Jɔlɛ Difuɛ Mun 2:16 - NYANMIƐN NDƐ'N 1998

¹⁶ Anannganman wa mannin be jɔlɛ difuɛ mun. Be yɛ be wa deli be nvle nga be fɛn be bo ninnge'n bé sa nun-ɔn.

Jɔlɛ Difuɛ Mun 2:16 ပူးပေါင်းရင်းမြစ်များ

2 Samiɛl 7:11

kɛ klikli nun bɔ n waan jɔlɛ difuɛ'm be `sie min nvle sɔ'n sa. N yoli man w'a de wunmiɛn ɔ kpɔfuɛ'm bé sa nun. I sin kusu, min Anannganman, n ´kan kle wɔ kɛ n ´yo man a ´nyan sran ɔ osu'n nun.

Neemi 9:27

Yɛ ɔ kusu a fali be wlali be kpɔfuɛ'm bé sa nun. Be kleli be yalɛ. Kɛ be ´wun be nyrun'n, be kpan flɛli wɔ. Ɔ kusu a o nyanmiɛn su lɔ a tili. A mannin be defuɛ mun, be deli be be kpɔfuɛ'm bé sa nun.

Sa nga bé yôli'n 13:20

afuɛ b'ɔ ju bɔ ya-nnan-ablenun kun. I sin ɔ mannin be jɔlɛ difuɛ mun lele fa juli Nyanmiɛn nuan ijɔfuɛ Samiɛl blɛ su.

Jɔlɛ Difuɛ Mun 10:1

Kɛ Abimelɛk wuli'n, sran ng'ɔ wa jasoli su kɛ ɔ ´de Izraɛl nvle'n yɛlɛ Tola, Dɔdo i wa Ipa i klun ba liɛ'n. Ɔ ti Isakar akpasua'n su sran. Ɔ tran Samir b'ɔ o Efraim oka-oka lika'n nun lɔ'n nun.

Jɔlɛ Difuɛ Mun 11:32

Zɛfte ɔli Amɔnfuɛ'm be mɛn'n nun lɛ ɔ nin be ko kunnin alɛ, kpɛkuun Anannganman yili be mɛnnin i.

Jɔlɛ Difuɛ Mun 3:15

Yɛ Izraɛlfuɛ'm be kpan flɛli Anannganman ekun nan ɔ'a man bé defuɛ kun b'ɔ yɛlɛ Gera i wa Eid. I si Gera ti Bɛnzamɛn akpasua'n su sran. Eid di bɛ. Izraɛlfuɛ'm be sunmannin Eid kɛ ɔ fa like kun ko cɛ Eglɔn b'ɔ ti Moab famiɛn'n.

Jɔlɛ Difuɛ Mun 3:31

I sin Anat i wa Samgar yɛ ɔ wa jasoli su-ɔ. Ɔ fali nannin kankanlɛ waka kun kunnin Filistifuɛ'm be nun sran ya nsiɛn. I kusu deli Izraɛlfuɛ'm be wie.

Jɔlɛ Difuɛ Mun 4:5

Ɔ tran mme kun b'ɔ o Efraim oka'n su'n i bo yɛ ɔ kan ndɛ nin-ɔn. Be tɔnnin mme sɔ'n i dunman kɛ Debora i mme. Ɔ o Rama nin Betɛl be afiɛn. Izraɛlfuɛ'm be kɔ i ja su yɛ ɔ di be jɔlɛ mun-ɔn.

Jɔlɛ Difuɛ Mun 6:14

Anannganman niannin i siin, kpɛkuun ɔ seli i kɛ: «Fanngan ng'ɔ o ɔ nun lɛ'n, fa kɔ, ko de Izraɛl nvle'n Madianfuɛ'm bé sa nun. M bɔbɔ min yɛ n sunman wɔ-ɔ.»

Rit I Wun Ndɛ 1:1

Laa jɔlɛ difuɛ'm be blɛ su'n, awe kun kpɛnnin Izraɛl mɛn'n nun. Bɛtleɛm klɔ'n b'ɔ o Zida mɛn'n nun'n lɔ, bian kun nin i yi nin i wa yasua nnyɔn mun be tuli ko trannin Moab mɛn'n nun lɔ.

1 Samiɛl 12:11

Yɛ Anannganman sunmannin Zedeɔn, nin Bɛdan, nin Zɛfte, ɔ nin m bɔbɔ Samiɛl kɛ e de amun, kpɔfuɛ nga be sin yia amun'n bé sa nun. Amun trannin fɔuun!

1 Samiɛl 14:48

Le kun nga be wunnin i yakpa nun dan'n yɛlɛ cɛn ng'ɔ kwlali Amalɛkfuɛ mun'n. Ɔ deli Izraɛlfuɛ mun bé bo ninnge fɛnfuɛ'm bé sa nun.