Jɔlɛ Difuɛ Mun 4:5 - NYANMIƐN NDƐ'N 1998

⁵ Ɔ tran mme kun b'ɔ o Efraim oka'n su'n i bo yɛ ɔ kan ndɛ nin-ɔn. Be tɔnnin mme sɔ'n i dunman kɛ Debora i mme. Ɔ o Rama nin Betɛl be afiɛn. Izraɛlfuɛ'm be kɔ i ja su yɛ ɔ di be jɔlɛ mun-ɔn.

Jɔlɛ Difuɛ Mun 4:5 ပူးပေါင်းရင်းမြစ်များ

Bo Bolɛ 35:8

Bla ng'ɔ tali Rebeka bɔ be flɛ i kɛ Debora'n, ɔ wa wuli. Be sieli i Betɛl i ja ngua sɛni waka kun bo lɛ. Be flɛli sɛni kɛ i sunwlɛ sɛni.

Ezipt Lɔ Tulɛ'n 18:13

Kɛ i aliɛ cɛnnin'n, Moiz trannin i bia'n su kɛ ɔ ´di nvlefuɛ'm be jɔlɛ mun. Kɛ ɔ fɛ i nglɛmun lele b'ɔ ´fa ju nnɔsua'n, wuun sran wie'm be tɛ minndɛ kɛ Moiz kan be ndɛ liɛ'n.

Ezipt Lɔ Tulɛ'n 18:16

Sɛ ndɛ tɔ sran nnyɔn be afiɛn'n, be ba mín sin, n siesie be afiɛn, kpɛkuun n fa Nyanmiɛn i mmla mun nin i atin'n sie be nyrun.»

Ezipt Lɔ Tulɛ'n 18:19

Sie ɔ́ su tie afɔtuɛ nga n wa fa man wɔ yɛ'n, man Nyanmiɛn jran ɔ́ sin. Ɔ liɛ'n jran sran'm be nuan Nyanmiɛn wun lɔ, fa be ndɛ mun nan kan kle Nyanmiɛn.

Ezipt Lɔ Tulɛ'n 18:26

Be yɛ be siesie ndɛ nga be tɔ Izraɛlfuɛ'm be afiɛn nin-ɔn. Ndɛ nga i kanlɛ ti kekle'n, be fa blɛ Moiz, sanngɛ be bɔbɔ be di jɔlɛ kannganfuɛ mun.

Zeremi 31:15

Anannganman'n wan yoo: «Kpanlɛ nin sunlɛ, ɔ nin awuyomo tɛ Rama lɔ. Rasɛl yɛ ɔ su sun i mma mun-ɔn. Ɔ kpli-man su kɛ be kpɛtɛ i, yɛlɛ kɛ i mma'm be nun-man lɛ kun .»

Zozie 16:2

Kɛ ɔ fɛ lɛ'n ɔ kɔ Liz ndɛnman, ɔ sin Atarɔt kan Arkfuɛ'm be tran lɛ'n.

Zozie 18:22

Bɛt-Araba, Zɛmaraim, Betɛl,

Zozie 18:25

Klɔ dandan sɔ'n wie yɛlɛ Gabaɔn, Rama, Beerɔt,

Jɔlɛ Difuɛ Mun 4:4

I blɛ sɔ nun'n, wuun Lapidɔt i yi Debora b'ɔ ti Nyanmiɛn nuan ijɔfuɛ'n, ɔ di jɔlɛ Izraɛl mɛn'n nun.

1 Samiɛl 1:1

Bian kun fin Zif'm be klɔ nga be flɛ i Rama'n su Efraim oka-oka lika'n nun lɔ. Be flɛ i kɛ Ɛlkana. Bian sɔ'n i si'n yɛlɛ Zɛrɔam, Zɛrɔam i si liɛ'n yɛlɛ Elii, Elii kusu i liɛ'n yɛlɛ Tɔi, yɛ Tɔi liɛ'n yɛlɛ Zif, Zif'n ti Efraimfuɛ.

1 Samiɛl 1:19

Kɛ i aliɛ cɛnnin'n, nglɛmun ndɛ kpa'n, Ɛlkana nin i awlofuɛ'm be ko kotoli Anannganman i bo nan b'a sa bé sin b'a ɔ be klɔ Rama lɔ. Ɛlkana nin i yi Ani be sili sua nan Anannganman ɔ'a mɛn i srɛwa'n i nuan like.

1 Samiɛl 22:6

Sail tili i kɛ b'a wun kan David nin i sa nun sran'm be wo'n. Kɛ ɔ ´yo sɔ'n, wuun Sail o Gibea kpɔlɛ'n su lɔ tamaris'n i bo. I cua'n wo i sa nun. I sufuɛ'm be kwlakwla be o i wun lɛ.

1 Samiɛl 25:1

Samiɛl wa wuli. Izraɛlfuɛ'm be kwlaa be yiali, be yoli i sɛ'n nan b'a sie i Rama lɔ i awlo'n nun. I sin David ɔli Paran aawlɛ flɛnnɛn'n nun lɔ.

1 Samiɛl 7:17

kpɛkuun ɔ sɛ i sin Rama. Lɔ yɛ ɔ tran-an. Lɔ yɛ ɔ o yɛ ɔ sie Izraɛl nvle nin-ɔn. Ɔ kplannin Nyanmiɛn sɔwlɛ kun lɛ mannin Anannganman.