Jɔlɛ Difuɛ Mun 4:16 - NYANMIƐN NDƐ'N 1998

¹⁶ Barak suli kakaklolo nin alɛ kunfuɛ'm be su lele juli Arɔsɛt-Gɔim. Kɛ be ´ju lɛ'n, wuun b'a wie Sizɛra i alɛ kunfuɛ'm be kwlaa be kun. Be nun kun sa a ka-man lɛ.

Jɔlɛ Difuɛ Mun 4:16 ပူးပေါင်းရင်းမြစ်များ

Jue Mun 104:35

Man sa tɛ yofuɛ'm be tu asiɛ'n su, nán be nga be bu-man Nyanmiɛn nin i nuan su ndɛ'n be like fi'n be tran lɛ kun. N ´la Anannganman i ase! An `manman Anannganman!

Jue Mun 83:10

Kle be nun kɛ a fa kleli Sizɛra nin Zabɛn be nun Kizɔn nzue ba'n i nuan lɔ'n sa. Kle be nun kɛ a kleli Madianfuɛ'm be nun sa .

Jue Mun 83:9

Asirifuɛ mun be fali bé wun be ukali be su, kɛ be ´suan Lɔt i osu'n nunfuɛ'm bé bo.

Ezipt Lɔ Tulɛ'n 14:28

Nzue'n katali alɛ kakaklolo'm be nin famiɛn'n i alɛ kunfuɛ bɔ be fuan Izraɛlfuɛ mun'n be kwlaa bé su. Sran ba kun sa ɔ'a nyɛn-mɛn i ti.

Ezai 43:17

Laa, Anannganman yoli man sonja kpanngban kpa wie mun nin alɛ kunfuɛ bɔ be si alɛ kun kpa'n be nin kakaklolo mun nin nnɛn kpanngɔ mun be fali atin'n kɛ be ´ko kun alɛ. Kpɛkuun be tɔli, b'a jaso-man kun, be nunnunnin, be yrali kɔlikɔli kɛ kannin nyanman sa. Siɛn'n, Anannganman waan:

Rɔmfuɛ Mun 2:12

Be kwlaa nga be si-man Moiz mmla'n bɔ be yo sa tɛ'n, be ´mlin, sanngɛ be su jran-man mmla'n su yɛ be ´di be jɔlɛ nin-ɔn. Sanngɛ be kwlaa nga be si mmla'n bɔ be yo sa tɛ'n, be ´jran mmla'n su yɛ be ´di be jɔlɛ nin-ɔn.

Jacques 2:13

Afin kɛ Nyanmiɛn ´di be nga be si-man sran aunnvuɛ'n be jɔlɛ'n, ɔ su si-man be aunnvuɛ. Sɛ aunnvuɛ silɛ'n nin fɔ bulɛ'n be ti sran'n, wuun aunnvuɛ silɛ'n kwla fɔ bulɛ'n.

Zozie 10:10

Anannganman man b'a jran-man Izraɛlfuɛ'm be nyrun. Be kwlali be kwlalɛ kpa Gabaɔn wun lɛ. Be suli be su Bɛt-Ɔrɔn kpɔlɛ'n su lele fa juli Azeka nin Makeda. Kɛ be ´kɔ'n, wuun be ´kun be.

Zozie 11:8

Anannganman fali be wlali Izraɛlfuɛ'm bé sa nun, be kwlali be, be suli be su lele juli Sidɔn klɔ dan'n i nglo lɔ, ɔ nin Misrɛfɔt Maim lɔ, ɔ nin Mizpa kongo nun lɔ wia afiliɛ lika'n nun lɔ. Be kwlali be mlɔnmlɔn, b'a yaci-man sran ba kun sa lɛ.

Jɔlɛ Difuɛ Mun 4:17

Kɛ ɔ ´yo sɔ'n, wuun Sizɛra ɔ ´wanndi i ja nun ´kɔ. Ɔ ko fiali Ebɛr b'ɔ ti Kenfuɛ'n i yi Zaɛl, i tannin sua'n i bo lɔ, afin Zabɛn b'ɔ ti Azɔr famiɛn'n ɔ nin Ebɛr b'ɔ ti Kenfuɛ'n i awlofuɛ'm be di anuansɛ.

Jɔlɛ Difuɛ Mun 4:2

Yɛ Anannganman fali be wlɛli i Zabɛn b'ɔ ti Kanaan famiɛn ng'ɔ tran Azɔr'n i sa nun-ɔn. Zabɛn i alɛ kunfuɛ'm be kpɛnngbɛn yɛlɛ Sizɛra. Ɔ trɛn i liɛ Arɔsɛt-Gɔim.