Jɔlɛ Difuɛ Mun 2:3 - NYANMIƐN NDƐ'N 1998

³ I sɔ'n ti, n ´kan kle amun kɛ, n su fuan-man nvle sɔ'n nun sran mun amun nyrun. Be nin amun ´tran. Be amuɛn'm be wa yo kɛ aya yɛ b'a suɛ i amun bo sa.»

Jɔlɛ Difuɛ Mun 2:3 ပူးပေါင်းရင်းမြစ်များ

Jue Mun 106:36

Be amuɛn nga be sɔ be'n, be ko sɔli wie. I sɔ amuɛn liɛ'm be kacili kɛ aya sa mannin be.

Ezipt Lɔ Tulɛ'n 23:33

Nán amun kplin be su kɛ be tran amun mɛn'n nun kɛ ɔ ´yo nan b'a laka-man amun nan amu'an fɔn-man mín wun'n ti. Afin sɛ amun su be amuɛn mun'n, wuun amu'an tɔ amuɛn sɔlɛ aya'n nun.»

Ezipt Lɔ Tulɛ'n 34:12

Nán amun nin mɛn nga amun wa wlu nun lɔ lɛ'n i nunfuɛ mun be tra aenguɛ, kɛ ɔ ´yo nan b'a kaci-man kɛ aya sa, nan amu'an tɔ-man nun'n ti.

Kalɛ 33:55

Sɛ kusu amu'an kan-man mɛn'n i nun sran nga be o amun nyrun'n bé bo'n nan amun yaci be lɛ'n, be ´kaci kɛ owie sa, be ´wɔ amun nyinma su, annzɛ be ´kaci kɛ kpɛngbɛ piembie sa, be ´wɔ amun nvɛn mma'n. Be ´kaci amun kpɔfuɛ mɛn nga amun wa tran nun'n i nun.

Mmla'n 7:16

Amun `nunnun nvle nga Anannganman amun Nyanmiɛn'n fa be man amun'n be kwlakwla. Nán amun si be aunnvuɛ. Nán amun sɔ be amuɛn'm be wie. Sɛ amun yo sɔ-ɔ, amuɛn sɔlɛ ɔ ´tra amun kɛ aya sa.

Zozie 23:13

i liɛ'n, amun `si jrɛiin kɛ Anannganman b'ɔ ti amun Nyanmiɛn'n, ɔ ´yaci be fuanlɛ amun nyrun, kpɛkuun be wa yo kɛ aya wie annzɛ tɛ wie sa be ´tra amun. Be wa kle amun yalɛ kɛ ngble yɛ be su fa bo amún wia sin sa, wie kusu-ɔ, kɛ owie b'ɔ su wɔ amun nyinma'm bé su sa lele san amun ´wu mɛn klanman sɔ'n bɔ Anannganman b'ɔ ti amun Nyanmiɛn mannin amun'n i nun.

Jɔlɛ Difuɛ Mun 2:21

i ti n kpa'n, n fuan-man nvle nga Zozie ´wu'n ɔ yacili be lɛ'n be wie fi.

Jɔlɛ Difuɛ Mun 2:4

Anannganman i anz'n kannin ndɛ sɔ mun kleli Izraɛlfuɛ'm be kwlakwla. Kɛ be tili'n, yɛ woo be tɔli sunlɛ su-ɔ.

Jɔlɛ Difuɛ Mun 3:6

Be jali nvle sɔ'm be nun bla mun, be fali be mma mmla'm be mannin be kɛ be ja be, kpɛkuun be sɔli be amuɛn mun .

Jɔlɛ Difuɛ Mun 8:27

Zedeɔn fali sika ɔkwlɛ'n fa yoli sika ɔkwlɛ sran. Ɔ fa sieli i klɔ lɔ, be flɛ i klɔ'n kɛ Ofra. Yɛ Izraɛlfuɛ'm be kwlaa be ko koto i bo be sɔ i-ɔ. Ɔ yoli kɛ Zedeɔn nin i awlofuɛ'm be bɔbɔ bé wun aya sa.