Jɔlɛ Difuɛ Mun 3:9 - NYANMIƐN NDƐ'N 1998

⁹ Yɛ be kpan flɛli Anannganman nan ɔ'a man be jɔlɛ difuɛ kun. Be flɛ i kɛ Ɔtniɛl. Kalɛb i sinma yasua Kɛnaz i wa-a.

Jɔlɛ Difuɛ Mun 3:9 ပူးပေါင်းရင်းမြစ်များ

Neemi 9:27

Yɛ ɔ kusu a fali be wlali be kpɔfuɛ'm bé sa nun. Be kleli be yalɛ. Kɛ be ´wun be nyrun'n, be kpan flɛli wɔ. Ɔ kusu a o nyanmiɛn su lɔ a tili. A mannin be defuɛ mun, be deli be be kpɔfuɛ'm bé sa nun.

Jue Mun 22:5

Ɔ su yɛ e nannan'm be fa bé wla'n be guali-ɔ. Be fa guali ɔ́ su, yɛ a deli be.

Jue Mun 78:34

Kɛ wie'n tɔ bé su'n, bé nyin kpɛn Nyanmiɛn su, be sa bé sin be bɛ i sin kɛ ɔ de be.

Zozie 15:17

Kɛnaz b'ɔ ti Kalɛb bɔbɔ i niaan'n, i wa liɛ Ɔtniɛl yɛ ɔ kwlali klɔ sɔ'n i sufuɛ mun-ɔn. Nan Kalɛb ɔ'a fɛ i wa bla'n ɔ'a mɛn i kɛ ɔ jɛ i.

Jɔlɛ Difuɛ Mun 1:13

Kalɛb bɔbɔ i sinma liɛ bɔ be flɛ i Kɛnaz'n i klun ba bɔ be flɛ i Ɔtniɛl'n yɛ ɔ fali klɔ nin-ɔn, nan Kalɛb ɔ'a fɛ i wa Aksa'n ɔ'a mɛn i kɛ ɔ jɛ i.

Jɔlɛ Difuɛ Mun 10:10

Yɛ be kpan flɛli Anannganman be seli i kɛ: «E fɔnnin ɔ wun, yɛlɛ kɛ a ti e Nyanmiɛn, kpɛkuun e yacili wɔ lɛ e ko sɔli Baal b'ɔ ti amuɛn'n.»

Jɔlɛ Difuɛ Mun 2:16

Anannganman wa mannin be jɔlɛ difuɛ mun. Be yɛ be wa deli be nvle nga be fɛn be bo ninnge'n bé sa nun-ɔn.

Jɔlɛ Difuɛ Mun 2:18

Kɛ Anannganman man be jɔlɛ difuɛ kun ɔ ukɛ i, blɛ nga jɔlɛ difuɛ i nyin tɛ o su'n, Anannganman de be be kpɔfuɛ'm be sa nun. Afin kɛ be ´kle be yalɛ bɔ be ´mianmian be'n, be sun flɛ Anannganman. I kusu ɔ si be aunnvuɛ,

Jɔlɛ Difuɛ Mun 3:15

Yɛ Izraɛlfuɛ'm be kpan flɛli Anannganman ekun nan ɔ'a man bé defuɛ kun b'ɔ yɛlɛ Gera i wa Eid. I si Gera ti Bɛnzamɛn akpasua'n su sran. Eid di bɛ. Izraɛlfuɛ'm be sunmannin Eid kɛ ɔ fa like kun ko cɛ Eglɔn b'ɔ ti Moab famiɛn'n.

Jɔlɛ Difuɛ Mun 3:8

Anannganman wa fali ya Izraɛlfuɛ'm bé wun. Ɔ yili i sa bé su mannin Kisan-Riseataim, b'ɔ ti Mezopotami famiɛn'n. Izraɛlfuɛ'm be suli Kisan-Riseataim afuɛ mɔcuɛ.

Jɔlɛ Difuɛ Mun 4:3

Izraɛlfuɛ'm be kpan flɛli Anannganman afin Sizɛra lɛ blalɛ kakaklolo ya ngwlan. Ɔ kleli Izraɛlfuɛ'm be nun afuɛ kɔe ablaɔn.

Jɔlɛ Difuɛ Mun 6:7

Izraɛlfuɛ'm be kpan flɛli Anannganman kɛ ɔ de be Madianfuɛ'm be sa nun,

1 Samiɛl 12:10

Be kpan flɛli Anannganman ekun, be waan: ‹Y'a yo tɛ. E yacili Anannganman lɛ e ko sɔli Baal nin Astarte mun. De ye e kpɔfuɛ'm bé sa nun nan e ´su wɔ.›