Jɔlɛ Difuɛ Mun 20:1 - NYANMIƐN NDƐ'N 1998

¹ Izraɛlfuɛ'm bɔ be o kan ɔ fɛ i Dan b'ɔ o nglo lɔ'n b'ɔ fa ju Beɛr-Seba b'ɔ o ngua lɔ'n, be kwlaa be bali. Be nga be o Galaad b'ɔ o wia afiliɛ lɔ'n be bali wie. Bé nuan yoli kun be yiali Anannganman nyrun Mizpa lɔ.

Jɔlɛ Difuɛ Mun 20:1 ပူးပေါင်းရင်းမြစ်များ

2 Samiɛl 19:14

I sin David seli Zadɔk nin Abiatar be kɛ be `ko se Amaza kɛ: «E nin wɔ e kpaci-man. Sɛ m'an fa-man wɔ m'an sie-mɛn i alɛ su kpɛn Zoab i osu'n, nan w'a ka-man lɛ titi'n, man Nyanmiɛn wun min.»

2 Samiɛl 2:9

Ɔ ko sieli i Galaad akpasua'n, nin Asɛr akpasua'n, nin Zizreɛl akpasua'n, nin Efraim akpasua'n, ɔ nin Bɛnzamɛn akpasua'n, be su famiɛn. Sɛ be ´kwla se'n, ɔ ti Izraɛl wunmuan'n su famiɛn.

2 Samiɛl 24:2

Zoab b'ɔ ti sonja su kpɛn'n wo famiɛn'n i wun lɛ, nan famiɛn'n ɔ'a se i kɛ: «Wlan-wlan Izraɛl nvle'n kwlaa nun. Bo i bo Dan lele fa ju Beɛr-Seba. Yɛ amun `ka sran mun man n si bé nuan.»

2 Samiɛl 3:10

Anannganman kannin kɛ Sail i osufuɛ'm be bia su tranlɛ'n ɔ ´wie nan David ´sie Izraɛl nin Zida kɛ ɔ fɛ i Dan b'ɔ ju Beɛr-Seba'n.»

1 Famiɛn Mun 5:5

Salomɔn blɛ su'n kɛ ɔ fɛ i Dan b'ɔ ´fa ju Beɛr-Seba'n, Izraɛl nvle wunmuan'n nun'n, Zidafuɛ mun nin Izraɛlfuɛ'm be kwlakwla be o be vinyi fie mun, ɔ nin be figie fie'm bé su sɛsɛsɛ, be klun ti-man be.

2 Famiɛn Mun 25:23

Sonja'm bé su kpɛn nga b'a fa-man bé wun b'a man-man Babilɔnifuɛ mun'n, be tili i kɛ Babilɔni famiɛn'n ɔ'a sie Gɛdalia kpɛn. Be nin be sonja'm be ɔli Gɛdalia wun lɔ Mizpa lɔ. Be nga be ɔli sɔ'n be dunman mun yɛ: Nɛtania i wa Ismaɛl, nin Kareak i wa Zosanan, nin Tanimɛt b'ɔ fin Nɛtofa'n i wa Sɛraza, yɛ Maakat bian'n i wa Zazania. Be kwlaa sɔ'n, be nin be sran mun yɛ be ɔli-ɔ.

1 Be Nyoliɛ 21:2

David seli Zoab nin nvle'n su kpɛnngbɛn'm be kɛ: «Amun `wɔ ko ka Izraɛlfuɛ mun kɛ ɔ fɛ i Beɛr-Seba b'ɔ fa ju Dan'n. Sɛ amun wie junman sɔ'n di'n, amun `wa kan nun ndɛ kle min, kpɛkuun n ´si sran'm bé nuan.»

Ɛsdras 3:1

Anglo nso su'n, Izraɛlfuɛ mun bɔ be o be klɔ'm be su'n, bé nuan yoli kun yɛ be yiali Zerizalɛm lɔ.

Neemi 11:27

Azar-Sial, nin Beɛr-Seba nin klɔ nga be o i asa'n su'n,

Neemi 8:1

Anglo nso'n i cɛn klikli'n su'n, be kwlaa be yiali anuan nga be flɛ i Nzue anuan'n i nyrun lɛ gbaun'n nun. Be seli Ɛsdras b'ɔ ti mmla klefuɛ'n kɛ ɔ fa mmla fluwa nga Anannganman man Moiz klɛ mannin Izraɛlfuɛ mun'n bla.

Zeremi 40:6

Zeremi ɔli Asikam i wa Gɛdalia sin Mizpa lɔ. Ɔ nin i be trannin Zidafuɛ nga be kali lɛ'n bé wun lɛ.

Kalɛ 32:1

Ribɛn osu'n nin Gad osu'n be nunfuɛ'm be lɛ nnɛn kpanngban kpa. Be wunnin kɛ Zaɛzɛr mɛn'n nin Galaad mɛn'n be ti nnɛn tawlɛ klanman.

Kalɛ 32:40

I sɔ ti yɛ Moiz fali lika sɔ'n mannin Makir i osu'n nunfuɛ'm be kɛ be tran nun nin-ɔn.

Zozie 15:38

Sian, Mizpe, Zɔkteɛl,

Zozie 17:1

Manase b'ɔ ti Zozɛf i wa kpɛnngbɛn'n i akpasua liɛ'm be kusu be nyannin be lika liɛ. Makir b'ɔ ti Manase i wa kpɛnngbɛn'n ɔ ti alɛ kunfuɛ dan, i si'n yɛlɛ Galaad, i mma liɛ'm be dun mmua nyannin be lika liɛ, yɛlɛ Galaad nin Bazan lika'n, ɔ o Zurdɛn i wia afiliɛ.

Zozie 18:26

Mizpe, Kɛfira, Moza,

Zozie 22:12

Kɛ Izraɛlfuɛ'm be tili i sɔ'n, be yiali Silo lɛ kɛ be nin wia afiliɛ lɔ akpasua liɛ'm be ´ko kun.

Zozie 22:9

Ribɛn akpasua'n, nin Gad akpasua'n, ɔ nin Manase akpasua bue'n be ɔli be nvle liɛ'n nun. Be kaleli Izraɛlfuɛ nga be o Silo lɔ'n, Kanaan mɛn'n nun lɔ. Be ɔli Galaad mɛn bɔ Anannganman man Moiz mannin be'n nun lɔ.

Zozie 4:13

Sonja akpi-akpi ablanan (40.000) be tanndannin, be alɛ ninnge'n wo be sa nun sɛsɛsɛ, be sinnin Anannganman i nyrun lɛ, nan b'a fa Zeriko lɔ lika kpɛtɛkplɛɛ i ndɛnman.

Jɔlɛ Difuɛ Mun 10:17

Amɔnfuɛ'm be yiali, be ko kpɛli be ngblaliɛ'n Galaad nvle'n nun. Izraɛlfuɛ'm be kusu be yiali nan b'a kpɛ be ngblaliɛ Mizpa lɔ.

Jɔlɛ Difuɛ Mun 11:11

Yɛ Zɛfte nin Galaad kpɛnngbɛn'm be ɔli-ɔ. Izraɛlfuɛ'm be fɛ i sieli kpɛn. I kunngba'n ɔ ti sonja'm be su kpɛn. Ndɛ kunngba nga be kɛnnin i lɔ'n, Zɛfte ko kɛnnin i Anannganman nyrun Mizpa lɔ.

Jɔlɛ Difuɛ Mun 11:34

Zɛfte ɔ ´sɛ i sin ´bɛ i awlo Mizpa lɔ'n, ɔ ´nian-an, i wa bla'n ɔ'a fite ɔ'a bɛ i atin kpalɛ. Ɔ ´ba'n, wuun ɔ ´bo klɛn ´si able. Zɛfte i wa ng'ɔ lɛ i yɛ ɔ o lɛ-ɔ. Zɛfte lɛ-man ba yasua fi, ɔ lɛ-man ba bla uflɛ fi.

Jɔlɛ Difuɛ Mun 18:29

Dan akpasua'n su sran'm be kplannin klɔ'n i uflɛ, kpɛkuun be tɔnnin i dunman kɛ Dan. Be fa tɔnnin be nannan Dan b'ɔ ti Zakɔb i wa'n, sanngɛ laa klɔ sɔ'n i dunman yɛlɛ Lais.

Jɔlɛ Difuɛ Mun 20:11

Izraɛlfuɛ'm be kwlaa bé nuan yoli kun be kan boli nun kɛ be nin klɔ'n su fuɛ'm be ´kun.

Jɔlɛ Difuɛ Mun 20:18

Be jasoli, be ɔli Betɛl yɛ be usali Nyanmiɛn sa, be waan: «?E nun onin yɛ ɔ ´dun mmua nin Bɛnzamɛnfuɛ'm be ´ko kun-ɔn?» Anannganman waan: «Man Zida akpasua'n yɛ ɔ dun mmua-a.»

Jɔlɛ Difuɛ Mun 20:2

Be kpɛnngbɛn'm be ngba be nin akpasua'm be kwlaa be su sran'm be bali Nyanmiɛn i nvle'n i anyia sɔ'n i bo. Be kwlaa sɔ'm be ti sran akpi-akpi ya nnan (400.000). Be tra tokofi nun-ɔn, ɔ yo ye.

Jɔlɛ Difuɛ Mun 20:26

Kɛ ɔ yoli sɔ'n, Izraɛlfuɛ'm be kwlakwla be ɔli Betɛl nan b'a sun. Be cili nglɛmun, be trannin Anannganman nyrun lɛ lele nnɔsua. Be yili tɛ nga be yra be nnɛn'n kɔlikɔli'n, ɔ nin bo kun yolɛ i su tɛ mun be mannin Anannganman.

Jɔlɛ Difuɛ Mun 20:8

Nzrafuɛ'm be kwlakwla be jasoli likawlɛ nan b'a se kɛ: «E kwlaa nga y'a yia yɛ'n, sran fi su sɛ-mɛn i sin i tranwlɛ.

Jɔlɛ Difuɛ Mun 21:5

Kpɛkuun be usali kɛ: «?Yialɛ nga y'a yia yɛ'n, Izraɛlfuɛ wie'm b'a yia-man wie?» Afin be tali nda kɛ sran kwlaa bɔ be ´ko yia Mizpa lɔ bɔ ɔ'a ɔ-man wie'n, be ´kun i.

1 Samiɛl 10:17

Samiɛl yiali Izraɛlfuɛ mun Mizpa lɔ Anannganman sua'n nun lɔ.

1 Samiɛl 3:20

Izraɛl mɛn wunmuan nun'n, kɛ ɔ fɛ i Dan lele b'ɔ fa ju Beɛr-Seba'n, sran'm be kwlakwla be si kɛ Samiɛl ti Anannganman i nuan ijɔfuɛ kpa kun b'ɔ di nanwlɛ.