Jɔlɛ Difuɛ Mun 5:12 - NYANMIƐN NDƐ'N 1998

¹² Tinnge, tinnge, Debora. Tinnge, man jue'n su. Abinɔam i wa Barak, jaso! Ɔ sran nga be trali be lomuɛn'n, ko fa be bla.

Jɔlɛ Difuɛ Mun 5:12 ပူးပေါင်းရင်းမြစ်များ

Jue Mun 108:2

I waan: Ee Nyanmiɛn, min wla ɔ'a gua ase o! Ee, wɔ bɔ a ti min anyrunnyan'n like'n, n ´to jue, n ´yi wɔ ayɛ, n ´to jue m manman wɔ.

Jue Mun 57:8

Ee Nyanmiɛn, mín wla ɔ'a gua ase o, min wla ɔ'a gua ase. N ´to jue, n ´to jue m manman wɔ.

Jue Mun 57:9

N ´jaso, n ´fa min sanngo nin min jru'n! N ´tinnge aliɛ njɛnniɛn su!

Jue Mun 68:18

Nyanmiɛn i kakaklolo'm be ti akpi-akpi, be sɔnnin sɔnlɛ kpa. Ɔ fali be Sinai oka'n su lɔ yɛ ɔ bali i lika kpa nun wa-a.

Ezai 14:2

Aofuɛ'm be wa fa Izraɛlfuɛ mun ba Izraɛl asiɛ'n su. Izraɛlfuɛ'm be ´sɔ aofuɛ sɔ'm be nun kɛ be aja like sa Anannganman i asiɛ'n su. Be ´fa be ´yo kanga bla mun nin kanga yasua mun. Be nga bɔ be wlali Izraɛlfuɛ'm be bisua'n, be ´wla be bisua wie. Yɛ be wa sie be nga be tinnin be su laa'n.

Ezai 33:1

Ɔ bɔ a saci like'n bɔ be nian saci-man wɔ wie'n, ɔ yako! Ɔ bɔ a laka ɔ wiengu mun'n bɔ be nian laka-man wɔ wie'n, ɔ yako! Kɛ a ko wie ninnge'm be saci'n, be ´saci wɔ wie kusu. Kɛ a ko wie ɔ wiengu be laka'n, be ´laka wɔ be ´nyan wɔ wie kusu.

Ezai 51:17

Amun `tinnge, amun `tinnge! Zerizalɛmfuɛ mun, amun `tinnge! Sɛ Anannganman i ya'n ti nzan'n, wuun n ´se kɛ ɔ fa mannin amun'n, amun nɔnnin. Amun nɔnnin i lele ɔ wieli klowa'n nun, yɛ amún nyin su kpɛli amun .

Ezai 51:9

Min Min, jaso! Jaso ndɛndɛ! Sɛ ɔ fanngan'n ti kɛ tralɛ sa'n, wuun n ´se kɛ a `wlɛ i kɛ laa'n sa! Jaso kɛ laa blɛ nun'n sa! Jaso kɛ sran laa'm bé blɛ'n su'n sa! ?Nán wɔ yɛ a yili Eziptfuɛ'm be ase nin-ɔn? ?Nán wɔ yɛ a boli jenvie nun dragɔn i kannin nin-ɔn?

Ezai 60:1

Zerizalɛm, sɛ a ti sran'n, wuun n ´se kɛ: «Jaso.» Sɛ a ti kannin'n, wuun n ´se kɛ: «Kpaja kpa, afin ɔ lika b'ɔ kpaja weiin'n ɔ su fite, yɛ Anannganman i nyrun nyannyan'n, ɔ su fite nglo ɔ́ su .»

Zeremi 31:26

Kɛ n tinngeli'n, n wunnin kɛ lafilɛ nga n lafili'n ɔ yoli kpa.

1 Korɛntfuɛ Mun 15:34

An `klo amún nyin yo sa ng'ɔ ti i nuan su'n, nán an yo sa tɛ'n kun, afin amun wie'm be si-man Nyanmiɛn. N kɛn i sɔ fa gua amún nyin ase.

Efɛzfuɛ Mun 4:8

I sɔ'n ti yɛ man be kannin ndɛ ng'ɔ o yɛ nin-ɔn, be seli kɛ: «Kɛ ɔ fuli nglo lɔ'n, ɔ fa be b'ɔ trali be lomuɛn'n mun wɔli, yɛ ɔ mannin sran'm be like kɛ be yo .»

Efɛzfuɛ Mun 5:14

afin sɛ be wun like'n kwlaa be wafa nga be ti'n i weiin'n, kpɛkuun be wun ase. I sɔ'n ti be seli kɛ: «Lafifuɛ, tinnge, jao fuɛn'm be nun yɛ Krist man a ´wun ase .»

2 Timote 2:26

Ɔ man bé nyin ´ti, yɛ be ´flo aya nga mmusu'm bé si Satan suali b'ɔ trali be b'ɔ man be yo i klun sa'n nun.

Jɔlɛ Difuɛ Mun 5:13

Yɛ Izraɛlfuɛ nga be tɛ ka'n be yiali kpɛnngbɛn'm bé wun lɛ-ɔ. Anannganman i nvle'n nun sran'm be bali i wun lɛ. Be ti kɛ safunyrɛn mun sa.