Jɔlɛ Difuɛ Mun 4:6 - NYANMIƐN NDƐ'N 1998

⁶ Le kun ɔ sunmannin sran kɛ be ko flɛ Barak, Abinɔam ng'ɔ fin Kedɛs b'ɔ o Nɛftali lika nun lɔ'n i wa liɛ'n. Nan ɔ'a se i kɛ: «Ndɛ nga Anannganman b'ɔ ti Izraɛlfuɛ'm be Nyanmiɛn'n kaleli min kɛ n kan kle wɔ'n yɛ: ‹Kɔ Tabɔr oka'n wun lɔ nan fa Nɛftali nin Zabilɔn akpasua'n be su sran akpi blu (10.000).

Jɔlɛ Difuɛ Mun 4:6 ပူးပေါင်းရင်းမြစ်များ

Jue Mun 7:6

man min kpɔfuɛ wie fuan min tra min, man ɔ yi min ase tiatia min su, ɔ kun min nan n dunman saci asiɛ'n su.

Jue Mun 89:12

Nyanmiɛn su lɔ'n ti ɔ liɛ, asiɛ'n kusu ti ɔ liɛ. Wɔ yɛ a boli mɛn wunmuan'n ɔ nin i nun ninnge'n kwlakwla-a.

Jue Mun 89:13

Wɔ yɛ a yili mɛn'n i ja ngua'n nin i nglo lɔ nin-ɔn. Tabɔr oka'n nin Ɛrmɔn oka'n be su tranfuɛ'm be bo sro be yi be aklunjuɛ'n i nglo kle wɔ.

Zeremi 46:18

Famiɛn'n bɔ i dunman yɛlɛ Anannganman b'ɔ sie mɛn wunmuan'n i wan yoo: ‹N kan m b'ɔ n wo lɛ titi'n ti. Kɛ Tabɔr oka'n fa ti oka kun nga'm be afiɛn'n kɛ Karmɛl'n fa jin jenvie'n nun zruun'n, i kunngba'n yɛ amun kpɔfuɛ'n ´fa tra amun su-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 5:1

«Nyanmiɛn nyrun jranfuɛ mun, amun `sie amún su be `tie ndɛ nga kpa! Izraɛlfuɛ mun, amun `sie amún su kpa! Famiɛn i awlofuɛ mun, an `sie amún su! Ndɛ nga ti amun liɛ, yɛlɛ kɛ Mizpa lɔ'n, amun kacili kɛ aya sa min sran'm bé bo, amun kacili kɛ tɛ bɔ b'a guɛ i Tabɔr oka'n su'n sa.

Sa nga bé yôli'n 13:47

Afin kɛ e Min Nyanmiɛn seli e kɛ e yo sɔ-ɔ. Ɔ seli kɛ: ‹N fa wɔ sieli kɛ a yo kɛ wia'n sa nan a `kpaja nvle-nvle'm be nyrun, yɛ wɔ ti sran'm be ´nyan bé ti lele fa ju asiɛ'n i awieliɛ .› »

Hébreu 11:32

?Nzu ndɛ yɛ n ´kɛn i ekun-ɔn? Sɛ n waan n ´kan Zedeɔn, nin Barak, nin Samsɔn, nin Zɛfte, nin David, nin Samiɛl, ɔ nin Nyanmiɛn nuan ijɔfuɛ'm be ndɛ'n, n su nyan-man n ti kɛn-mɛn i ngba.

Zozie 1:9

Nán ɔ́ wla fi ndɛ nga n kan kleli wɔ'n su: jran kekle, yo yakpafuɛ, nán srɛ kun wɔ, nán ɔ klun titi wɔ, afin min Anannganman ɔ Nyanmiɛn'n lika kwlaa nga a ´kɔ'n n jin ɔ́ sin.»

Zozie 19:22

Awɛ'n to Tabɔr, Sasazima, Bɛt-Semɛs, kpɛkuun ɔ to Zurdɛn'n. Lika sɔ'n i nun klɔ dandan'm be ti blu-nin-nsiɛn. Klɔ kanngan nga be mantan lɛ'n be uka su.

Zozie 19:32

Lika'n i nsiɛn su nga be tuli i wun fɔtɔ'n ɔ yoli Nɛftali akpasua sufuɛ'm be liɛ.

Zozie 19:35

Klɔ dandan nga be si bé wun'n mun yɛlɛ Sidim, Zɛr, Amat, Rakat, Kinerɛt,

Zozie 19:37

Kedɛs, Edrei, An-Azɔr,

Zozie 21:32

nin Nɛftali lika liɛ nun'n, be nyannin klɔ dandan nsan ɔ nin be nnɛn didiwlɛ mun. Klɔ sɔ mun yɛlɛ Kedɛs, b'ɔ o Galile lɔ'n, ɔ ti fiawlɛ klɔ, nin Amɔt-Dɔr, ɔ nin Kartan.

Jɔlɛ Difuɛ Mun 4:10

Barak flɛli Zabilɔn nin Nɛftali be akpasua'n su sran mun Kedɛs lɔ. Sran akpi blu (10.000) be su i su, Debora su i su wie.

Jɔlɛ Difuɛ Mun 5:1

I le kun sɔ'n, Debora nin Abinɔam i wa Barak be toli jue ng'ɔ o yɛ'n:

Jɔlɛ Difuɛ Mun 6:35

Ɔ sunmannin sran Manase i akpasua'n su sran'm bé sin. Be kusu bé nuan yiali. Ɔ sunmannin sran Azɛr i akpasua'n su sran'm bé sin, ɔ nin Zabilɔn i akpasua su sran'm be sin, ɔ nin Nɛftali i akpasua su sran'm bé sin. Be kusu bé ti wa yiali i wun lɛ.

Jɔlɛ Difuɛ Mun 8:18

Kpɛkuun ɔ usali Zebak nin Zalmɔna kɛ: «?Sran nga amun kunnin be Tabɔr lɔ'n, be wafa ti sɛ?» Be tɛli i su kɛ: «Be ti kɛ wɔ sa cɛ! Be kwlaa be wafa ti kɛ famiɛn mma mun sa.»

1 Samiɛl 10:3

Kɛ a fɛ i lɛ ´kɔ ɔ nyrun bɔ a ´ju Tabɔr lɔ sɛni waka dan'n i wun lɛ'n, a nin sran nsan bɔ be su kɔ Nyanmiɛn wun wunlɛ Betɛl lɔ'n amun ´yia. Boli bɔ b'a kpɛ cro'n sɔ nsan o kun sa nun, kpaun nsan o kun sa nun, yɛ nzan sɛ jin kun ti su.

1 Samiɛl 12:11

Yɛ Anannganman sunmannin Zedeɔn, nin Bɛdan, nin Zɛfte, ɔ nin m bɔbɔ Samiɛl kɛ e de amun, kpɔfuɛ nga be sin yia amun'n bé sa nun. Amun trannin fɔuun!