Jɔlɛ Difuɛ Mun 3:6 - NYANMIƐN NDƐ'N 1998

⁶ Be jali nvle sɔ'm be nun bla mun, be fali be mma mmla'm be mannin be kɛ be ja be, kpɛkuun be sɔli be amuɛn mun .

Jɔlɛ Difuɛ Mun 3:6 ပူးပေါင်းရင်းမြစ်များ

Jue Mun 106:35

Be fali bé wun ko wlɛli i nvle kun nga'm be nunfuɛ bɔ be si-man Nyanmiɛn'n be nun. Nvle sɔ'm bé sa nga be yo'n, be niannin su be yoli wie.

Ezipt Lɔ Tulɛ'n 34:15

Nán amun nin mɛn sɔ'n nunfuɛ'm be tra aenguɛ wie fi, kɛ ɔ ´yo nan blɛ bɔ be ´sɔ be amuɛn mun'n, b'a flɛ-man amun kɛ amun ko sɔ wie nan amu'an di-man be amuɛn nnɛn'n wie'n ti.

Ezipt Lɔ Tulɛ'n 34:16

I kunngba'n, kɛ ɔ ´yo nan amu'an fa-man lɔ bla amu'an man-man amun wa yasua mun, nan bla sɔ'm be kusu kɛ be ´sɔ be amuɛn mun'n, b'a cuɛn-man amun mma liɛ mun b'a wla-man amuɛn sɔ'm be sɔlɛ nun wie'n ti.

Ezekiɛl 16:3

Se Zerizalɛm kɛ Anannganman Nyanmiɛn'n wan yoo: ‹Ɔ finwlɛ nin wɔ awuliɛ nun'n, a ti Kanaanfuɛ, ɔ si ti Amɔrfuɛ yɛ ɔ nin ti Ɛtfuɛ .

Zozie 23:12

Sɛ amun kaci amún sin si i nan amun fa amun wun fa mantan nvle nga be tɛ o amun afiɛn'n, sɛ amun ja be mma mmla mun'n, sɛ amun sanngan be nun nan amun fa be sanngan amun nun'n,