Jɔlɛ Difuɛ Mun 2:18 - NYANMIƐN NDƐ'N 1998

¹⁸ Kɛ Anannganman man be jɔlɛ difuɛ kun ɔ ukɛ i, blɛ nga jɔlɛ difuɛ i nyin tɛ o su'n, Anannganman de be be kpɔfuɛ'm be sa nun. Afin kɛ be ´kle be yalɛ bɔ be ´mianmian be'n, be sun flɛ Anannganman. I kusu ɔ si be aunnvuɛ,

Jɔlɛ Difuɛ Mun 2:18 ပူးပေါင်းရင်းမြစ်များ

Bo Bolɛ 6:6

Ɔ yoli Anannganman i ya dan, i sran yilɛ b'ɔ yili'n, ɔ yoli i nsisɔ.

2 Famiɛn Mun 13:4

Zɔakaz kpatali Anannganman. Anannganman tieli i srɛlɛ'n, afin ɔ wunnin yalɛ nga Siri famiɛn'n kleli Izraɛlfuɛ mun'n.

Jue Mun 12:5

Man ɔ nunnun be bɔ be se kɛ: «E si nga e ko kan nan y'a nyan kwlalɛ'n. E nuan waka'n wo lɛ. ?Wan cɛ yɛ ɔ kwla sie ye-ɔ?»

Jue Mun 90:13

?Anannganman, nan kɛ a ´fa é wun ya sa tititi? Kpɛ ɔ́ nyin é su, e ti ɔ sufuɛ, si ye aunnvuɛ.

Ezipt Lɔ Tulɛ'n 2:24

Nyanmiɛn kusu tili be sun flɛlɛ nga be sun flɛli i'n. Kɛ ɔ tili i sɔ'n, ɔ man i wla kpɛnnin aenguɛ ng'ɔ nin Abraam, nin Izaak, nin Zakɔb be trali'n su.

Ezipt Lɔ Tulɛ'n 3:12

Nyanmiɛn tɛli i su kɛ: «N jin ɔ́ sin, yɛ nian, nzɔliɛ b'ɔ kle kɛ min yɛ n sunman wɔ'n yɛ. Kɛ a ko fa Izraɛlfuɛ mun ko fite'n, amun wa su min oka nga su.»

Ezipt Lɔ Tulɛ'n 32:14

Kɛ ɔ yoli sɔ'n, Anannganman yacili nyrɛnnɛn ng'ɔ guguli kɛ ɔ ´fa yi i nvle'n su'n i ndɛ nun.

Ndɛ Nga Nyanmiɛn I Nuan Ijɔfuɛ Oze Kannin'n 11:8

?Efraimfuɛ mun, n `yo amun sɛ? Izraɛlfuɛ mun, n yi amun m man sran mun-ɔn ɔ yo-man ye, n yo amun kɛ Adma sa-a, ɔ yo-man ye, n yo amun kɛ Zɛbɔim sa kusu-ɔ ɔ yo-man ye. Min akunndan'n ɔ'a sanngan, n wun-man mín wun yowlɛ kunngba.

Zonas 3:10

Anannganman wunnin kɛ be su nanti sɔ. Ɔ ´nian-an, be su kaci be nzuɛn tɛ'n. Yɛ i kusu kacili aniɛn-ɔn. Ɔ man ɔ'a yo-man ng'ɔ guguli kɛ ɔ ´yo'n kun.

Kalɛ 10:9

Blɛ bɔ amun o amun mɛn'n nun bɔ amun kpɔfuɛ'm be ´fa alɛ wla amun sin'n bɔ amun nin be ´ko kun'n, amun `bo sro yɛ amun `bo awɛ'n, i liɛ'n min bɔ n ti Anannganman amun Nyanmiɛn'n, mín wla ´kpɛn amún su, kpɛkuun n ´de amun amun kpɔfuɛ'm bé sa nun.

Mmla'n 32:36

Anannganman wa jrɛn i nvle'n i sin. Ɔ wa si i sran'm be aunnvuɛ. Afin ɔ wun i kɛ be lɛ-man fanngan kun, yɛ be lɛ-man sran b'ɔ ´jran be sin-ɔn.

Zozie 1:5

Sran fi su kwla jran-man ɔ nyrun lele san ɔ́ wie. N wa jran ɔ́ sin kɛ n jrannin Moiz i sin'n sa. N su kpɔci-man wɔ le. N ´jran ɔ́ sin titi.

Jɔlɛ Difuɛ Mun 10:16

Be guali nvle uflɛ'm be amuɛn ng'ɔ o be sa nun'n be blo, kpɛkuun be suli Anannganman. Kɛ Anannganman wunnin i sɔ'n, ɔ yaci be nyrɛnnɛn nun-ɔn, ɔ yo-man ye.

Jɔlɛ Difuɛ Mun 11:32

Zɛfte ɔli Amɔnfuɛ'm be mɛn'n nun lɛ ɔ nin be ko kunnin alɛ, kpɛkuun Anannganman yili be mɛnnin i.

Jɔlɛ Difuɛ Mun 2:19

sanngɛ kɛ jɔlɛ difuɛ'n ko wu cɛ'n, kpɛkuun be nantilɛ nga be wa nanti'n i tɛ tra bé nannan'm be liɛ'n bɔbɔ. Be fa bé wun fa cici amuɛn mun, be sɔ be, yɛ be koto bé bo. Bé nannan'm bé nyin kekle'n i su cɛ yɛ be nian-an.

Jɔlɛ Difuɛ Mun 3:9

Yɛ be kpan flɛli Anannganman nan ɔ'a man be jɔlɛ difuɛ kun. Be flɛ i kɛ Ɔtniɛl. Kalɛb i sinma yasua Kɛnaz i wa-a.

Jɔlɛ Difuɛ Mun 6:12

kpɛkuun Anannganman i anz'n fiteli i nyrun lɛ, ɔ seli i kɛ: «Safunyrɛn, Anannganman nin wɔ be o nun.»

Jɔlɛ Difuɛ Mun 6:16

Anannganman seli i kɛ: «Ɔ nin i sɔ ngba'n, n wa jran ɔ́ sin, a wa kwla Madianfuɛ mun kɛ sran kunngba yɛ a nin i be su kun sa.»