɔ mian-man sran kɛ ɔ mɛn i like b'ɔ lɛ-mɛn i'n.

2 Korɛntfuɛ Mun 9:7

Man sran kun i like ng'ɔ bu i akunndan kɛ sɛ ɔ man-an ɔ ti kpa'n, ɔ fa man, nán man ɔ yo i klunngbɔ su nin mianlɛ su, afin sran ng'ɔ man Nyanmiɛn like i klun-ufue su'n, i klun jɔ i wun .

Mmla'n 32:43

Nvle-nvle mun, amun `bo ndɛ man Anannganman i nvle'n. Anannganman su tu i sufuɛ nga be kunnin be'n bé klunngbɔ'n. Ɔ su tu i kpɔfuɛ'm be fɔ. Ɔ'a yaci i mɛn'n i nunfuɛ'm bé wun sa'n ɔ'a cɛ be.»

Mmla'n 33:21

Lika ng'ɔ nyɛnnin i'n, i kpafuɛ'n yɛ ɔ fali-ɔ. Ɔ fali lika ng'ɔ ti bɔ siefuɛ yɛ ɔ `fa'n. Kpɛkuun ɔ dunnin mmua i niaan'm be nyrun. Ɔ yoli sa kpa Anannganman nyrun, ɔ yoli like nga Anannganman kan kleli Izraɛl kɛ ɔ yo'n.»

Filipfuɛ Mun 2:13

afin Nyanmiɛn bɔbɔ yɛ ɔ man i klun sa yolɛ'n yo amun fɛ yɛ man an kwla yo-ɔ.

Filemɔn 1:14

Sanngɛ like nga a kplin-man su kɛ n yo'n, n klo-man kɛ n yo nan ye nga a yo'n w'a yo-mɛn i mianlɛ su sanngɛ w'a yo i ɔ klun-ufue su'n ti.

Sa nglô yile 18:20

Nyanmiɛn su lɔfuɛ mun, an `si able i sacilɛ bɔ ɔ'a saci'n ti! Nyanmiɛn sran mun, nin amun b'ɔ sunmannin amun'n, ɔ nin amun bɔ amun ti i nuan ijɔfuɛ mun, an `si able! Afin Nyanmiɛn a fa sa ng'ɔ yoli amun'n i nuan akatua a mɛn i .› »

Sa nglô yile 19:2

I ndɛ ng'ɔ di'n ɔ ti nanwlɛ, yɛ ɔ ti su! Afin bla dan'n b'ɔ fɛli i tekle bolɛ'n sacili asiɛ'n ɔ'a bu i fɔ, yɛ ɔ tuli i sran bɔ bla sɔ'n ɔ kunnin be'n be klunngbɔ'n .»

Jɔlɛ Difuɛ Mun 5:9

N jin Izraɛl kpɛnngbɛn mun ɔ nin be nga be ɔli alɛ kunlɛ be klun klo'n bé sin. Man e la Anannganman i ase.