Jɔlɛ Difuɛ Mun 2:13 - NYANMIƐN NDƐ'N 1998

¹³ Be yacili Anannganman lɛ be sɔli amuɛn nga be flɛ be kɛ Baal nin Astarte mun.

Jɔlɛ Difuɛ Mun 2:13 ပူးပေါင်းရင်းမြစ်များ

1 Famiɛn Mun 11:33

Sa ti bɔ n ´yo sɔ'n, yɛlɛ kɛ be kacili be sin sili min, be ko sɔli Astarte b'ɔ ti Sidɔnfuɛ'm be amuɛn'n, ɔ nin Kɛmɔs b'ɔ ti Moabfuɛ'm be amuɛn'n, ɔ nin Milkɔm b'ɔ ti Amɔnfuɛ'm be amuɛn'n. B'a fa-man min atin'n su b'a yo-man nga n klo i'n. B'a fa-man min mmla fanunfanun'm bé su kɛ Salomɔn i si David liɛ'n sa,

1 Famiɛn Mun 11:5

Salomɔn ko sɔli Sidɔnfuɛ'm be amuɛn bɔ be flɛ i Astarte'n, ɔ nin Amɔnfuɛ'm be amuɛn nga be flɛ i Milkɔm'n. Amɔnfuɛ'm be amuɛn sɔ'n ti tete like dan .

2 Famiɛn Mun 23:13

Sraka yiwlɛ lika'n bɔ be o Zerizalɛm ndɛnman'n, bɔ Salomɔn b'ɔ ti Izraɛl famiɛn'n kplannin be Olivie Oka'n su'n, Zozias sacili be. Salomɔn kplannin amuɛn sua sɔ mun mannin Astarte b'ɔ ti Sidɔnfuɛ'm be amuɛn'n, ɔ nin Kɛmɔs b'ɔ ti Moabfuɛ'm be amuɛn'n, ɔ nin Milkɔm b'ɔ ti Amɔnfuɛ'm be amuɛn'n. Amuɛn sɔ'm be kwlaa be ti tete like ngunmin.

2 Be Nyoliɛ 12:2

Kɛ Rɔbɔam yoli famiɛn'n, i afuɛ nnun su'n, Sisak b'ɔ ti Ezipt famiɛn'n nin i sran mun be ko fali alɛ wlali Zerizalɛmfuɛ'm bé sin. Lɛfuɛ'm bɔ be fɔnnin Anannganman wun'n, i su afɛ'n yɛ ɔ o lɛ-ɔ.

2 Be Nyoliɛ 28:3

Ɔ yrali ansans fa yili sraka Inɔm i mma'm be kongo'n nun lɔ. Ɔ yoli nvle nga Anannganman fuannin be Izraɛlfuɛ'm be nyrun'n be tete ninnge'm be wie. Ɔ fɛli i mma mun yili tɛ. Be yrali be.

2 Be Nyoliɛ 33:3

Sraka yiwlɛ lika nga be o kpɔlɛ'm be su'n bɔ i si Ezekias nunnunnin be'n, ɔ wa yoli be uflɛ. Ɔ kplannin Baal i sɔwlɛ mun, ɔ nin waka bɔ be sɔ be'n mun. Ɔ kotoli nglo lɔ ninnge'm bé bo, ɔ suli be.

2 Be Nyoliɛ 7:22

Yɛ be ´tɛ bé su kɛ: ‹Anannganman b'ɔ ti bé si'm bé Nyanmiɛn'n, b'ɔ ko fali be Ezipt mɛn'n nun lɔ bali'n, be kacili be sin sili i, be ko fali bé wun wlali amuɛn sɔlɛ nun, be kotoli amuɛn sɔ'm bé bo, be sɔli be. I sɔ'n ti yɛ man Anannganman fali nyrɛnnɛn nga kwlaa yili be su-ɔ.› »

Jue Mun 106:36

Be amuɛn nga be sɔ be'n, be ko sɔli wie. I sɔ amuɛn liɛ'm be kacili kɛ aya sa mannin be.

Zeremi 16:11

tɛ be su kɛ: ‹Anannganman'n waan: Amún si'm be yili min ase, be ko suli ninnge'm be su, be suli be, be kotoli be bo. Be yili min ase, b'a fa-man min mmla'n su.

Zeremi 2:20

«Izraɛl nvle, a jasoli min wun nán ndɛ-ɔ. A kpɛli nyanman nga n fa wlali ɔ kɔmin'n nun ɔ'a cɛ. Ɔ fiteli ɔ́ nuan kɛ yoo: ‹N su-man wɔ kun.› Siɛn'n, kpɔlɛ kanngan'm be kwlaa'm be su waka nga be lɛ nnya'm be kwlaa be bo yɛ a la a bo tekle nin-ɔn.

Kalɛ 25:3

Be nin be bé bo yoli kun be sɔli amuɛn nga be flɛ i Baal-Pɛɔr'n, ɔ man Anannganman fali bé wun ya dan kpa.

1 Korɛntfuɛ Mun 8:5

Kannzɛ be se kɛ asiɛ'n su wa nin nyanmiɛn su lɔ ninnge'm bɔ be sɔ be b'ɔ sie be'n be sɔnnin'n,

Jɔlɛ Difuɛ Mun 10:6

Izraɛlfuɛ'm be wa yoli like nga Anannganman klo-mɛn i ekun. Be sɔli amuɛn nga be flɛ be Baal nin Astarte mun. Be sɔli Sirifuɛ mun, nin Sidɔnfuɛ mun, nin Moabfuɛ mun, nin Amɔnfuɛ mun, ɔ nin Filistifuɛ'm be amuɛn mun ekun. Be kacili bé sin sili Anannganman, b'a su-mɛn i kun.

Jɔlɛ Difuɛ Mun 2:11

Izraɛlfuɛ'm be yoli sa nga Anannganman klo-mɛn i mlɔnmlɔn'n: be sɔli amuɛn nga be flɛ be kɛ Baal mun .

Jɔlɛ Difuɛ Mun 3:7

Izraɛlfuɛ'm be yoli like ng'ɔ kun Anannganman i ya'n. Bé wla fili Anannganman. Be ko sɔli amuɛn nga be flɛ be Baal nin waka nga be taka be bɔ be sɔ be'n.

1 Samiɛl 12:10

Be kpan flɛli Anannganman ekun, be waan: ‹Y'a yo tɛ. E yacili Anannganman lɛ e ko sɔli Baal nin Astarte mun. De ye e kpɔfuɛ'm bé sa nun nan e ´su wɔ.›

1 Samiɛl 31:10

I sin, be sieli ninnge sɔ mun amuɛn nga be flɛ i Astarte'n i sua'n nun. Kpɛkuun be fali Sail i fuɛn'n be boboli i talɛ ng'ɔ sisi Bɛt-Sean klɔ'n wun'n su.

1 Samiɛl 7:3

Yɛ Samiɛl seli be kɛ: «Sɛ amun klo kɛ amun ´sa amún sin amun ´su Anannganman sakpa'n, amun `gua amuɛn nga amun ko tuli be nvle wie be nun bɔ i wie yɛlɛ Astarte be blo. Amun `fa amún wun mantan Anannganman yɛ amun `su i kunngba, kpɛkuun ɔ wa de amun Filistifuɛ'm bé sa nun.»