Jɔlɛ Difuɛ Mun 4:14 - NYANMIƐN NDƐ'N 1998

¹⁴ Yɛ Debora seli Barak kɛ: «Jaso, ndɛkɛn yɛ Anannganman ɔ ´yi Sizɛra ´man wɔ-ɔ. Anannganman bɔbɔ ɔ ´dun mmua ɔ nyrun.» Yɛ Barak fin Tabɔr oka'n su jrali-ɔ. I sa nun sran'm be ti akpi blu (10.000).

Jɔlɛ Difuɛ Mun 4:14 ပူးပေါင်းရင်းမြစ်များ

Bo Bolɛ 19:14

Yɛ Lɔt fiteli-ɔ, ɔ ko toli i wa bla'm bé wun mun nan ɔ'a se be kɛ: «Anannganman su wa nunnun klɔ'n, an `jaso su ndɛndɛ.» Sanngɛ ng'ɔ ´kɛn i lɛ'n ti be nyrun ndɛ finfin.

Bo Bolɛ 44:4

Kɛ be fin klɔ'n nun fiteli'n, be nian ju-man mmua bɔbɔ, kpɛkuun Zozɛf seli i awlo'n su nianfuɛ'n kɛ: «Jaso su minniɛn sɔ'm be su ko to be, nan usa be kɛ: ‹?Nguɛ ti yɛ an fa tɛ be tua kpa'n kalɛ nin-ɔn?

2 Samiɛl 5:24

Sɛ a ti like b'ɔ tɛ mirie waka'm be ti su lɔ kɛ sran su nanti sa'n, kan ɔ́ wun kɔ, afin n dun mmua ɔ nyrun n ko fuan Filistifuɛ mun.»

Ezai 52:12

Nán amun kpli fite, nán man ɔ yo kɛ amun su wanndi sa. Afin Anannganman ´dun mmua amun nyrun! Izraɛl Nyanmiɛn'n ɔ ´ka amún sin lɔ ɔ ´sasa amun.

Mise 2:13

Sran ng'ɔ dun mmua amun nyrun'n, yɛ ɔ ´bo atin nin-ɔn. I fanngan nun man talɛ ng'ɔ si amun wun'n, amun ´kpɛ nun toklo amun ´fite. Amun famiɛn Anannganman yɛ ɔ ´dun mmua amun nyrun-ɔn .»

Mmla'n 9:3

Ndɛkɛn'n, man amun si kɛ Anannganman amun Nyanmiɛn'n ɔ ´dun mmua amun nyrun, ɔ ti kɛ sin sa, ɔ yra. I yɛ ɔ wa nunnun be-ɔ. I yɛ ɔ ´gua be nyin ase-ɔ. Ɔ man amun wa fuan be, amun wa kun be ndɛndɛ kpa kɛ Anannganman kan kleli amun'n sa.

Zozie 10:8

Anannganman seli i kɛ: «Nán sro be, m'an fa be m'an man wɔ, be wie fi su jran-man ɔ nyrun.»

Zozie 7:13

Jaso, ko se Izraɛlfuɛ'm be kɛ be siesie bé wun nan e nin be `yia ainman. Se be kɛ be yo bé wun saun nan m bɔbɔ min Anannganman bɔ n ti Izraɛl Nyanmiɛn'n min wan yoo: ‹Ninnge nga n seli amun kɛ nán amun fa'n, ɔ o amun trɔ'n nun. Ɔ man amun su kwla-man amun kpɔfuɛ'm be nyrun jran, san amu'an yi ninnge sɔ mun.

Jɔlɛ Difuɛ Mun 19:28

Ɔ seli i kɛ: «Jaso man e wɔ.» Bliin! Yɛ bian'n fɛli i fa sieli i aflunmun'n kun su yɛ ɔ ɔli i klɔ-ɔ.

Jɔlɛ Difuɛ Mun 4:10

Barak flɛli Zabilɔn nin Nɛftali be akpasua'n su sran mun Kedɛs lɔ. Sran akpi blu (10.000) be su i su, Debora su i su wie.

Jɔlɛ Difuɛ Mun 7:9

Kɔnguɛ'n, Anannganman seli Zedeɔn kɛ: «Jaso, ko utu Madianfuɛ'm be nanmue'n, afin m'an yi i m'an man wɔ.

1 Samiɛl 9:26

Ke i aliɛ cɛnnin'n, be tinngeli ndɛ. Kɛ wia'n ´tu i bo'n, Samiɛl flɛli Sail aunngban fawlɛ lɔ, ɔ seli i kɛ: «E wɔ, man n ko sunman wɔ.» Yɛ Sail jasoli nan ɔ nin Samiɛl b'a fa atin'n.