Jɔlɛ Difuɛ Mun 5:17 - NYANMIƐN NDƐ'N 1998

¹⁷ Galaad i akpasua su sran'm be kusu be kali be liɛ Zurdɛn'n i bue kun lɔ. ?Dan i akpasua sufuɛ'm be kusu, sɛ nguɛ sa ti yɛ be kali be mmeli'm bé wun lɔ a o? Azɛr i akpasua su sran'm be kusu be kali jenvie nuan lɔ, b'a keje-mɛn be wun. Be kali be mmeli'm be jranwlɛ'm bé su lɔ.

Jɔlɛ Difuɛ Mun 5:17 ပူးပေါင်းရင်းမြစ်များ

Bo Bolɛ 35:25

Ɔ nin Rasɛl i afanniɛn bla Bila be wuli Dan yɛ Nɛftali.

Amɔs 4:3

Be ´fa amun sin klɔ'n i wun talɛ toklotoklo'm be nun, be ´fa amun kɔ amun nyrun ndɛnman su trelele be ´ko gua amun blo Ɛrmɔn oka bue liɛ'n su lɔ.» Anannganman'n yɛ ɔ kan sɔ kle amun-ɔn.

Zozie 13:25

Zaɛzɛr, nin Galaad klɔ'm be ngba, nin Amɔn i osu'n nun sran'm be mɛn'n i bue bɔ i nuan yɛlɛ Arɔɛr b'ɔ o Raba i ndɛnman lɛ'n.

Zozie 13:31

Galaad mɛn'n i bue, ɔ nin Astarɔt klɔ'n nin Edrei klɔ'n, be fa lika sɔ'n kwlaa mannin Manase akpasua nga bé nannan yɛlɛ Makir'n. Astarɔt nin Edrei be ti Bazan mɛn'n i famiɛn'n bɔ be flɛ i Ɔg'n i famiɛn klɔ mun.

Zozie 22:9

Ribɛn akpasua'n, nin Gad akpasua'n, ɔ nin Manase akpasua bue'n be ɔli be nvle liɛ'n nun. Be kaleli Izraɛlfuɛ nga be o Silo lɔ'n, Kanaan mɛn'n nun lɔ. Be ɔli Galaad mɛn bɔ Anannganman man Moiz mannin be'n nun lɔ.