Jɔlɛ Difuɛ Mun 21:1 - NYANMIƐN NDƐ'N 1998

¹ Kɛ Izraɛlfuɛ'm be yiali Mizpa lɔ'n, be tali nda be seli kɛ: «Nán e nun sran kun fɛ i wa bla man Bɛnzamɛn akpasua su sran kun kɛ ɔ jɛ i!»

Jɔlɛ Difuɛ Mun 21:1 ပူးပေါင်းရင်းမြစ်များ

Akunndanfuɛ'n 5:2

Afin kokolɛ ngboko'n yɛ ɔ fa laliɛ kpanngban'n ba-a. I kunngba nin-ɔn, ijɔlɛ kpanngban'n yɛ ɔ fa ndɛ ng'ɔ nin kanlɛ fata-man'n ba-a.

Zeremi 4:2

Kɛ a ta nda se kɛ: ‹N kan Anannganman Nyanmiɛn.› Sɛ a tɛ i nanwlɛ su kpa weiin'n, nvle kun nga'm be ´fa min dunman'n yɛ be ´fa yra be wiengu nguan-an. Kpɛkuun be ´bo min dunman'n be ´sin.

Zeremi 40:6

Zeremi ɔli Asikam i wa Gɛdalia sin Mizpa lɔ. Ɔ nin i be trannin Zidafuɛ nga be kali lɛ'n bé wun lɛ.

Marc 6:23

Nan ɔ'a ta nda kɛ: «Like nga a se n kɛ n fa man wɔ'n, kannzɛ mɛn nga n sie'n i bue bɔbɔ-ɔ, n ´fa man.»

Sa nga bé yôli'n 23:12

Kɛ aliɛ cɛnnin'n, Zuif'm be cicili, be fa Nyanmiɛn wuawuali bé wun kɛ be su di-man like be su nɔn-man nzue lele san b'a kun Pɔl.

Rɔmfuɛ Mun 10:2

N si be kpa kɛ be klo Nyanmiɛn dan, sanngɛ klolɛ sɔ'n bɔ be fa klo i'n, be si-man su ngwlɛlɛ.

Jɔlɛ Difuɛ Mun 20:1

Izraɛlfuɛ'm bɔ be o kan ɔ fɛ i Dan b'ɔ o nglo lɔ'n b'ɔ fa ju Beɛr-Seba b'ɔ o ngua lɔ'n, be kwlaa be bali. Be nga be o Galaad b'ɔ o wia afiliɛ lɔ'n be bali wie. Bé nuan yoli kun be yiali Anannganman nyrun Mizpa lɔ.

Jɔlɛ Difuɛ Mun 20:10

nan e ka Izraɛl akpasua'n su sran'm be ngba. Kɛ e ka sran blu'n, e `yi sran kun, kɛ e ka sran ya'n, e `yi sran blu, kɛ e ka sran akpi'n, e `yi sran ya, kɛ e ka sran akpi blu'n (10.000), e `yi sran akpi. I sɔ sran'm be ´ko kunndɛ like diwa blɛ nzrafuɛ nga b'a yia yɛ'n. Kɛ be ju wa cɛ'n, e ´tu Bɛnzamɛn klɔ nga be flɛ i Gibea'n i nunfuɛ'm be fɔ tete bɔ be boli i Izraɛl nvle nun'n ti.»

Jɔlɛ Difuɛ Mun 20:48

Izraɛlfuɛ'm be sali be sin be bali Bɛnzamɛn akpasua'n su sran'm be klɔ'm be su nan b'a kun klɔfuɛ nin nnɛn'm be ngba, kpɛkuun be wɔli klɔ'm be kwlaa be nun.

Jɔlɛ Difuɛ Mun 20:8

Nzrafuɛ'm be kwlakwla be jasoli likawlɛ nan b'a se kɛ: «E kwlaa nga y'a yia yɛ'n, sran fi su sɛ-mɛn i sin i tranwlɛ.

Jɔlɛ Difuɛ Mun 21:18

Yɛ sanngɛ e kwla fa-man e mma bla mun e man-man be, afin e tali nda kɛ: ‹Nán Izraɛlfuɛ fi fa bla man Bɛnzamɛnfuɛ kun, nan sran ng'ɔ yo sɔ'n, nán man ɔ wun ye le.»›

Jɔlɛ Difuɛ Mun 21:22

Sɛ bé si nin be niaan mun be wa sanman amun e ja su'n, e ´se be kɛ: «Amun `fa fli ye, yɛlɛ kɛ bla nga e trali be lomuɛn'n b'a ju-man Bɛnzamɛnfuɛ'm bé ti nun kunngun. Sɛ ɔ ti kɛ amun bɔbɔ yɛ amun fali bla mun mannin be'n, wuun sannzan wo amún su.»

Jɔlɛ Difuɛ Mun 21:5

Kpɛkuun be usali kɛ: «?Yialɛ nga y'a yia yɛ'n, Izraɛlfuɛ wie'm b'a yia-man wie?» Afin be tali nda kɛ sran kwlaa bɔ be ´ko yia Mizpa lɔ bɔ ɔ'a ɔ-man wie'n, be ´kun i.

Jɔlɛ Difuɛ Mun 21:7

Be usali bé wun kɛ: «?Bé kan nga be kali lɛ'n, nguɛ yɛ e ´yo man be nan b'a nyan bla-a? Afin y'a bo Anannganman dunman y'a ta nda kɛ: ‹E fa-man e wa bla mun e man-man be kɛ be ja be.»›

1 Samiɛl 14:24

Le kun sɔ nun'n, kɛ Izraɛlfuɛ'm be ko fɛ'n yɛ be fɛli-ɔ. Afin Sail tali nda ɔ seli kɛ: «Sran ng'ɔ di like kwlaa nan aliɛ'n ɔ'a san'n, sran ng'ɔ di like kwlaa nan m'an tu min klunngbɔ min kpɔfuɛ'm bé su'n, man nyrɛnnɛn tɔ i su.» I sɔ'n ti, man sran fi nuan ɔ'a kan-man like.