Jɔlɛ Difuɛ Mun 3:4 - NYANMIƐN NDƐ'N 1998

⁴ Nvle nga be o lɛ mun yɛ Anannganman yacili be lɛ kɛ ɔ ´fa sa Izraɛlfuɛ mun ɔ ´nian sɛ be ´fɛ i mmla ng'ɔ fa wlali Moiz nuan kɛ ɔ `fa kle be'n su o.

Jɔlɛ Difuɛ Mun 3:4 ပူးပေါင်းရင်းမြစ်များ

Ezipt Lɔ Tulɛ'n 15:25

Moiz kpan flɛli Anannganman, yɛ Anannganman kleli i waka sin kan kun. Moiz toli yili i nzue'n nun, nan nzue'n ɔ'a yo fɛ. Lɛ yɛ Anannganman mannin Izraɛlfuɛ'm be mmla fanunfanun wie mun nin-ɔn. Lɛ yɛ ɔ sali be niannin nin-ɔn.

1 Korɛntfuɛ Mun 11:19

afin san amún wun nun bubulɛ sɔ'n nun yɛ e ´wun sran nga be ti kpa sakpa nin-ɔn.

Mmla'n 33:8

Ɔ kan mannin Levi akpasua liɛ'n kɛ: «Anannganman a fali ɔ ninnge nga be fa si ɔ klun sa'n a wlali Levi osu nunfuɛ'm bé sa nun. A dun mmua sali be Masa lɔ niannin. A dun mmua buli be fɔ Mɛriba nzue'n nuan lɔ .

Mmla'n 8:2

Nán amún wla fi atin tɛnndɛn nga Anannganman amun Nyanmiɛn'n fali amun sinnin nun aawlɛ flɛnnɛn'n nun lɔ afuɛ ablanan'n. I waan ɔ ´gua amun nyin ase nan ɔ ´sa amun nian. I waan ɔ ´si amun klun lɔ akunndan mun. I waan ɔ ´nian sɛ amun ´fɛ i nuan ndɛ'n su o, annzɛ sɛ o.

Jɔlɛ Difuɛ Mun 2:22

N ´fa nvle sɔ mun n fa sa Izraɛlfuɛ mun n ´nian. Sɛ be ´fa Anannganman i atin kɛ be nannan'm be fali'n sa o.»

Jɔlɛ Difuɛ Mun 3:1

Anannganman yacili be lɛ kɛ ɔ ´fa sa Izraɛlfuɛ nga b'a kun-man Kanaan alɛ'n wie mun nian.