Jɔlɛ Difuɛ Mun 17:2 - NYANMIƐN NDƐ'N 1998

² Ɔ seli i nin kɛ: «Ɔ jɛtɛ ufue mma akpi kun jɛtɛ ufue mma ya (1.100) nga be wuali'n bɔ a wuali su amuɛn m bɔbɔ min nyrun'n, sika sɔ'n yɛ. Min yɛ n fali-ɔ.» I nin tɛli i su kɛ: «Min wa, man Anannganman yo ɔ wun sa ye.»

Jɔlɛ Difuɛ Mun 17:2 ပူးပေါင်းရင်းမြစ်များ

Bo Bolɛ 14:19

nan ɔ'a yrɛ i nuan klanman ɔ'a man Abram, ɔ seli kɛ: «Man Nyanmiɛn b'ɔ o like'n kwlaa ti su'n, b'ɔ yili nglo nin asiɛ'n, ɔ yo man a nyan muae.

Neemi 13:25

N ijɔli be nan m'an bo be sannzan. N boli sran sɔ'm be nun wie mun, n tutuli be timuɛn mun. N yoli man be tali Nyanmiɛn i nda be seli kɛ be fa-man bé wa bla be man-man aofuɛ'm bé wa yasua mun kun, be ja-man aofuɛ'm bé wa bla mun be man-man bé wa yasua mun kun, yɛ be bɔbɔ be ja-man aofuɛ'm bé wa bla mun kun.

Jue Mun 10:3

Klunwifuɛ'n i nyin blo ninnge tɛtɛ'm bé su, ɔ fa be di i nuan. Lufle klofuɛ sɔ'n ɔ bo Nyanmiɛn i sannzan, ɔ yo i finfin.

Ezipt Lɔ Tulɛ'n 20:7

Nán bo min Anannganman bɔ n ti ɔ Nyanmiɛn'n min dunman'n ngbɛn, afin sran ng'ɔ bo min dunman ngbɛn'n, n su yaci-mɛn i lɛ, san n ´tu i fɔ.

Nyanndra Mun 28:24

Sran kun nga bɔ ɔ wua i si nin i nin b'ɔ se kɛ: «N kpa'n, nguɛ sa tɛ yɛ n yoli'n,» i sɔ sran'n nin kodiawiefuɛ'n be ti kun.

Zeremi 48:10

Sran ng'ɔ fa nvɛɛ yo Anannganman i junman'n, i yako! Sran ng'ɔ se kɛ yoo: ‹Kɛ n `tra kaka'n nun n `kun be'n ɔ yo min ya'n.› I sɔ sran liɛ'n b'ɔ se sɔ'n i yako!

Matthieu 26:74

Yɛ ɔ ´fa Nyanmiɛn wɛwɛ i wun-ɔn, i sin ɔ seli kɛ: «Sɛ m bua ato'n, man Nyanmiɛn wun min. N si-man bian sɔ'n.» Kɛ ɔ yoli sɔ'n yɛ akɔ nyinman'n boli-ɔ.

Rɔmfuɛ Mun 9:3

Afin sɛ Nyanmiɛn bo n sannzan bɔ min nin Krist e bu nan n niaan'm bɔ min nin be e ti nvle kun'n be nyan bé ti'n, n ´se Nyanmiɛn kɛ ɔ yo n sɔ .

1 Korɛntfuɛ Mun 16:22

Sɛ sran kun klo-man e Min'n, man Nyanmiɛn bo i sannzan. Maranata! (E Min'n ´ba!)

Mmla'n 27:16

«Sran ng'ɔ bu-mɛn i si nin i nin be sran'n, nán man ɔ wun ye le.» Kpɛkuun man Izraɛlfuɛ'm be kwlaa be tɛ su kɛ: «Man ɔ yo sɔ!»

2 Jean 1:11

Afin sran ng'ɔ yo i blandɛ'n, wuun ɔ'a yo sa kunngba ng'ɔ yo be'n be wie.

Jɔlɛ Difuɛ Mun 17:1

Efraim oka-oka lika'n nun lɔ'n, sran kun o lɔ bɔ be flɛ i kɛ Mika.

Jɔlɛ Difuɛ Mun 17:3

Ɔ yili jɛtɛ ufue mma akpi kun'n nin ya'n mɛnnin i nin, yɛ i nin seli i kɛ: «Min wa, n waan n ´fa sika nga n wlɛ i Anannganman i sa nun ɔ dunman su. Fa man be fa yo waka sran nan be klo aaba guɛ i wun. I ti'n, de, n su fa man wɔ.»

Jɔlɛ Difuɛ Mun 5:23

Anannganman i anz waan: ‹Amun `bo Merɔz klɔ'n i sannzan. Sannzan bɔ amun bo Merɔz i su sran mun'n yɛlɛ kɛ b'a ba-man Anannganman ukalɛ. B'a ba-man Anannganman i safunyrɛn'm be ukalɛ.›

Rit I Wun Ndɛ 3:10

Yɛ Bɔaz seli i kɛ: «Mín wa, man Anannganman yo ɔ liɛ ye. Sa nga a yo i yɛ'n ɔ'a yo nyɛnmɛn dan ɔ'a tra nga a yoli be laa'n. Ɔ man b'a si kɛ kannzu a klo ɔ sewi'n i sa dan nan a nin i osufuɛ'm be tɛ nanti. W'a su-man gbanflɛn'm bé su , sɛ be ti anyanbeunfuɛ o, sɛ be ti yalɛfuɛ o.

1 Samiɛl 14:24

Le kun sɔ nun'n, kɛ Izraɛlfuɛ'm be ko fɛ'n yɛ be fɛli-ɔ. Afin Sail tali nda ɔ seli kɛ: «Sran ng'ɔ di like kwlaa nan aliɛ'n ɔ'a san'n, sran ng'ɔ di like kwlaa nan m'an tu min klunngbɔ min kpɔfuɛ'm bé su'n, man nyrɛnnɛn tɔ i su.» I sɔ'n ti, man sran fi nuan ɔ'a kan-man like.

1 Samiɛl 14:28

Sran'm be nun kun seli i kɛ: «Ɔ si man e tali nda kɛ sran ng'ɔ di like ndɛ'n man nyrɛnnɛn tɔ i su. I ti yɛ sran'm b'a fɛ yɛ.»

1 Samiɛl 15:13

Kɛ Samiɛl juli Sail wun lɛ'n, Sail seli i kɛ: «Man Anannganman yo ɔ liɛ ye! N niannin like nga Anannganman waan n yo su'n n yoli!»

1 Samiɛl 23:21

Sail waan: «Man Anannganman yo amun liɛ ye o. Amun liɛ'n amun koko min.

1 Samiɛl 26:19

Nannan, sie ɔ́ su, min waan n kan ndɛ kle wɔ. Sɛ Anannganman yɛ ɔ su ɔ bo kɛ a yo min like'n, man ɔ sɔ tɛ nga n yi mɛn i nun'n, sɛ kusu klɔ sran mun yɛ be wlawla wɔ'n, man Anannganman man nyrɛnnɛn tɔ bé su afin be waan be ´fuan min nan n jaso Anannganman i mɛn'n nun. Be klo kɛ n wɔ n ko sɔ amuɛn mun.