Jɔlɛ Difuɛ Mun 4:3 - NYANMIƐN NDƐ'N 1998

³ Izraɛlfuɛ'm be kpan flɛli Anannganman afin Sizɛra lɛ blalɛ kakaklolo ya ngwlan. Ɔ kleli Izraɛlfuɛ'm be nun afuɛ kɔe ablaɔn.

Jɔlɛ Difuɛ Mun 4:3 ပူးပေါင်းရင်းမြစ်များ

Jue Mun 106:42

Be kpɔfuɛ'm be tinnin be su kplɔlɔlɔ, be guali bé nyin ase.

Jue Mun 50:15

Sɛ nyrɛnnɛn tɔ wɔ su'n, kpan flɛ min, n ´de wɔ kɛ ɔ ´yo nan ɔ kusu w'a yi min ayɛ'n ti.

Jue Mun 78:34

Kɛ wie'n tɔ bé su'n, bé nyin kpɛn Nyanmiɛn su, be sa bé sin be bɛ i sin kɛ ɔ de be.

Ezipt Lɔ Tulɛ'n 2:23

I sin b'ɔ cɛ lele'n, Ezipt famiɛn'n wa wuli, sanngɛ i blɛ sɔ nun'n, wuun Izraɛlfuɛ'm be tɛ o kanga'n nun. Be kplin, be sun. Be kpanlɛ'n toli Nyanmiɛn lɔ.

Mmla'n 28:29

Wia klakla kpa nun'n, amun ´fuafua amún sa kɛ anyansifuɛ'm be sa. Like nga amun ´yo'n, ɔ su yo-man ye amún sa nun. Yalɛ yɛ be ´kle amun sa lelele-ɔ, amún bo ninnge'n yɛ be ´fɛn i sa tititi-ɔ, amun su nyan-man sran b'ɔ ´de amun-ɔn.

Mmla'n 28:33

Nvle nga amun si-man be'n be nunfuɛ'm be ´di amun fie'm be su ninnge nin amun junman'n i nuan ninnge'm be kwlaa. Yalɛ yɛ be ´kle amun sa tititi-ɔ, yɛ mianmianlɛ yɛ be ´mianmian amun-ɔn .

Zozie 17:16

Zozɛf akpasua sufuɛ'm be tɛli i su kɛ: «Oka'n ju-man ye. Kusu Kanaanfuɛ nga be tran lika kpɛtɛkplɛɛ nun'n be nga be o Bɛt-Sean nin o, be nga be o lika nga be mɛntɛn i lɛ'n mun o, annzɛ Zizreɛl kongo'n nunfuɛ'm be kwlakwla be lɛ kakaklolo.»

Jɔlɛ Difuɛ Mun 10:10

Yɛ be kpan flɛli Anannganman be seli i kɛ: «E fɔnnin ɔ wun, yɛlɛ kɛ a ti e Nyanmiɛn, kpɛkuun e yacili wɔ lɛ e ko sɔli Baal b'ɔ ti amuɛn'n.»

Jɔlɛ Difuɛ Mun 10:16

Be guali nvle uflɛ'm be amuɛn ng'ɔ o be sa nun'n be blo, kpɛkuun be suli Anannganman. Kɛ Anannganman wunnin i sɔ'n, ɔ yaci be nyrɛnnɛn nun-ɔn, ɔ yo-man ye.

Jɔlɛ Difuɛ Mun 3:15

Yɛ Izraɛlfuɛ'm be kpan flɛli Anannganman ekun nan ɔ'a man bé defuɛ kun b'ɔ yɛlɛ Gera i wa Eid. I si Gera ti Bɛnzamɛn akpasua'n su sran. Eid di bɛ. Izraɛlfuɛ'm be sunmannin Eid kɛ ɔ fa like kun ko cɛ Eglɔn b'ɔ ti Moab famiɛn'n.

Jɔlɛ Difuɛ Mun 3:9

Yɛ be kpan flɛli Anannganman nan ɔ'a man be jɔlɛ difuɛ kun. Be flɛ i kɛ Ɔtniɛl. Kalɛb i sinma yasua Kɛnaz i wa-a.

Jɔlɛ Difuɛ Mun 4:13

Yɛ Sizɛra yoli man i blalɛ kakaklolo ya ngwlan'n, nin i alɛ kunfuɛ'm bɔ be o Arɔsɛt-Gɔim be kwlaa bé ti yiali Kizɔn nzue ba'n i nuan lɛ-ɔ.

Jɔlɛ Difuɛ Mun 4:4

I blɛ sɔ nun'n, wuun Lapidɔt i yi Debora b'ɔ ti Nyanmiɛn nuan ijɔfuɛ'n, ɔ di jɔlɛ Izraɛl mɛn'n nun.

Jɔlɛ Difuɛ Mun 5:8

Laa, kɛ Izraɛlfuɛ'm be ko sɔ amuɛn mun cɛ'n, kpɛkuun alɛ a tɔ. Sran akpi-akpi ablanan (40.000) be nyan-man be wue sasalɛ like, ɔ nin cua ba kun sa Izraɛl mɛn'n nun.

Jɔlɛ Difuɛ Mun 6:6

Nanwlɛ, Madianfuɛ mun man Izraɛlfuɛ'm be wunnin nyrɛnnɛn. Yɛ Izraɛlfuɛ'm be kpan flɛli Anannganman-an.

1 Samiɛl 7:8

Izraɛlfuɛ'm be seli Samiɛl kɛ: «Nán yaci e ti srɛlɛ. Kpan flɛ Anannganman e Nyanmiɛn'n man ɔ de e Filistifuɛ'm bé sa nun.»