Jɔlɛ Difuɛ Mun 20:6 - NYANMIƐN NDƐ'N 1998

⁶ N fali min soman'n, n kpɛkpɛli i nun, n fɛli i nnɛn'n n ko cɛcɛli Izraɛl nvle'n kwlaa nun afin sa nga be yoli'n ti tɛ. Be boli tete Izraɛl nvle'n nun.

Jɔlɛ Difuɛ Mun 20:6 ပူးပေါင်းရင်းမြစ်များ

Bo Bolɛ 34:7

Kɛ Zakɔb i mma yasua'm be fin blo lɔ bali bɔ be tili sa nga Sisɛm yoli'n, ɔ'a yo-man be fɛ mlɔnmlɔn. Afin wafa nga Sisɛm nin Zakɔb i wa bla'n be lali'n, nán i atin su-ɔ. Ɔ ti tete yɛ ɔ'a bo i Izraɛl mɛn'n nun-ɔn, i ti be fali ya dan kpa.

Saun Yolɛ 18:24

Ninnge nga m'an kan be ndɛ lɛ'n, nán amun yo i nun wie fi nan fiɛn kan amun. Mɛn nga n su wa kɛnkɛn i nunfuɛ'm bé bo amun nyrun lɔ lɛ'n, i sɔ sa liɛ'n yɛ be yoli be yɛ man fiɛn kannin be nin-ɔn.

Saun Yolɛ 18:30

Nan i yɛ m'an kɛn i lɛ-ɔ. Mmla nga n kan n kle amun'n, amun `nian su be `yo. Tete sa nga be dunnin mmua be yoli nan amu'an ba'n, nán amun nian su be yo wie, ɔ ti-mɛn ti-ɔ, sa tɛ kunngba'n ɔ ´kan amun wie. Min Anannganman amun Nyanmiɛn'n yɛ n kɛn i sɔ n kle amun-ɔn.»

Zozie 7:15

N wa kle be nun sran nga ninnge'n wo i sa nun'n. I sɔ sran liɛ'n be wa fɛ i yi sin nun, be `yrɛ i ɔ nin i sa nun ninnge mun min ndɛ nga n kannin'n i su bɔ ɔ'a fa-man'n, ɔ nin tete b'ɔ boli i Izraɛlfuɛ'm be afiɛn'n ti.»›

Jɔlɛ Difuɛ Mun 19:22

Be o lɛ be bo nzɛmunndɛ kpɛkuun klɔ nun sran finfinfuɛ'm b'a bo b'a sin b'a yia sua'n. Kɛ be ´ti'n, be su bobo anuan'n. Be seli bian kpɛnngbɛn bɔ i liɛ yɛlɛ sua'n kɛ: «Bian nga a sikeli i'n, fɛ i fite wa man e nin i e la.»

Jɔlɛ Difuɛ Mun 19:23

Bian'n fiteli gua su lɔ nan ɔ'a se be kɛ: «Aniaan mun, n ´srɛ amun kpa ti-ɔ, nán amun yo sa tɛ nga. Kɛ bɔ bian'n ɔ'a wlu min awlo'n ti, nán amun bo tete nga.

Jɔlɛ Difuɛ Mun 19:29

Kɛ ɔ juli lɔ'n, ɔ wluli i sua lɔ, ɔ ko fali laliɛ, ɔ trɛli i soman'n i fuɛn'n, ɔ kpɛkpɛli i nun blu-nin-nnyɔn. Ɔ fɛli i nnɛn'n cɛcɛli Izraɛl akpasua blu-nin-nnyɔn mun bé ti nun ti nun be mɛn wunmuan'n nun.

Jɔlɛ Difuɛ Mun 20:10

nan e ka Izraɛl akpasua'n su sran'm be ngba. Kɛ e ka sran blu'n, e `yi sran kun, kɛ e ka sran ya'n, e `yi sran blu, kɛ e ka sran akpi'n, e `yi sran ya, kɛ e ka sran akpi blu'n (10.000), e `yi sran akpi. I sɔ sran'm be ´ko kunndɛ like diwa blɛ nzrafuɛ nga b'a yia yɛ'n. Kɛ be ju wa cɛ'n, e ´tu Bɛnzamɛn klɔ nga be flɛ i Gibea'n i nunfuɛ'm be fɔ tete bɔ be boli i Izraɛl nvle nun'n ti.»