Jɔlɛ Difuɛ Mun 5:11 - NYANMIƐN NDƐ'N 1998

¹¹ Be nga be jran nzue sawlɛ'm bé su bɔ be cɛ nzue'n, be `yi Anannganman i ayɛ! Ye ng'ɔ yoli kpɛnngbɛn mun'n ti, be `yi i ayɛ! Anannganman i nvlefuɛ'm b'a ko jran klɔ'n i anuan'n nun.

Jɔlɛ Difuɛ Mun 5:11 ပူးပေါင်းရင်းမြစ်များ

Bo Bolɛ 24:11

Ɔ ko toli nzue gbo wie b'ɔ mantan klɔ'n nan ɔ'a yo man nyɔnngɔnmɛn mun b'a koto. Kɛ ɔ ´ju lɔ'n, wuun lika'n su san'n, wuun bla'm be nzue nun balɛ ɔ'a ju.

Bo Bolɛ 29:2

Ɔ ko fiteli gbo kun su bo'n nun lɔ. Bua akpasua nsan be o gbo sɔ'n i wun lɛ. Gbo sɔ'n ti nnɛn'm be nzue nɔnwlɛ. Yɛbuɛ ng'ɔ nannan su'n yo nɔnnin.

Bo Bolɛ 29:3

Nnɛn akpasua'm be kwlaa be ti yia lɛ yɛ nnɛn kankanfuɛ'm be kondo yɛbuɛ'm be man be nnɛn'm be nzue be nɔn-ɔn. Kɛ nnɛn'm be ko nɔn ko wie'n, kpɛkuun nnɛn kankanfuɛ'm be fa yɛbuɛ sɔ'n sie i osu nun.

Zɔb I Nyrɛnnɛn Wunlɛ 29:7

N kɔ klɔ'n i anuan'n nun lɔ, n ko tran kan be kan ndɛ lɛ'n.

Jue Mun 145:7

Klun-ufue sa dandan nga a yo be'n, man be kan be ndɛ. Nanwlɛ bɔ a di i titi'n, man bé wun kpaja be nan be kɛn i wun ndɛ'n be sin.

Jue Mun 71:15

N ´kan ɔ́ sa nuan su bɔ a yo'n i ndɛ cɛn kwlaa. N ´kan delɛ bɔ a de sran'n i ndɛ, n su yaci-man. Afin sa kpa nga a yo be'n, be kwla ka-man.

Ezai 12:3

Kɛ amun ´ko sa nzue kan delɛ'n ɔ fin lɛ'n, amún wun ´blibli amun.

Ezai 28:6

I yɛ ɔ ´kle be nga be di jɔlɛ'n be sa nuan su yolɛ-ɔ. Be nga be ´fuan be kpɔfuɛ'm be lele ´ju be klɔ i nuan lɔ'n, i yɛ ɔ ´man be fanngan-an.

Zeremi 7:2

I waan ɔ ko jran Nyanmiɛn i sua'n i anuan'n nun nan ɔ `kan ndɛ ng'ɔ o yɛ'n man sran'm be ti: «Zidafuɛ mun, amun `tie ndɛ nga Anannganman kan'n, amun bɔ an sin anuan nga nun'n, an ko koto Anannganman'n i bo'n.

Ngwlɛ Yilɛ 5:4

A ´wun kɛ e ´nɔn e bɔbɔ e nzue'n wie'n, wuun y'a yi sika. E bɔbɔ e yie nga y'a ko bu'n, e ´fa wlu klɔ'n nun'n san e ´yi sika.

Ngwlɛ Yilɛ 5:9

Sɛ e ´kɔ aliɛ kunndɛlɛ'n, be flɛ kɛ e yo e nguan'n i atɛ. Afin alɛ kunfuɛ'm be kpa aawlɛ flɛnnɛn nun'n sa waa.

Mise 6:5

Min sran mun, akunndan nga Balak b'ɔ ti Moab famiɛn'n buli i amun wun'n, nin ndɛ nga Bɛɔr i wa Balaam fa tɛli i su'n, man amun wla kpɛn su. Sunmanlɛ nga kɛ amun fɛ i Sitim lele be fa juli Gilgal bɔ n ko sunmannin amun'n, man amun wla kpɛn su. Amun wla kpɛn su kɛ ɔ ´yo nan amu'an wun aklunye nga m bɔbɔ min Anannganman n yoli amun'n ti .»

Mmla'n 22:24

amun `fa be sran nnyɔn'n be wɔ klɔ'n i anuan'n nun lɔ, amun `finfin be yɛbuɛ man be wu. Talua'n i kunlɛ liɛ'n, i bo yɛlɛ kɛ ɔ'a kpan-man man klɔ'n nunfuɛ'm b'a ti-man. Yasua'n i liɛ'n yɛlɛ kɛ ɔ'a sokpa i wiengu kun i bla'n bɔ ɔ'a trɛ i ase'n. Amun `tu sa tɛ'n amun afiɛn kɛ ng'ɔ o lɛ'n sa.

Mmla'n 33:21

Lika ng'ɔ nyɛnnin i'n, i kpafuɛ'n yɛ ɔ fali-ɔ. Ɔ fali lika ng'ɔ ti bɔ siefuɛ yɛ ɔ `fa'n. Kpɛkuun ɔ dunnin mmua i niaan'm be nyrun. Ɔ yoli sa kpa Anannganman nyrun, ɔ yoli like nga Anannganman kan kleli Izraɛl kɛ ɔ yo'n.»

Jɔlɛ Difuɛ Mun 5:8

Laa, kɛ Izraɛlfuɛ'm be ko sɔ amuɛn mun cɛ'n, kpɛkuun alɛ a tɔ. Sran akpi-akpi ablanan (40.000) be nyan-man be wue sasalɛ like, ɔ nin cua ba kun sa Izraɛl mɛn'n nun.

1 Samiɛl 12:7

Ɔ man amun `bla Anannganman i ja su man n kan sa kpakpa ng'ɔ yoli mannin amun nin amun nannan mun'n, bé nun ndɛ weiin-weiin n kle amun.