Jɔlɛ Difuɛ Mun 2:17 - NYANMIƐN NDƐ'N 1998

¹⁷ Sanngɛ kɛ be jɔlɛ difuɛ sɔ'm be kan ndɛ kle be'n, nán tilɛ yɛ be ko ti i kɛ ɔ fata'n sa-a. Be sin ko tu amuɛn nga, be sin ko tu amuɛn nga, be koto bé bo. Be kaci bé sin sili atin nga bé nannan'm be fali su'n. Bé nannan'm be nantili Anannganman i mmla'm bé su, sanngɛ b'a nian-man bé si'm be liɛ'n su.

Jɔlɛ Difuɛ Mun 2:17 ပူးပေါင်းရင်းမြစ်များ

Jue Mun 106:39

Be fali sa sɔ'n be yoli bé wun fiɛn. Sɛ e ´kwla se'n, be boli tekle.

Jue Mun 106:43

Kpalɛ sunman ɔ deli be, sanngɛ nyin kekle'n yɛ be yoli i su-ɔ. Be yoli sa tɛ'n be ɔli be nyrun titi.

Jue Mun 73:27

Be nga be jaso ɔ wun lɛ be kɔ mmua'n, san be ´tɔ. Yɛ be nga be kaci be sin si wɔ'n, a yi be sran nun mlɔnmlɔnmlɔn.

Ezipt Lɔ Tulɛ'n 32:8

B'a yaci atin nga n kleli be'n lɛ lalaa, b'a klo sika ɔkwlɛ b'a yo nannin ba kun, b'a koto i bo, b'a yi sraka mun b'a mɛn i, kpɛkuun be seli kɛ: ‹Izraɛlfuɛ mun, amun like ng'ɔ fa amun Ezipt lɔ bali'n yɛ.› »

Zeremi 3:6

Famiɛn Zozias i blɛ su'n, Anannganman'n seli min kɛ: «?A wun sa nga Izraɛl b'ɔ ti kɛ bian safuɛ'n sa'n, ɔ yo'n? Ɔ lɛ-man oka kun ng'ɔ fu-man su-ɔ, ɔ lɛ-man waka b'ɔ lɛ nnya b'ɔ kɔ-mɛn i bo ko bo-man tekle-ɔ .

Zeremi 6:16

Anannganman'n wan yoo: «An `jran atin'm be su nian. Ajalɛ nga amu'an fɛ i lɛ'n, an `jran kan nan amun nian. An `usa be bɔ be fali laa atin mun'n. An `kunndɛ atin kpa'n an `fa su nan amu'an di alaje .» Sanngɛ be waan: «Cɛcɛ, e kpli-man su.»

Ndɛ Nga Nyanmiɛn I Nuan Ijɔfuɛ Oze Kannin'n 2:2

Zidafuɛ'm be nin Izraɛlfuɛ'm be wa yo nvle kunngba kɛ laa'n sa. Kpɛkuun bé bo ´yo kun be ´fa be nun sran kunngba kɛ i yɛ ɔ `sie be-ɔ. Yɛ be ´tu be bo mɛn'n nun, afin Zizreɛl i cɛn'n ɔ ´yo cɛn dan kpa .

Saun Yolɛ 17:7

I sɔ mmla liɛ'n, ɔ man tɛ nga be yi man amuɛn nga be yo be kɛ boli kpakpuɛ sa'n, b'ɔ man Izraɛlfuɛ'm be su min kun nin bue'n, be su yi-mɛn i kun. Mmla ng'ɔ ti bɔ Izraɛlfuɛ mun ɔ nin be osu nunfuɛ'm be `fa su tititi'n, yɛ ɔ o lɛ-ɔ.

Amɔs 2:4

Anannganman'n wan yoo: «Zidafuɛ'm bé sa tɛtɛ nga b'a yo'n sɔnnin. Mmla nga n fa mannin be'n, be yoli i finfin. B'a fa-man mín nuan su ndɛ'm be su. Be yacili atin kpa'n be fali uflɛ, i ti be mlinnin. Gblɛ ninnge kɛ amuɛn'm be sa'n, bɔ be nannan'm be yoli'n be su yɛ be su-ɔ. Ɔ man e nin be y'a nyɛn i.

Galasifuɛ Mun 1:6

Kɛ e ´se yɛ'n, amu'an kaci amún sin a si Nyanmiɛn b'ɔ flɛli amun'n ye bɔ Krist yoli amun'n ti'n yɛ amu'an fa jasin uflɛ su-ɔ. I sɔ'n ɔ bo min nuan kpa.

Mmla'n 31:16

Anannganman seli Moiz kɛ: «Nian a su wa wu. Kɛ a ko wu'n, Izraɛlfuɛ'm be ´ko tu lika nga be wa ko tran nun lɛ'n i nun lɔ amuɛn mun, be sɔ be. Be ´kaci be sin si min. Be ´saci aenguɛ nga e nin be e trali'n.

Mmla'n 31:18

Sa tɛ kwlaa nga be yoli'n, bɔ man be yacili min lɛ be fali ninnge wie mun'n ti'n, n ´kaci mín sin n ´si be mlɔnmlɔnmlɔn.

Mmla'n 9:12

Ɔ seli min kɛ: «Jaso, kan ɔ́ wun jra, afin ɔ sran nga a fa be Ezipt lɔ bali'n, b'a yo sa tɛ dan. B'a yaci atin nga n kleli be'n lɛ lalaa, b'a klo sika ɔkwlɛ b'a yo amuɛn.»

Mmla'n 9:16

N wunnin kɛ amu'an fɔn Anannganman amun Nyanmiɛn'n i wun sakpa. Afin amun kloli sika ɔkwlɛ amun fa yoli amuɛn, i wafa'n ti kɛ nannin ba sa. Atin nga Anannganman kleli amun'n, amun yacili i lɛ ndɛndɛ kpa, amu'an fa-man su.

Zozie 24:24

Be tɛli i su kɛ: «E ´su Anannganman e Nyanmiɛn'n. E ´fɛ i ndɛ'm be su.»

Zozie 24:31

Izraɛlfuɛ'm be suli Anannganman Zozie nyin su, ɔ nin kpɛnngbɛn nga be sili Zozie bɔ be wunnin sa nga Anannganman yo mannin Izraɛlfuɛ mun'n be nyin su.

Jɔlɛ Difuɛ Mun 2:7

Zozie ɔ nin kpɛnngbɛn nga be wunnin sa dandan nga Anannganman yoli mannin Izraɛlfuɛ mun bé nyin su'n, be suli Anannganman.

Jɔlɛ Difuɛ Mun 8:33

Kɛ Zedeɔn wuli'n, Izraɛlfuɛ'm be sali bé sin be ko sɔli Baal. Be takali Baal-Bɛrit, ɔ yoli be amuɛn yɛ be sɔ-ɔ.

1 Samiɛl 12:12

Sanngɛ kɛ amun wunnin kɛ Nasas b'ɔ ti Amɔnfuɛ'm be famiɛn'n ɔ nin amun bali alɛ kunlɛ'n, kpɛkuun amun waan: ‹Man e famiɛn kun man ɔ sie ye.› Kusu wuun Anannganman bɔbɔ ti amun famiɛn.

1 Samiɛl 12:17

?Kɛ e o yɛ, e nun-man ble kpɛlɛ blɛ bɔ nzue tɔ-man'n i nun? Sanngɛ n wa kpan flɛ Anannganman. Nzue'n wa bo nun. Ɔ wa tɔ nan amu'an wun kɛ famiɛn nga bɔ amun usali'n ɔ ti sa tɛ dan kpa kun yɛ amun yoli Anannganman-an.»

1 Samiɛl 12:19

Be kwlakwla be seli Samiɛl kɛ: «Nannan, srɛ Anannganman ɔ Nyanmiɛn'n man ye nan y'a wu-man, afin y'a fa famiɛn kunndɛlɛ'n y'a uka é tɛ beblebe'm bé su.»