Jɔlɛ Difuɛ Mun 2:15 - NYANMIƐN NDƐ'N 1998

¹⁵ Alɛ kwlaa nga be kunnin'n, Anannganman ɔ'a jran-man bé sin kɛ Anannganman bɔbɔ dun mmua kan kleli be'n sa. Ɔ'a jran-man be sin kɛ ɔ tali nda kleli be'n sa. I sɔ'n ti awlaboɛ dan kpa tɔli be su .

Jɔlɛ Difuɛ Mun 2:15 ပူးပေါင်းရင်းမြစ်များ

2 Be Nyoliɛ 12:1

Kɛ Rɔbɔam i sielɛ'n takali'n, bɔ i bɔbɔ Rɔbɔam i kwlalɛ'n yoli dan'n, ɔ yacili Anannganman i mmla'm be su falɛ, kpɛkuun Izraɛlfuɛ'm be kwlaa be niɛnnin i liɛ'n su.

Zeremi 18:8

Sanngɛ sɛ nvle nga n kɛnnin i ndɛ sɔ'n i nunfuɛ'm be yaci sa tɛ yolɛ'n, n kaci aniɛn'n, sa nga min waan n ´fa yo be'n, n fa fli be.

Zeremi 21:10

Anannganman wan yoo: «N wa kpɛ mín nyin klɔ nga wun wa, nɛ́n i kpa yolɛ ti-ɔ, sanngɛ i nyrɛnnɛn klelɛ ti-ɔ. Be ´fa man Babilɔni famiɛn'n, ɔ ´wɔ nun.»

Zeremi 44:11

Anannganman b'ɔ sie mɛn wunmuan'n, Izraɛl Nyanmiɛn'n wan yoo: «I sɔ'n ti, n wa tu mín nyin n ´wɔ amun m ´mlin amun, n ´nunnun Zida nvle wunmuan'n.

Zeremi 44:27

N su yo-man amun kpa mlɔnmlɔn, nyrɛnnɛn yɛ n ´fa yi amun su-ɔ. Amun Zidafuɛ nga amun wo Ezipt wa yɛ'n, wie'n ´kun amun kwlaa kpan! Sɛ nán alɛ'n yɛ ɔ di amun'n, awe'n yɛ ɔ ´kun amun-ɔn.

Mise 2:3

I ti man Anannganman wan yoo: «Sran tɛtɛ kɛ amun sa'n, m'an dun mmua m'an bu amún nyrɛnnɛn klelɛ'n i akunndan m'an sie, an su fin-man nun be fite-man. Siɛn'n, sɛ amun ´nanti-ɔ, amun su kwla-man amún ti'n su man kun, afin i sɔ blɛ liɛ'n ´yo nyrɛnnɛn blɛ.»

2 Korɛntfuɛ Mun 4:8

E wun nyrɛnnɛn wafa-wafa'n kwlaa, sanngɛ e nyan é ti, e akunndan sanngan, sanngɛ é wla bo-man,

Mmla'n 18:20

Sran nga kusu b'ɔ di wlɛwlɛ ɔ fa min dunman'n fa kan ndɛ nga m'an se-mɛn i kɛ ɔ kan'n, annzɛ b'ɔ kan ndɛ amuɛn wie dunman nun'n, i sɔfuɛ'n be ´kun i.»

Jɔlɛ Difuɛ Mun 10:9

Amɔnfuɛ'm be kpɛli Zurdɛn'n kɛ be nin Zida, nin Bɛnzamɛn, ɔ nin Efraim be akpasua su sran'm be ´ko kun. Izraɛlfuɛ'm be akunndan sanngannin kpa.

Rit I Wun Ndɛ 1:13

?Amun ´kwla tran lɛ ´minndɛ be, be ´nyin nan b'a ja amun? ?I sɔ blɛ liɛ nun'n, amun su ja-man bian uflɛ mlɔnmlɔn? Cɛcɛ, min mma mun! Nán ɔ yo sɔ. Nyrɛnnɛn nga Anannganman kleli min'n ti m bu amún wun akunndan-an, ɔ yia-man mín sa nun.»

1 Samiɛl 12:15

Sanngɛ sɛ amu'an tie-man Anannganman i aniɛn, sɛ amun yi i nuan ndɛ'n blo'n, ɔ ´kle amun nyrɛnnɛn kɛ ɔ fa kleli amun nannan'm be yalɛ'n sa.

1 Samiɛl 13:6

Izraɛlfuɛ'm be ´nian-an, Filistifuɛ mun b'a mantan be koko kpa, kɛ be wun-man bé wun fɛ'n, be ko fiali yɛbuɛ buɛ'm be nun, wie'm be ko fiali susrɛ'm be nun, nin yɛbuɛ dandan'm be afiɛn, nin lika nga be sisili bé wun'n be nun, ɔ nin nzue gbo'm be nun lɔ.

1 Samiɛl 14:24

Le kun sɔ nun'n, kɛ Izraɛlfuɛ'm be ko fɛ'n yɛ be fɛli-ɔ. Afin Sail tali nda ɔ seli kɛ: «Sran ng'ɔ di like kwlaa nan aliɛ'n ɔ'a san'n, sran ng'ɔ di like kwlaa nan m'an tu min klunngbɔ min kpɔfuɛ'm bé su'n, man nyrɛnnɛn tɔ i su.» I sɔ'n ti, man sran fi nuan ɔ'a kan-man like.

1 Samiɛl 30:6

David i wla ɔ boli i wun dan, afin sran'm be su kan kɛ be ´kun i yɛbuɛ nun. Afin sran'm be kwlakwla be fali ya be mma yasua nin be mma bla mun be liɛ'n ti, sanngɛ kɛ David fɛ i wla guɛli Anannganman i Nyanmiɛn'n su'n ti'n, Anannganman kusu wlɛli i fanngan.