Jɔlɛ Difuɛ Mun 20:2 - NYANMIƐN NDƐ'N 1998

² Be kpɛnngbɛn'm be ngba be nin akpasua'm be kwlaa be su sran'm be bali Nyanmiɛn i nvle'n i anyia sɔ'n i bo. Be kwlaa sɔ'm be ti sran akpi-akpi ya nnan (400.000). Be tra tokofi nun-ɔn, ɔ yo ye.

Jɔlɛ Difuɛ Mun 20:2 ပူးပေါင်းရင်းမြစ်များ

2 Samiɛl 14:13

Yɛ bla waan: «?Ɔ yo sɛ ti yɛ w'a yo-mɛn i sɔ w'a man-man Nyanmiɛn i nvle nin-ɔn? Ndɛ nga a kannin be lɛ'n, be buli wɔ fɔ, afin ɔ waan a man-man ɔ wa ng'ɔ wanndi ɔli mɛn uflɛ nun'n i atin man ɔ ba-man.

2 Samiɛl 24:9

Zoab boli sran'm bé nuan kleli famiɛn'n. Izraɛl sonja nga be kun alɛ-ɔ ɔ yo ye'n, be ti sran akpi-akpi ya mɔcuɛ (800.000). Zidafuɛ'm be ti akpi-akpi ya nnun (500.000).

2 Famiɛn Mun 3:26

Moab famiɛn'n wunnin kɛ alɛ'n ɔ'a yo kekle ɔ'a mɛn i. Ɔ fali tokofi nun trafuɛ ya nso. I waan ɔ ´kunndɛ atin nan ɔ ´wunnge Edɔm famiɛn'n wun lɔ, sanngɛ ɔ'a yo-man ye.

Zozie 22:12

Kɛ Izraɛlfuɛ'm be tili i sɔ'n, be yiali Silo lɛ kɛ be nin wia afiliɛ lɔ akpasua liɛ'm be ´ko kun.

Jɔlɛ Difuɛ Mun 20:15

Bɛnzamɛn akpasua'n su sran nga be fin be klɔ'm bé su be wa yiali Gibea lɛ'n, kɛ be ka be'n, be nga b'a ju alɛ kunlɛ'n be ti sran akpi-akpi ablaɔn-nin-nsiɛn (26.000). Be nun ya nso be ti safunyrɛn. Gibeafuɛ'm be nun-man nun.

Jɔlɛ Difuɛ Mun 20:17

Be kali Izraɛlfuɛ'm be kusu, kɛ Bɛnzamɛn akpasua'n su sran'm be nun-man nun'n, be kwlaa nga b'a ju alɛ kunlɛ'n be ti sran akpi-akpi ya nnan (400.000). Be kwlaa'n be ti alɛ kunfuɛ mun.

Jɔlɛ Difuɛ Mun 20:3

Bɛnzamɛn akpasua'n su sran'm be kusu be tili i kɛ Izraɛlfuɛ'm b'a ɔ anyia Mizpa lɔ. Izraɛlfuɛ'm be usali kɛ: «?Ndɛ'n yoli sɛ?»

Jɔlɛ Difuɛ Mun 8:10

Zebak nin Zalmɔna be nin be alɛ kunfuɛ mun be o Karkɔr. Sonja nga be kali'n be ti sran akpi-akpi blu-nin-nnun (15.000), be kwlaa be ti wia afiliɛ lɔ sran mun. Afin be nun akpi-akpi ya ablaɔn (120.000) be tɔli atin nun.

1 Samiɛl 11:8

Sail kali be Bezɛk lɔ: Izraɛlfuɛ'm be ti sran akpi-akpi ya nsan (300.000) yɛ Zidafuɛ'm be ti sran akpi-akpi ablasan (30.000).