Jɔlɛ Difuɛ Mun 17:6 - NYANMIƐN NDƐ'N 1998

⁶ I blɛ sɔ nun'n, wuun famiɛn nun-man Izraɛl mɛn'n nun mlɔnmlɔn. Sran kun i klunklo like nga i waan ɔ ´yo'n yɛ ɔ yo-ɔ.

Jɔlɛ Difuɛ Mun 17:6 ပူးပေါင်းရင်းမြစ်များ

Bo Bolɛ 36:31

Famiɛn nga be sieli Edɔm ka nan Izraɛlfuɛ'm b'a nyan be famiɛn liɛ'n yɛlɛ

Jue Mun 12:4

Man Anannganman nunnun be kwlaa nga be klo gblɛ kpɛlɛ'n nin be nga be ijɔ dandan'n.

Nyanndra Mun 12:15

Sran ng'ɔ wun-man sa wlɛ'n, i nyrun atin'n ti kunngba trelele, sanngɛ sran ng'ɔ ti akunndanfuɛ'n be tu i fɔ-ɔ ɔ fa.

Nyanndra Mun 14:12

Atin wie o lɛ, an wun i-ɔ ɔ waan ɔ ti kpa, sanngɛ i agualiɛ'n yɛlɛ wie.

Nyanndra Mun 16:2

Like nga sran kun yo i sa'n, ɔ bu i klun lɔ kɛ like sɔ'n ti kpa i ti yɛ ɔ yo-ɔ, sanngɛ sran ng'ɔ si e klun akunndan mun'n yɛlɛ Anannganman .

Akunndanfuɛ'n 11:9

Gbanflɛn kan, yo like nga b'ɔ man sran klun jɔ sakpa'n. Kɛ a tɛ yo gbanflɛn kan'n, man ɔ klun jɔ kpa. Like nga wɔ anwlɛn'n wo su'n, yo i sɔ like'n. Like nga wɔ akunndan'n wo su'n, yo. Sanngɛ ng'ɔ fata kɛ a si'n yɛlɛ kɛ ɔ́ sa kwlaa nga a yoli'n be ti, Nyanmiɛn ɔ wa flɛ wɔ ɔ ´di wɔ jɔlɛ.

Mmla'n 12:8

Nán amun yo kɛ e fa yo i ndɛkɛn wa yɛ'n sa, bɔ sran kun yo nga i klun klo'n, sran kun yo nga i klun klo'n.

Mmla'n 33:5

I nun bɔ Izraɛl kpɛnngbɛn'm be yiali'n, bɔ Izraɛl akpasua-akpasua be sufuɛ'm be yiali'n, yɛ ɔ yoli Izraɛl'n i famiɛn nin-ɔn.

Jɔlɛ Difuɛ Mun 18:1

I blɛ sɔ nun'n, wuun famiɛn nun-man Izraɛl mɛn'n nun mlɔnmlɔn. I blɛ kunngba sɔ nun'n, wuun Dan akpasua'n su sran'm be su kunndɛ lika be ´tran nun, wuun be nian nyan-man be lika liɛ kɛ akpasua kun nga'm bé sa.

Jɔlɛ Difuɛ Mun 19:1

I blɛ sɔ nun'n, wuun Izraɛl mɛn'n nian nyan-man famiɛn, Levi i akpasua'n su sran kun b'ɔ tran Efraim oka-oka'n i tiwa lɔ'n, ɔ nin bla wie be boli soman. Bla'n fin Zida nvle nun klɔ nga be flɛ i kɛ Bɛtleɛm'n su.

Jɔlɛ Difuɛ Mun 21:25

I blɛ sɔ nun'n, wuun famiɛn nun-man Izraɛl mɛn'n nun mlɔnmlɔn. Sran kun i klunklo like nga i waan ɔ ´yo'n yɛ ɔ yo-ɔ.

Jɔlɛ Difuɛ Mun 21:3

«Ee! ?Anannganman b'ɔ ti Izraɛl Nyanmiɛn'n, kɛ Izraɛl akpasua'n kun ɔ'a nunnun'n, nguɛ ndɛ liɛ yɛlɛ nga?»