Jɔlɛ Difuɛ Mun 3:8 - NYANMIƐN NDƐ'N 1998

⁸ Anannganman wa fali ya Izraɛlfuɛ'm bé wun. Ɔ yili i sa bé su mannin Kisan-Riseataim, b'ɔ ti Mezopotami famiɛn'n. Izraɛlfuɛ'm be suli Kisan-Riseataim afuɛ mɔcuɛ.

Jɔlɛ Difuɛ Mun 3:8 ပူးပေါင်းရင်းမြစ်များ

Bo Bolɛ 24:10

Ɔ fɛli i min bian'n i nyɔnngɔnmɛn be nun blu nan ɔ'a ɔ. Kɛ ɔ ´kɔ'n, ɔ fɛli i min'n i ninnge'm be nun kpakpa'n wie. Ɔ fali Nakɔr klɔ b'ɔ o Mezopotami i nglo lɔ'n i atin'n.

Jue Mun 106:41

Ɔ fali be mannin nvle uflɛ mun. Be nga be kpɔ be'n be yɛ be wa sieli be-ɔ.

Jue Mun 129:1

Zerizalɛm kɔlɛ'n i su jue. Kɛ ɔ fin min kaan nun lele'n, blɛ sunman be kleli min yalɛ. Man Izraɛlfuɛ'm be kan sɔ wie! Man be se kɛ:

Jue Mun 44:12

A fa e man be kɛ be di ye kɛ bua nin boli sa, wɔ man y'a bo y'a sanndi nvle-nvle'm be nun.

Jue Mun 6:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo like b'ɔ ti kɛ jru sa'n i wie. I waan be `fa jru ng'ɔ lɛ nyanman mɔcuɛ'n. I waan:

Jue Mun 85:3

A sikeli ɔ sran'm bé ti su sa tɛ trɔ'n jinnin. A yacili bé wun sa'n cɛli be.

Ezipt Lɔ Tulɛ'n 22:24

Sɛ min nvle'n i nunfuɛ kun b'ɔ ti yalɛfuɛ'n ɔ wa usa bosia ɔ sa nun'n, nán yo i kɛ sran bɔ sran sika wo i su'n sa, nán se i kɛ ɔ su i bo.

Ezai 50:1

Anannganman waan: «?Fluwa bɔ n klɛli b'ɔ kle kɛ m'an yra amún nin'n, ɔ o ninfan? ?Annzɛ kusu, sran nga i kalɛ wo min su bɔ n yoli amun atɛ i sa nun'n, yɛlɛ wan? Sɛ be yoli amun atɛ'n, ɔ fin amun fɔnlɛ bɔ amun fɔnnin'n, sɛ be kannin amún nin bo'n, ɔ fin amun sa tɛtɛ bɔ amun yo'n.

Saun Yolɛ 26:17

E nin amun e ´nyɛn i: be nga be nin amun be kun'n, be yɛ be ´kwla amun-ɔn. Sɛ sran fi fuan-man amun bɔbɔ'n, sanngɛ amun ´wanndi .

Abakik 3:7

Etiopifuɛ'm be wla bɔ ɔ'a bo bé wun'n, n wun i. Madianfuɛ'm be kusu srɛ ng'ɔ kun be'n, n wun i ekun.

Rɔmfuɛ Mun 7:14

E si kɛ mmla'n ti Nyanmiɛn Wawɛ'n i like, sanngɛ n liɛ'n, n ti klɔ sran, sɛ sa tɛ b'ɔ ti min nzuɛn'n ti sran'n, wuun n ´se kɛ b'a yo min atɛ i sa nun.

Mmla'n 29:20

Anannganman ɔ ´yo man ɔ ´wun nyrɛnnɛn. Ɔ ´yi i Izraɛl akpasua'm be nun. Sa yalɛ nga be kan be ndɛ mmla bɔ be ti klɛwa fluwa nga nun'n, Anannganman ´fa yi i su. Kɛ Anannganman nin be nuan sɛli su sɔ-ɔ.

Mmla'n 32:30

?Sran kunngba cenje kwla fuan sran akpi? ?Sran nnyɔn cɛ be kwla fuan sran akpi blu? N ´tɛ su kɛ: Ɛɛn! Sɛ min Anannganman bɔ n ti kɛ yɛbuɛ sa bɔ be talo min'n, sɛ n fa be n wla be kpɔfuɛ'm be sa nun'n, be kwla yo be sɔ.

Jɔlɛ Difuɛ Mun 2:14

Yɛ Anannganman ɔ wa fali ya dan kpa Izraɛlfuɛ'm bé wun nan ɔ'a man ninnge fɛnfuɛ'm be atin kɛ be `fɛn bé bo ninnge mun. Ɔ yoli man b'a kwla jran-man be kpɔfuɛ nga be mantan be lɛ'n be nyrun kun.

Jɔlɛ Difuɛ Mun 2:20

Anannganman wa fali ya Izraɛlfuɛ'm bé wun nan ɔ'a se kɛ: «Kɛ bɔ sran nga'm be saci min aenguɛ nga e nin bé nannan mun e trali'n, bɔ b'a tie-man min aniɛn'n,

Jɔlɛ Difuɛ Mun 3:10

Anannganman i Wawɛ'n jrɛli i su. Ɔ yoli Izraɛl nvle nun jɔlɛ difuɛ ɔ nin Kisan-Riseataim, b'ɔ ti Mezopotami famiɛn'n be kunnin, nan Anannganman ɔ'a yi famiɛn sɔ'n ɔ'a mɛn i.

Jɔlɛ Difuɛ Mun 3:7

Izraɛlfuɛ'm be yoli like ng'ɔ kun Anannganman i ya'n. Bé wla fili Anannganman. Be ko sɔli amuɛn nga be flɛ be Baal nin waka nga be taka be bɔ be sɔ be'n.

Jɔlɛ Difuɛ Mun 3:9

Yɛ be kpan flɛli Anannganman nan ɔ'a man be jɔlɛ difuɛ kun. Be flɛ i kɛ Ɔtniɛl. Kalɛb i sinma yasua Kɛnaz i wa-a.

Jɔlɛ Difuɛ Mun 4:9

Yɛ Debora tɛli i su kɛ: «N wa ko sunman wɔ, sanngɛ a su nyan-man nyrun alɛ sɔ'n nun. Bla sin i sa nun yɛ Anannganman ɔ ´fa Sizɛra wla-a.» Yɛ Debora nin Barak be ɔli Kedɛs-ɔ.

1 Samiɛl 12:9

Kpɛkuun bé wla fili Anannganman b'ɔ ti be Nyanmiɛn'n. I kusu ɔ yoli be atɛ Sizɛra b'ɔ ti Azɔr alɛ kunfuɛ'm bé su kpɛn'n ɔ nin Filistifuɛ mun, ɔ nin Moabfuɛ'm bé sa nun. Be nin Izraɛlfuɛ'm be kunnin.