Jɔlɛ Difuɛ Mun 2:1 - NYANMIƐN NDƐ'N 1998

¹ Anannganman i anz'n fɛli i Gilgal lɛ ɔ ɔli Bɔkim. Ɔ seli Izraɛlfuɛ'm be kɛ: «N fali amun Ezipt lɔ m bali, mɛn nga n kan kleli amún nannan mun kɛ n ´fa man amun'n nun. Yɛ n seli kɛ aenguɛ nga e nin amun trali'n, ɔ ´tran lɛ titi .

Jɔlɛ Difuɛ Mun 2:1 ပူးပေါင်းရင်းမြစ်များ

Bo Bolɛ 12:7

Kpɛkuun Anannganman fiteli Abram nyrun nan ɔ'a se i kɛ: «N ´fa mɛn nga m ´man ɔ osu'n.» Nan Abram ɔ'a kplan Nyanmiɛn sɔwlɛ kun ɔ'a man Anannganman kan ɔ fiteli i nyrun lɛ'n.

Bo Bolɛ 16:13

Agar waan: «?Nán wa yɛ n wunnin Nyanmiɛn b'ɔ wunnin min nin-ɔn?» I ti ɔ flɛli Anannganman b'ɔ nin i ijɔli'n kɛ: Ɛl-Rɔi «A suan Nyanmiɛn'n b'ɔ wun min'n.»

Bo Bolɛ 48:16

nan anz ng'ɔ deli min sa yalɛ'n kwlakwla nun'n ɔ `yo ba nga'm be ye. Man n dunman'n ka be su. Man min nannan Abraam nin mín si Izaak be dunman'n ka be su. Man be trɛ kpa mɛn'n nun.»

Jue Mun 89:3

Afin n kɛn i kɛ ɔ klun-ufue'n lɛ-man kpɛbo, yɛ ɔ nanwlɛ bɔ a di'n ɔ wie-man nyanmiɛn su lɔ.

Jue Mun 89:34

Sanngɛ nán kɛ n su yo-man be kpa kun ti-ɔ. N su kaci-man, like nga min waan n ´yo man be'n san n ´yo.

Ezipt Lɔ Tulɛ'n 14:14

Anannganman'n wa kun amún ti alɛ. I ti amun `gua bliin.»

Ezipt Lɔ Tulɛ'n 14:19

Nyanmiɛn i anz ng'ɔ dun mmua be nyrun laa'n, ɔ ko trannin bé sin lɔ. I kunngba'n, sin wɛnsrɛn ng'ɔ o be nyrun'n sinnin bé sin lɔ.

Ezipt Lɔ Tulɛ'n 20:2

«N ti Anannganman ɔ Nyanmiɛn, min yɛ man a tuli Ezipt lɔ blɛ bɔ a tɛ o kanga nun nin-ɔn.

Ezipt Lɔ Tulɛ'n 23:20

«N ´sunman min anz kun, ɔ ´dun mmua amun nyrun yɛ ɔ ´sasa amun atin'n nun. Ɔ ´fa amun trilili ´ju mɛn nga m'an siesie i lɔ m'an sie amun'n nun.

Ezipt Lɔ Tulɛ'n 33:14

Anannganman tɛli i su kɛ: «M bɔbɔ e nin wɔ e ´nanti yɛ n ´yo man a ´de wunmiɛn.»

Ezai 63:9

Ɔ deli be nyrɛnnɛn'n b'ɔ o bé su'n i nun. Be nyrɛnnɛn sɔ'n, ɔ kacili i bɔbɔ liɛ wie. I klolɛ'n nin i aunnvuɛ silɛ'n ti'n, i bɔbɔ ɔ kpɔli bé ti. Laa, ɔ niannin be lika, yɛ sɛ n ´kwlaa se'n, ɔ suali be i sa su cɛn'n kwlakwla.

Zeremi 14:21

Nian ɔ dunman'n ti nán yo ye finfin. Nán yo ɔ famiɛn bia klanman'n i wannzo. Nán ɔ́ wla fi aenguɛ nga a nin ye trali'n su, nán saci i.

Saun Yolɛ 26:42

Kɛ ɔ ko yo sɔ'n, kpɛkuun mín nyin wa kpɛn aenguɛ nga min nin amun nannan Zakɔb, nin Izaak, ɔ nin Abraam e trali'n su. Yɛ like nga n jrannin su kɛ n ´yo man amun mɛn'n, n wla ´kpɛn su ekun.

Saun Yolɛ 26:44

Sanngɛ kusu i blɛ nga be ´fa tran be kwlafuɛ'm be nvle liɛ nun lɔ'n, n su yi-man be ase mlɔnmlɔn, n su kaci-man mín sin n si-man be mlɔnmlɔn, n su nunnun be. Min aenguɛ bɔ e nin be ye tra'n, n su yi-mɛn i ase, afin min yɛ n ti Anannganman be Nyanmiɛn nin-ɔn .

Zakari 11:10

Yɛ n fali min kpɔnman nga be flɛ i Aenguɛ'n yɛ m buli nun-ɔn. I bo'n yɛlɛ kɛ aenguɛ nga e nin nvle'm be kwlaa e trali'n ɔ'a wie.

Malasi 3:1

Anannganman b'ɔ sie mɛn wunmuan'n waan: «Amun `nian, n su sunman mín ndolo bofuɛ'n, ɔ ´ba nan ɔ wa bo min nyrun atin'n. Sran nga bɔ amun sun be flɛ i'n, ɔ ´wlu i sua nun-ɔn ɔ ´fu amun nun. Aenguɛ nga e nin amun ye trali'n, mín nuan ijɔfuɛ'n yɛ ɔ wa kan kle amun-ɔn. Be ´nian-an, i yɛ ɔ o yɛ, ɔ su ba !»

Kalɛ 14:34

Amun fali cɛn ba ablanan yɛ amun fa nian-niannin mɛn nin-ɔn. N kusu n ´fa afuɛ ablanan n ´fa tu amun fɔ, afuɛ kun afɛ'n ɔ ti cɛn kun nun nyin kekle'n i akatua. Kpɛkuun amun ´si kɛ sɛ bé nyin yi-man min'n ɔ ti like tɛ.

Mmla'n 1:8

Amun `nian, n fali mɛn ng'ɔ o yɛ'n i kwlakwla mannin amun. Mɛn nga n seli kɛ n ´fa man amun nannan Abraam, nin Izaak, nin Zakɔb, ɔ nin be osu'n nunfuɛ mun'n yɛ ɔ o lɛ-ɔ, amun `ko fa.»

Mmla'n 4:34

?Amuɛn onin yɛ ɔ'a ko de nvle kun nvle uflɛ sa nun kanga nun le-ɔ? Anannganman amun Nyanmiɛn'n ɔ ko fali amun Ezipt lɔ kanga nun bali. I sin nan ɔ'a ko yi amun ɔ'a fite'n, ɔ fali sa kekle mun yili Eziptfuɛ'm be su, ɔ nin be kunnin kunlɛ kpa, ɔ yili atrɛ mun, ɔ yoli abonuan sa mun nin sa sroesroe mun. Sa sɔ'm be yoli amun nyrun.

Mmla'n 7:9

I sɔ'n ti, amun `si kɛ Anannganman amun Nyanmiɛn'n yɛ ɔ ti Nyanmiɛn nin-ɔn. Nyanmiɛn sɔ'n ɔ ti nanwlɛfuɛ, ɔ nin sran mun tra aenguɛ. Sɛ be klo i nan be fɛ i mmla'm be su'n, i kusu ɔ nian aenguɛ ng'ɔ nin be trali'n su yɛ ɔ si be aunnvuɛ lele fa wlu be anunman'm be mma liɛ'm be nun lele ju be akpasua akpi su.

Zozie 3:10

Amun wa wun i jrɛiin kɛ Nyanmiɛn b'ɔ lafi-man'n, ɔ o amun afiɛn nan ɔ wa fuan Kanaanfuɛ mun, nin Ɛtfuɛ mun, nin Evfuɛ mun, nin Ferezfuɛ mun, nin Girgazfuɛ mun, nin Amɔrfuɛ mun, ɔ nin Zɛbisfuɛ mun amun nyrun sakpa.

Jɔlɛ Difuɛ Mun 11:24

?Lika nga Kɛmɔs b'ɔ ti wɔ amuɛn'n fa man wɔ kɛ a tran nun'n, nɛ́n i yɛ a tran nun-ɔn? ?Yɛ e li yɛ lika kwlaa nga Anannganman b'ɔ ti e Nyanmiɛn'n fa man e kɛ e tran nun'n yɛ e su tran-man nun-ɔn?

Jɔlɛ Difuɛ Mun 13:2

I blɛ sɔ nun'n, bian wie be flɛ i kɛ Manɔak, ɔ fin Dan i akpasua'n su ɔ tran Zɔrea. I yi'n i klun ti kpan. Ɔ wu-man ba.

Jɔlɛ Difuɛ Mun 13:3

Anannganman i anz ɔ fiteli bla sɔ'n i nyrun, nan ɔ'a se i kɛ: «Wɔ yɛ ɔ klun ti kpan yɛ, a lɛ-man ba, sanngɛ a wa wunnzɛ yɛ a wa wu ba yasua kun.

Jɔlɛ Difuɛ Mun 2:5

Be tɔnnin klɔ sɔ'n i dunman kɛ Bɔkim bɔ i bo yɛlɛ sunfuɛ mun. Be yili tɛ mannin Anannganman.

Jɔlɛ Difuɛ Mun 6:8

yɛ Anannganman sunmannin i nuan ijɔfuɛ kun Izraɛlfuɛ'm be wun lɔ-ɔ. Nyanmiɛn nuan ijɔfuɛ'n seli kɛ: «Anannganman b'ɔ ti Izraɛl Nyanmiɛn'n i wan yoo: ‹Min fanngan nun yɛ man amun fin Ezipt kan amun yoli kanga lɔ'n bali-ɔ.