Jɔlɛ Difuɛ Mun 20:9 - NYANMIƐN NDƐ'N 1998

⁹ Like nga e ´fa yo Gibeafuɛ mun'n yɛ: man e tu fɔtɔ,

Jɔlɛ Difuɛ Mun 20:9 ပူးပေါင်းရင်းမြစ်များ

1 Be Nyoliɛ 24:5

Be tuli fɔtɔ yɛ be cɛcɛli be-ɔ. Eleazar nin Itamar osu'n nunfuɛ wie'm be ti Nyanmiɛn sua'n su kpɛn, yɛ wie'm be nian Nyanmiɛn i sulɛ'n su.

Neemi 11:1

Kpɛnngbɛn'm be trannin Zerizalɛm. Be tuli be kun nga'm be wun fɔtɔ. Kɛ be tu sran blu be wun fɔtɔ'n, kun ´tran Zerizalɛm Nyanmiɛn i klɔ'n su, yɛ be ngwlan kun nga'm be ´tran klɔ uflɛ'm be su.

Nyanndra Mun 16:33

Like nga be waan be ´fa si Nyanmiɛn i klun sa'n, be to guɛ i ase, sanngɛ Anannganman bɔbɔ yɛ ɔ kle i klun sa sɔ nin-ɔn.

Zonas 1:7

Yɛ mmeli'n i kanfuɛ'm be seli bé wun kɛ: «Amun man e tu fɔtɔ, nan e wun sran nga ti yɛ man sa kekle yɛ'n ɔ'a nyan ye'n.» Be ´tu fɔtɔ nin-ɔn ɔ'a tɔ Zonas su.

Sa nga bé yôli'n 1:26

Be tuli fɔtɔ, fɔtɔ'n tɔli Matias su yɛ be fɛ i ukali sran blu-nin-kun nga Jésus sunmannin be'n be su-ɔ.

Zozie 14:2

Kɛ Anannganman fa kan kleli Moiz'n i su yɛ be niannin yɛ be tuli lika sɔ'm bé wun fɔtɔ nan b'a fa cɛcɛ akpasua ngwlan nin bue'n bé ti nun ti nun-ɔn.

Jɔlɛ Difuɛ Mun 20:10

nan e ka Izraɛl akpasua'n su sran'm be ngba. Kɛ e ka sran blu'n, e `yi sran kun, kɛ e ka sran ya'n, e `yi sran blu, kɛ e ka sran akpi'n, e `yi sran ya, kɛ e ka sran akpi blu'n (10.000), e `yi sran akpi. I sɔ sran'm be ´ko kunndɛ like diwa blɛ nzrafuɛ nga b'a yia yɛ'n. Kɛ be ju wa cɛ'n, e ´tu Bɛnzamɛn klɔ nga be flɛ i Gibea'n i nunfuɛ'm be fɔ tete bɔ be boli i Izraɛl nvle nun'n ti.»

Jɔlɛ Difuɛ Mun 20:8

Nzrafuɛ'm be kwlakwla be jasoli likawlɛ nan b'a se kɛ: «E kwlaa nga y'a yia yɛ'n, sran fi su sɛ-mɛn i sin i tranwlɛ.