Jɔlɛ Difuɛ Mun 3:3 - NYANMIƐN NDƐ'N 1998

³ Nvle sɔ mun yɛ: Filistifuɛ'm be famiɛn diwlɛ nnun mun, Kanaanfuɛ'm be kwlaa, ɔ nin Sidɔnfuɛ mun, ɔ nin Evfuɛ nga be o Liban oka-oka'n nun mun ɔ fɛ i Baal-Ɛrmɔn oka'n su lele fa ju Amat klɔ'n i wun lɔ.

Jɔlɛ Difuɛ Mun 3:3 ပူးပေါင်းရင်းမြစ်များ

Bo Bolɛ 49:13

Zabilɔn liɛ'n ɔ ´tran jenvie'n nuan, kan mmeli'm be si lɛ'n yɛ ɔ tran-an. I lika'n ɔ ´kɔ lele ju Sidɔn.

2 Samiɛl 24:7

Be sinnin Tir bɔ talɛ si i wun'n su, yɛ be sinnin Evfuɛ mun nin Kanaanfuɛ'm be klɔ laa'm be su. I sin be sinnin Zida nvle'n i ngua lɔ klɔ nga be flɛ i Beɛr-Seba'n su.

1 Famiɛn Mun 8:65

I blɛ kunngba sɔ nun'n, Salomɔn nin Izraɛlfuɛ'm be ngba be dili kpata'm be cɛn'n ekun. Sran'm b'a yia-man ngowa. Be fin bé mɛn'n i lika'n kwlakwla. Kɛ ɔ fɛ i Amat lɔ lele fa ju Ezipt nzue ba'n i nuan'n, lɔfuɛ be kwlaa be bali. Be kwlakwla be yiali Anannganman e Nyanmiɛn'n i nyrun cɛn nso, i sin be dili cɛn nso ekun. I ngba'n yoli cɛn blu nin nnan.

1 Famiɛn Mun 9:20

Amɔrfuɛ mun, nin Ɛtfuɛ mun, nin Ferezfuɛ mun, nin Evfuɛ mun, ɔ nin Zɛbisfuɛ mun bɔ be ti-man Izraɛlfuɛ'n, bɔ sanngɛ Izraɛlfuɛ'm b'a kwla nunnun-man be'n, be mma nga be kali Izraɛl mɛn'n nun'n, Salomɔn man be dili junman kekle mun kɛ kanga mun sa. Be tɛ o kanga sɔ'n nun lele ndɛ,

Ezekiɛl 47:20

Wia atɔliɛ lɔ lika liɛ nun'n, Mediterane jenvie'n yɛ ɔ ´yo awɛ nin-ɔn, ɔ ´fɛ i ngua lele ´ju Amat i wun lɛ nglo lɔ. Wia afiliɛ lɔ anyialiɛ liɛ'n yɛ ɔ o lɛ-ɔ.

Kalɛ 13:29

Amalɛkfuɛ'm be tran ngua lɔ lika'n nun, Ɛtfuɛ'm be nin Zɛbisfuɛ mun, ɔ nin Amɔrfuɛ mun be tran oka-oka lika'm be nun, yɛ Kanaanfuɛ'm be tran be liɛ jenvie'n wun koko lɛ Zurdɛn nzue ba'n i nuan.»

Kalɛ 34:8

Kɛ ɔ fɛ i Ɔr oka'n su lɛ'n, man awɛ'n sin Amat, yɛ Zɛdad.

Mmla'n 1:7

Amun `jaso be wɔ siɛn'n. Amun `wɔ Amɔrfuɛ'm be lika'n b'ɔ ti oka-oka'm be nun lɔ. Kanaanfuɛ'm be lika nga be mantan-mantan lɛ'n, amun `wɔ lɔ. Be lika kpɛtɛkplɛɛ'm be nun o, be lika bɔ be ti oka-oka'm be nun o, be lika tɔnun'm be nun o, ngua lɔ lika'm be nun o, ɔ nin jenvie nuan lɔ lika'm be nun o, amun `wɔ lɔ. Amun `wɔ lele ju Liban lɔ, amun `ju Efrat nzue ba dan'n i nuan lɔ.

Mmla'n 3:9

Sidɔnfuɛ'm be flɛ Ɛrmɔn oka'n kɛ Siriɔn. Amɔrfuɛ'm be kusu be flɛ i kɛ Sɛnir.

Zozie 11:19

Alɛ kunlɛ nun yɛ be kwlali klɔ nga be o lɛ'n be kwlakwla-a, san Evfuɛ nga be tran Gabaɔn lɔ'n be yɛ be nin Izraɛlfuɛ'm be dili anuansɛ-ɔ.

Zozie 11:3

Ɔ wunnin Kanaanfuɛ nga be o Zurdɛn'n i lika ng'ɔ kpɛ wia afiliɛ nin i lika ng'ɔ kpɛ wia atɔliɛ lɔ'n bé wun. Amɔrfuɛ, nin Ɛtfuɛ, nin Ferezfuɛ, nin Zɛbisfuɛ nga be tran oka-oka lika'm be nun'n, ɔ nin Evfuɛ nga be tran Ɛrmɔn bo lɔ Mizpa lika nun lɔ'n, ɔ wunnin be wun ekun.

Zozie 13:3

b'ɔ fɛ i Ezipt nuan su, Siɔn nzue ba nuan'n, lele fa ju Ekrɔn b'ɔ o nglo lɔ lika nun'n. Lika sɔ'm be ka be wla Kanaan lika'n nun. Filistifuɛ'm be kpɛnngbɛn nnun'n: Gaza liɛ'n, Asdɔd liɛ'n, Askalɔn liɛ'n, Gat liɛ'n, ɔ nin Ekrɔn liɛ'n, lika sɔ'n ti be liɛ.

Zozie 13:5

I Gɛbal nvle nin o, i Baal-Gad lɔ Liban nin o, i wia afiliɛ lɔ Ɛrmɔn oka wun lɔ nin o,

Zozie 19:28

Abdɔn, Rɛɔb, Amɔn, ɔ nin Kana, kpɛkuun ɔ ju Sidɔn klɔ dan'n wun lɔ.

Zozie 9:7

Izraɛlfuɛ'm be tɛli be su kɛ: «Atrɛkpa-a, amun fin e wun koko wa, yɛ e nin amun e wa tra aenguɛ-ɔ!»

Jɔlɛ Difuɛ Mun 10:12

nin Sidɔnfuɛ mun, nin Amalɛkfuɛ mun, ɔ nin Maɔnfuɛ'm be ´kle amun nyrɛnnɛn bɔ amun kpan flɛli min'n, m'an de-man amun bé sa nun?

Jɔlɛ Difuɛ Mun 10:7

Anannganman kusu fali bé wun ya dan kpa, nan ɔ'a fa be a wla Filistifuɛ nin Amɔnfuɛ'm bé sa nun.

Jɔlɛ Difuɛ Mun 14:4

I si nin i nin be si-man kɛ Anannganman bɔbɔ yɛ man sa sɔ'n ɔ ju-ɔ. Be si-man kɛ Filistifuɛ'm be utre kunndɛlɛ ti yɛ ɔ yo sɔ nin-ɔn, afin i blɛ sɔ nun'n, wuun Filistifuɛ'm be kwla Izraɛlfuɛ mun.

Jɔlɛ Difuɛ Mun 18:7

Yɛ sran nnun'm be ɔli-ɔ. Be juli Lais. Bé wunnin kɛ lɛfuɛ'm be ti be tilɛ lɛ kɛ Sidɔnfuɛ'm bé sa. Be klun ti-man be. Be o lɛ fɔuun, be nin be siefuɛ'm be lɛ-man ndɛ, kusu be o Sidɔnfuɛ'm bé wun mmua, be ti be tiaun tilɛ.

Jɔlɛ Difuɛ Mun 3:2

Anannganman waan ɔ ´yaci be lɛ nan Izraɛlfuɛ nga be ´kun alɛ'n b'a wun-man nun'n, be fa be a suan alɛ kunlɛ.

Jɔlɛ Difuɛ Mun 4:2

Yɛ Anannganman fali be wlɛli i Zabɛn b'ɔ ti Kanaan famiɛn ng'ɔ tran Azɔr'n i sa nun-ɔn. Zabɛn i alɛ kunfuɛ'm be kpɛnngbɛn yɛlɛ Sizɛra. Ɔ trɛn i liɛ Arɔsɛt-Gɔim.

1 Samiɛl 13:5

Filistifuɛ'm be kusu be yiali kɛ be nin Izraɛlfuɛ'm be ´kun. Bé sa nun kakaklolo'n ti akpi-akpi ablasan (30.000), nnɛn kpanngɔ fufuɛ'm be ti akpi nsiɛn (6.000), sonja'm be ka be-ɔ, ɔ ka-man, be sɔnnin kɛ jenvie nuan aunnyan sa. Be bali be wa boli be nanmue Mikmas lɛ. Mikmas klɔ'n o Bɛt-Avɛn i bue ng'ɔ kpɛ wia afiliɛ lɔ nun.

1 Samiɛl 29:2

Kɛ Filisti akpasua'm be ´nanti kɔ'n, be kɔ sran yaya, sran akpi-akpi, bé su kpɛn'm be dun mmua be nyrun. David kusu nin i sran liɛ mun be nin Akis be su bé su.

1 Samiɛl 6:16

Kɛ Filistifuɛ'm be kpɛnngbɛn'm be wunnin sa sɔ mun'n, be sali bé sin Ekrɔn cɛn kunngba'n nun.

1 Samiɛl 6:18

Sika ɔkwlɛ gbekle'n kusu bé nuan ju kɛ Filistifuɛ'm be kpɛnngbɛn'm be klɔ'm bé nuan fa ju'n sa, afin Filisti kpɛnngbɛn kun lɛ i klɔ nga be si be wun'n, ɔ nin klɔ nga b'a si-man bé wun'n. Ndɛ nin ndɛ Zozie b'ɔ fin Bɛt-Semɛs i fie nun yɛbuɛ dan nga be jinnin Anannganman i alaka'n su'n, ɔ man bé wla tɛ kpɛn sa sɔ'n su.

1 Samiɛl 6:4

Be usali kɛ: «?Nguɛ like yɛ e ´fa mɛn i-ɔ?» Yɛ be tɛli bé su kɛ: «Amun `fa sika ɔkwlɛ be yo i kɛ putɛputɛ'n b'ɔ wun be'n sa i sɔ lele nnun. Amun `yo gbekle ba sɔ nnun ekun. Amun `nian Filistifuɛ'm be kpɛnngbɛn'm be nuan'n su, yɛ be `yo-ɔ, afin like kunngba ng'ɔ juli amún su'n, i kunngba'n kusu yɛ ɔ juli amún su kpɛn'm bé su-ɔ.