Jɔlɛ Difuɛ Mun 4:9 - NYANMIƐN NDƐ'N 1998

⁹ Yɛ Debora tɛli i su kɛ: «N wa ko sunman wɔ, sanngɛ a su nyan-man nyrun alɛ sɔ'n nun. Bla sin i sa nun yɛ Anannganman ɔ ´fa Sizɛra wla-a.» Yɛ Debora nin Barak be ɔli Kedɛs-ɔ.

Jɔlɛ Difuɛ Mun 4:9 ပူးပေါင်းရင်းမြစ်များ

2 Be Nyoliɛ 26:18

Be ko jrannin famiɛn'n nyrun lɛ, yɛ be seli i kɛ: «Kpli, a lɛ-man atin kɛ a fa ansans yrɛ i man Anannganman. I sɔ junman liɛ'n ti Aarɔn osu'n nunfuɛ bɔ be ti Nyanmiɛn nyrun jranfuɛ'n be liɛ, afin be sieli be ngunmin i sɔ yolɛ'n ti. Fin Nyanmiɛn i sua'n nun fite, yɛlɛ kɛ w'a fɔn. A su nyan-man nyrun Anannganman b'ɔ ti Nyanmiɛn'n i sa nun sa sɔ'n ti.»

Jɔlɛ Difuɛ Mun 2:14

Yɛ Anannganman ɔ wa fali ya dan kpa Izraɛlfuɛ'm bé wun nan ɔ'a man ninnge fɛnfuɛ'm be atin kɛ be `fɛn bé bo ninnge mun. Ɔ yoli man b'a kwla jran-man be kpɔfuɛ nga be mantan be lɛ'n be nyrun kun.

Jɔlɛ Difuɛ Mun 4:8

Barak tɛli i su kɛ: «Sɛ a ´wun kɛ n ´kɔ'n, wuun w'a ɔ min sunmanlɛ. Sɛ ɔ'a yo-man sɔ-ɔ, n kɔ-man.»

Jɔlɛ Difuɛ Mun 9:53

bla wie toli yɛbuɛ dan kun yili i su, nan i ti awa'n ɔ'a bo kplo.

Jɔlɛ Difuɛ Mun 9:54

Abimelɛk flɛli gbanflɛn ng'ɔ trɛ i alɛ ninnge'm be nun'n kɛ ɔ bla ndɛndɛ nan ɔ wa yi i tokofi'n nan ɔ kun i, kɛ ɔ ´yo nan b'a se-man kɛ bla yɛ ɔ kunnin i'n ti. I gbanflɛn'n fɛli i tokofi wɔli i nan ɔ'a wu.

1 Samiɛl 2:30

I sɔ'n ti, min Anannganman bɔ n ti Izraɛlfuɛ'm be Nyanmiɛn'n, min waan: ‹Laa n seli kɛ wɔ awlo'n, ɔ nin wɔ akpasua'n be ´jran min nyrun be ´yi tɛ tititi.› Sanngɛ siɛn'n, min Anannganman, min waan: ‹Ɔ su yo-man sɔ kun, afin be nga be bu min sran'n, m ´bu be sran. Sanngɛ be nga be yo min finfin'n, be ´wun nyannzuɛn.