Jɔlɛ Difuɛ Mun 3:7 - NYANMIƐN NDƐ'N 1998

⁷ Izraɛlfuɛ'm be yoli like ng'ɔ kun Anannganman i ya'n. Bé wla fili Anannganman. Be ko sɔli amuɛn nga be flɛ be Baal nin waka nga be taka be bɔ be sɔ be'n.

Jɔlɛ Difuɛ Mun 3:7 ပူးပေါင်းရင်းမြစ်များ

1 Famiɛn Mun 16:33

Ɔ takali waka bɔ be sɔ be'n ekun. Sa nga Akab yoli b'ɔ fa fɔkɔli Anannganman b'ɔ ti Izraɛl Nyanmiɛn'n i anwlɛn'n sɔnnin. I kpanngban tra Izraɛl famiɛn nga be dunnin mmua i nyrun'n be kwlaa be liɛ bɔ be yoli'n.

1 Famiɛn Mun 18:19

I sɔ'n ti sunman sran man be ko sese Izraɛlfuɛ'm be kwlaa kɛ e `yia Karmɛl oka'n su lɔ. Baal i nuan ijɔfuɛ ya-nnan-ablenun, ɔ nin waka nga be taka bɔ be sɔ'n i nuan ijɔfuɛ ya nnan bɔ bé nin Zezabɛl be yia be di like'n, man be bla wie.»

2 Famiɛn Mun 23:14

Ɔ bubuli yɛbuɛ nga be takali'n be nun, ɔ kpɛkpɛli waka nga be takali be bɔ be sɔ be'n be nun. Yɛ ɔ fali sran owie tiantiannin be osu lɛ.

2 Famiɛn Mun 23:6

Waka nga be takali bɔ be sɔ i'n, ɔ yili i Anannganman i sua'n nun fiteli. Ɔ fɛli i Zerizalɛm ɔli Sedrɔn kongo'n nun lɔ, nan ɔ'a wɔ nun. Ɔ kacili nzuɛn. Ɔ fali nzuɛn sɔ'n ko guɛli i ndia'm be su asieliɛ lɔ .

2 Be Nyoliɛ 15:16

Famiɛn Aza i nannan bla bɔ be flɛ i kɛ Maaka'n yili waka nga be taka bɔ be sɔ i'n i ba kun. I sɔ'n ti, Aza yoli man i nannan sɔ'n bɔ laa be flɛ i kɛ Bla Ndre'n, ɔ'a nyan-man nyrun kun. Aza tuli amuɛn ba sɔ'n bo, ɔ fufuli nun, yɛ ɔ ko wɔli nun Sedrɔn nzue ba'n nuan lɔ.

2 Be Nyoliɛ 24:18

Ɔ man be yacili Anannganman be nannan'm be Nyanmiɛn'n i sua'n nun kɔlɛ. Be sɔli waka nga be takali be'n nin amuɛn mun. Anannganman fali ya dan kpa Zidafuɛ mun nin Zerizalɛmfuɛ'm be wun sa tɛ sɔ bɔ be yoli'n ti.

2 Be Nyoliɛ 33:19

I Nyanmiɛn srɛlɛ'n nin wafa nga Anannganman fa tɛli i su'n, i sa tɛ b'ɔ yoli'n, ɔ nin i wun bɔ ɔ'a fa mantan-man Nyanmiɛn'n, sraka yiwlɛ lika mun ng'ɔ yoli be'n, ɔ nin lika ng'ɔ kplannin waka nga be sɔ be'n, yɛ lika ng'ɔ takali amuɛn mun kwlaa nan ɔ'a kɛn i wun ase Nyanmiɛn nyrun'n, i kwlaa sɔ'n wo Ozai fluwa'n nun.

2 Be Nyoliɛ 33:3

Sraka yiwlɛ lika nga be o kpɔlɛ'm be su'n bɔ i si Ezekias nunnunnin be'n, ɔ wa yoli be uflɛ. Ɔ kplannin Baal i sɔwlɛ mun, ɔ nin waka bɔ be sɔ be'n mun. Ɔ kotoli nglo lɔ ninnge'm bé bo, ɔ suli be.

2 Be Nyoliɛ 34:3

Kɛ ɔ yoli famiɛn'n, i afuɛ mɔcuɛ su'n, bɔ wuun ɔ tɛ yo gbanflɛn'n, ɔ fɛli i wun mantannin i nannan David i Nyanmiɛn'n. Sraka yiwlɛ lika mun nin waka nga be kplan be bɔ be sɔ be'n, ɔ nin amuɛn wafa-wafa'n kwlaa, i afuɛ nnan su'n, ɔ yili be Zerizalɛm lɔ nin Zida mɛn wunmuan'n nun.

2 Be Nyoliɛ 34:7

Ɔ bubuli amuɛn sɔwlɛ mun. Waka nga be kplan be bɔ be sɔ be'n nin amuɛn mun'n, ɔ bubuli be nun be kacili sanmlɛn. Ɔ bubuli ansans yrawlɛ mun. I sin ɔ sɛli i sin Zerizalɛm.

Jue Mun 106:35

Be fali bé wun ko wlɛli i nvle kun nga'm be nunfuɛ bɔ be si-man Nyanmiɛn'n be nun. Nvle sɔ'm bé sa nga be yo'n, be niannin su be yoli wie.

Jue Mun 106:36

Be amuɛn nga be sɔ be'n, be ko sɔli wie. I sɔ amuɛn liɛ'm be kacili kɛ aya sa mannin be.

Jue Mun 106:7

Atrɛ nga a yili be Ezipt lɔ'n, é si'm b'a wun-mɛn i wlɛ. Ye dandan nga a yoli be'n, bé wla ɔ'a kpɛn-man su. Be yoli nyin kekle Ndɛma jenvie'n i nuan lɔ.

Ezipt Lɔ Tulɛ'n 34:13

Amun `bubu be amuɛn sɔwlɛ mun. Amun `bubu be yɛbuɛ nga be takali be'n, ɔ nin be waka nga be sɔ be'n.

Zeremi 23:27

Be ´kan be laliɛ nun ndɛ'm be kle be wiengu sɔ nan min sran'm be wla fi min kɛ be nannan'm bé wla fili min, Baal dunman nun'n sa.

Mmla'n 16:21

Nán amun taka amuɛn b'ɔ ti waka'n i wie fi Anannganman amun Nyanmiɛn'n i sɔwlɛ nga amun kplan'n i wun lɛ.

Mmla'n 4:9

Sanngɛ amun `nian amún wun kpa cɛn kwlakwla kɛ ɔ ´yo nan amún wla ɔ'a fi-man sa nga amun bɔbɔ amun wunnin be'n ti. Nán man be fin amun akunndan nun fite le. Amun `fa kle amun mma mun nin amun anunman mun.

Mmla'n 8:11

Amun `nian amún wun kpa. Nán amún wla fi Anannganman amun Nyanmiɛn'n. Nán amun kpa i ndɛ nin i mmla fanunfanun nga n ´fa man amun ndɛ yɛ'n bé su falɛ'n su.

Mmla'n 8:14

amun `nian amun wun, nán amun tu amún wun. Nán amún wla fi Anannganman amun Nyanmiɛn'n b'ɔ fali amun kanga nun Ezipt lɔ bali'n.

Mmla'n 8:18

Nán amún wla fi Anannganman amun Nyanmiɛn'n, afin i kunngba cɛ yɛ ɔ kwla man amun wunmiɛn kɛ amun `fa di junman nan amun `nyan like-ɔ. I waan ɔ ´yo i sɔ nan aenguɛ nga ɔ nin amun nannan mun be trali'n ɔ'a taka kɛ ɔ fa taka ndɛ yɛ'n sa.

Jɔlɛ Difuɛ Mun 3:12

Izraɛlfuɛ'm be yoli like nga Anannganman klo-mɛn i ekun. I sɔ'n ti yɛ Anannganman wlali Eglɔn b'ɔ ti Moab famiɛn'n i fanngan kɛ ɔ nin Izraɛlfuɛ'm be kun nin-ɔn.

Jɔlɛ Difuɛ Mun 3:8

Anannganman wa fali ya Izraɛlfuɛ'm bé wun. Ɔ yili i sa bé su mannin Kisan-Riseataim, b'ɔ ti Mezopotami famiɛn'n. Izraɛlfuɛ'm be suli Kisan-Riseataim afuɛ mɔcuɛ.

Jɔlɛ Difuɛ Mun 6:25

Kɔnguɛ kunngba sɔ nun'n, Anannganman seli Zedeɔn kɛ: «Fa ɔ́ si i nannin nga ɔ'a kpɛ cro'n, fa nannin tola kun ekun bɔ ɔ'a di afuɛ nso'n uka su. Bubu ɔ́ si i amuɛn nga be flɛ i kɛ Baal i sɔwlɛ'n, kpɛ waka bɔ i amuɛn nga be flɛ i Asera'n i nzɔliɛ'n wo su'n b'ɔ jin i wun lɛ'n.

Jɔlɛ Difuɛ Mun 8:33

Kɛ Zedeɔn wuli'n, Izraɛlfuɛ'm be sali bé sin be ko sɔli Baal. Be takali Baal-Bɛrit, ɔ yoli be amuɛn yɛ be sɔ-ɔ.

Jɔlɛ Difuɛ Mun 8:34

Izraɛlfuɛ'm bé wla fili Anannganman bɔ i yɛ ɔ ti be Nyanmiɛn'n, i b'ɔ deli be be kpɔfuɛ nga be bo sin yia be'n bé sa nun'n, be wla fili i.

1 Samiɛl 12:10

Be kpan flɛli Anannganman ekun, be waan: ‹Y'a yo tɛ. E yacili Anannganman lɛ e ko sɔli Baal nin Astarte mun. De ye e kpɔfuɛ'm bé sa nun nan e ´su wɔ.›

1 Samiɛl 12:9

Kpɛkuun bé wla fili Anannganman b'ɔ ti be Nyanmiɛn'n. I kusu ɔ yoli be atɛ Sizɛra b'ɔ ti Azɔr alɛ kunfuɛ'm bé su kpɛn'n ɔ nin Filistifuɛ mun, ɔ nin Moabfuɛ'm bé sa nun. Be nin Izraɛlfuɛ'm be kunnin.