Jɔlɛ Difuɛ Mun 17:5 - NYANMIƐN NDƐ'N 1998

⁵ Mika sɔ'n, ɔ lɛ i bɔbɔ i amuɛn sua. Ɔ yili waka sran uflɛ ɔ nin awlo amuɛn wie mun. Yɛ ɔ fɛli i wa'm be nun kun sieli kɛ ɔ yo i amuɛn'm be nyrun tranfuɛ.

Jɔlɛ Difuɛ Mun 17:5 ပူးပေါင်းရင်းမြစ်များ

Bo Bolɛ 31:19

Kɛ ɔ ´yo sɔ'n, wuun Laban ɔ'a ɔ i bua'm be ndrɛ'n i kpɛkpɛlɛ. Kpɛkuun Rasɛl wuɛli i si i awlo amuɛn mun.

Bo Bolɛ 31:30

Ɔ wla lo ɔ́ si i awlo lɔ ti yɛ a su kɔ-ɔ. ?Yɛ sanngɛ nzu sa ti yɛ a wuali min amuɛn mun-ɔn?»

1 Famiɛn Mun 12:31

Zeroboam kplannin sua mun sraka yiwlɛ lika nga be o kpɔlɛ'm be su bé wun lɛ. Ɔ sieli sraka yifuɛ mun. Sran nga be ti-man Levi akpasua sufuɛ'n, be nun wie yɛ ɔ fa be sieli-ɔ.

1 Famiɛn Mun 12:32

Ɔ sieli cɛn kun. I waan anglo mɔcuɛ su'n, kɛ i cɛn blu-nin-nnun ko ju'n, be ´di cɛn, yɛ be ´yo i sɔ tititi. Cɛn dilɛ sɔ'n ti kɛ Zida lɔ liɛ'n sa. I bɔbɔ yili sraka mun. Kɛ ɔ yoli i sɔ Betɛl lɔ-ɔ. Ɔ yili sraka'n mannin nannin ba b'ɔ yoli be'n. Ɔ fali sraka yifuɛ ng'ɔ kpali be'n sieli be Betɛl lɔ.

Ɛsdras 1:7

Anannganman i sua'n nun ninnge kpakpa nga Nɛbikadnɛzar fali be Zerizalɛm ɔ wa sieli be i amuɛn'm bé sua'n nun'n, famiɛn Siris fali be mannin.

Ezipt Lɔ Tulɛ'n 24:5

Be kpali Izraɛl gbanflɛn wie mun kɛ be yi tɛ nga be yra be nnɛn'n kɔlikɔli'n be fa man Anannganman, nan be `fa nannin tola mun be `yi bo kun yolɛ i su tɛ mun be mɛn i.

Ezipt Lɔ Tulɛ'n 28:15

«Man ajuin difuɛ'm be yo jɔlɛ dilɛ pata kaan bɔ be fa cici be wue nun'n kun. Junman kunngba nga be dili i efɔd'n su'n yɛ be `di i pata kaan'n su-ɔ. Be `fa lɛn b'ɔ sɔ kpa'n yɛ be `fa yo-ɔ. Man be fa bua ndrɛ be flanflan lɛn'n nun. Man bua ndrɛ'n wie yo ɔkwlɛ srosrowa, wie yo ɔkwlɛ kankankan, yɛ wie yo ɔkwlɛ youun. Man be fa sika ɔkwlɛ be yo nun nzɔliɛ mun.

Ezipt Lɔ Tulɛ'n 28:4

Tralɛ ng'ɔ fata kɛ be yo be'n yɛ: pata kaan b'ɔ be fa cici be wue nun'n kun, Efɔd kun, tralɛ tɛnndɛn kun, yɛ tralɛ tɛnndɛn uflɛ bɔ be di nun aba'n, kle kun, yɛ cisu kun. Man ɔ niaan bian Aarɔn nin i mma mun be wlɛ i sɔ tralɛ mun nan be fa di min nyrun jranlɛ junman'n.

Ezipt Lɔ Tulɛ'n 29:9

Fa be cisu mun ci be afiɛn, fa bé kle mun wla bé ti. Kpɛkuun min nyrun jranlɛ junman'n ɔ ´ka bé sa nun titi. I sɔ mmla liɛ'n su kaci-man le. Wafa nga a ´fa Aarɔn nin i mma mun a ´sie kɛ be yo min nyrun jranfuɛ mun'n yɛ ɔ o yɛ:

Ezai 44:13

Waka sɛfuɛ'n ɔ sunnzun waka nin nyanman, ɔ fa laklɛ fa jaja amuɛn ba'n i wafa'n, yɛ ɔ fa soma fa sɛ, kpɛkuun ɔ fa like kpitɛ i wun ɔ yo mlɔnnɔnnɔnnɔn. Ɔ yo like sɔ'n kɛ sran sa, ɔ yo i nyrun klanman kɛ sran'm be liɛ'n sa, yɛ ɔ fɛ i sie sua kun nun.

Ezekiɛl 21:21

Sɛ n ´kwla se, tokofi nnana tɔ fama su, tɔ bɛ su, kan kwlaa nga a kpɛ ɔ nyin lɛ'n, tɔ lɛ.

Ezekiɛl 21:26

Afin Babilɔni lɔ famiɛn'n ɔ ko trannin atin nnyɔn be anngɔnda'n su lɛ yili wunnzue, ɔ kejeli cua mun, ɔ usali amuɛn'm be sa, ɔ niannin nnɛn'm be afɔkɔ'n.

Ndɛ Nga Nyanmiɛn I Nuan Ijɔfuɛ Oze Kannin'n 3:4

Afin Izraɛlfuɛ'm be wa ka sa lele be su nyan-man famiɛn kun, be su nyan-man famiɛn i awlo sran dan kun, be su yi-man tɛ kun, be su sɔ-man yɛbuɛ kun. Kpɛkuun ninnge nga be fa si Nyanmiɛn i klun sa'n, be su nyɛn-mɛn i kun.

Ndɛ Nga Nyanmiɛn I Nuan Ijɔfuɛ Oze Kannin'n 8:14

Izraɛl i wla fili i yifuɛ'n, ɔ ko kplannin sua kpakpa mun. Zida kusu kplannin klɔ kpanngban bɔ be si bé wun . Sanngɛ i sɔ klɔ liɛ mun'n, n wa fa sin n yi be nun. I sɔ sua kpakpa liɛ mun'n, sin'n yɛ ɔ ´di be-ɔ.»

Kalɛ 3:10

Sie Aarɔn nin i mma'm be ngunmin, man be di min nyrun jranlɛ junman'n. Sɛ sran kun ti-man min nyrun jranfuɛ, nan ɔ fɛ i wun wla be nun'n, man be kun i.»

Hébreu 5:4

Sran fi jao se-man kɛ ɔ kunndɛ dunman kɛ be fɛ sie i Nyanmiɛn nyrun jranfuɛ'm be su kpɛn, Nyanmiɛn bɔbɔ yɛ ɔ flɛ sran kɛ be sie i i nyrun jranfuɛ'm be su kpɛn kɛ ɔ flɛli Aarɔn'n sa.

Jɔlɛ Difuɛ Mun 17:4

Sanngɛ ɔ fali sika'n mannin i nin ekun, nan i nin ɔ'a fa nun jɛtɛ ufue mma ya nnyɔn. Ɔ fa mannin ajuin difuɛ'n nan ɔ'a fa yi sika sran nan ɔ'a klo aaba a guɛ i wun. Yɛ be fa sieli i Mika i sua lɔ-ɔ.

Jɔlɛ Difuɛ Mun 18:14

Kpɛkuun sran nnun nga be ɔli Lais mɛn'n i kpla nianlɛ'n, be seli be niaan'm be kɛ: «?Kɛlɛ amun si kɛ amuɛn kun, nin waka sran mun, ɔ nin amuɛn bɔ be kloli aaba guɛli i wun'n be o sua nga'm be nun? Siɛn'n like nga amun ´ko yo'n, amun `yo.»

Jɔlɛ Difuɛ Mun 18:24

Mika waan: «?Kɛ amun usa min kɛ nzu ti yɛ n kpan'n, n wun-mɛn i wlɛ. Min amuɛn'n bɔ n yoli be'n, amun fali be, kpɛkuun amun fali min amuɛn'm be nyrun tranfuɛ'n ekun. ?Yɛ nzu yɛ ɔ ka mín sa nun-ɔn?»

Jɔlɛ Difuɛ Mun 18:30

Dan akpasua'n su sran'm be takali waka sran'n. Zonatan b'ɔ ti Moiz i wa Gɛrsɔm i klun ba liɛ'n, ɔ nin i mma mun yɛ be yoli Dan akpasua'n su sran'm be amuɛn'm be nyrun tranfuɛ lele fa juli blɛ nga be trali Izraɛlfuɛ mun lomuɛn ɔli mɛn uflɛ nun nin-ɔn.

Jɔlɛ Difuɛ Mun 8:27

Zedeɔn fali sika ɔkwlɛ'n fa yoli sika ɔkwlɛ sran. Ɔ fa sieli i klɔ lɔ, be flɛ i klɔ'n kɛ Ofra. Yɛ Izraɛlfuɛ'm be kwlaa be ko koto i bo be sɔ i-ɔ. Ɔ yoli kɛ Zedeɔn nin i awlofuɛ'm be bɔbɔ bé wun aya sa.

1 Samiɛl 19:13

Mikal fali amuɛn ba kun sieli David i bɛ'n su. Ɔ fali like kun bɔ be fa boli ndrɛ yɛ be yoli'n sieli i ti lika, kpɛkuun ɔ fali kondro kɛtɛli i su.

1 Samiɛl 23:6

Kɛ Asimelɛk i wa Abiatar ´wanndi kɔ David sin'n, ɔ fali like nga be fa si Nyanmiɛn klun sa'n ɔ ɔli Kɛila.