Jɔlɛ Difuɛ Mun 5:14 - NYANMIƐN NDƐ'N 1998

¹⁴ Yɛ Efraim i akpasua su sran'm bɔ be kwlali Amalɛkfuɛ mun'n be bali-ɔ. Bɛnzamɛn i akpasua'n su sran'm be suli bé su, be nin be sanngannin nun. Makir osu nun sran'm be kpɛnngbɛn'm be bali, Zabilɔn i osu'n nun sran'm be kpɛnngbɛn'm be bali,

Jɔlɛ Difuɛ Mun 5:14 ပူးပေါင်းရင်းမြစ်များ

Bo Bolɛ 35:22

Be o lɛ kpɛkuun Ribɛn wa wluli i si i soman Bila sin, ɔ nin i be lali, kpɛkuun i si Izraɛl tili. Zakɔb wuli ba yasua blu-nin-nnyɔn.

Bo Bolɛ 35:23

Ɔ nin Lea be liɛ kpɛnngbɛn'n yɛlɛ Ribɛn, i sin liɛ mun yɛlɛ Simeɔn, nin Levi, nin Zida, nin Isakar, yɛ Zabilɔn.

Bo Bolɛ 35:24

Ɔ nin Rasɛl be wuli Zozɛf yɛ Bɛnzamɛn.

Jue Mun 68:27

Amun `la Nyanmiɛn ase anyia'm be nun, amun bɔ amun ti Izraɛlfuɛ'n, amun `la e Min'n i ase.

Ndɛ Nga Nyanmiɛn I Nuan Ijɔfuɛ Oze Kannin'n 5:8

«An `bo awɛ Gibea lɔ, an `bo awɛ Rama lɔ, an `bo sro Bɛt-Avɛn lɔ, Bɛnzamɛn akpasua sufuɛ mun, amun `nian amun wun kpa.

Jɔlɛ Difuɛ Mun 3:13

Eglɔn fali Amɔnfuɛ nin Amalɛkfuɛ mun ukali i su nan ɔ nin Izraɛlfuɛ'm b'a ɔ kunlɛ. Be kwlali Izraɛlfuɛ mun, be fali Zeriko .

Jɔlɛ Difuɛ Mun 3:27

Kɛ ɔ wluli klɔ nun cɛ'n, yɛ ɔ fitali awɛ nun Efraim oka'n su lɔ-ɔ. Yɛ Izraɛlfuɛ'm be nin i fin oka'n su lɔ jrali-ɔ, ɔ dun be mmua.

Jɔlɛ Difuɛ Mun 4:10

Barak flɛli Zabilɔn nin Nɛftali be akpasua'n su sran mun Kedɛs lɔ. Sran akpi blu (10.000) be su i su, Debora su i su wie.

Jɔlɛ Difuɛ Mun 4:14

Yɛ Debora seli Barak kɛ: «Jaso, ndɛkɛn yɛ Anannganman ɔ ´yi Sizɛra ´man wɔ-ɔ. Anannganman bɔbɔ ɔ ´dun mmua ɔ nyrun.» Yɛ Barak fin Tabɔr oka'n su jrali-ɔ. I sa nun sran'm be ti akpi blu (10.000).

Jɔlɛ Difuɛ Mun 5:13

Yɛ Izraɛlfuɛ nga be tɛ ka'n be yiali kpɛnngbɛn'm bé wun lɛ-ɔ. Anannganman i nvle'n nun sran'm be bali i wun lɛ. Be ti kɛ safunyrɛn mun sa.