Jɔlɛ Difuɛ Mun 15:5 - NYANMIƐN NDƐ'N 1998

⁵ Ɔ sɔli tɛ'm be nuan, yɛ ɔ yacili nsoso'm be nun Filistifuɛ'm be ble fie'm be nun. Ɔ man Samsɔn wɔli be ble sɔlɛ bɔ be tiannin be nuan'n ɔ nin ble nga be nian kpɛ-man'n nun. Ɔliɛ olivie fie'm be kwlakwla, ɔ wɔli be nun ukali su.

Jɔlɛ Difuɛ Mun 15:5 ပူးပေါင်းရင်းမြစ်များ

2 Samiɛl 14:30

Yɛ Absalɔm seli i sufuɛ'm be kɛ: «Amun `nian, Zoab i ɔrz fie'n yɛ ɔ mantan min liɛ'n lɛ-ɔ. Amun `fa sin yi nun.» Yɛ Absalɔm i sufuɛ'm be to sin yili nun-ɔn.

Ezipt Lɔ Tulɛ'n 22:6

Sɛ sran kun man i wiengu kun sika annzɛ like kpa wie kɛ ɔ `sie, nan awiefuɛ kun wa wua sika sɔ'n annzɛ like sɔ'n sran'n i sua'n nun'n, sɛ be tra awiefuɛ'n, man ɔ yi sika'n annzɛ like'n i wunsu kpɛ nnyɔn fa mɛn i fuɛ'n.

Ezipt Lɔ Tulɛ'n 23:11

Sanngɛ afuɛ'n i nso'n su'n, yaci asiɛ'n lɛ man ɔ de wunmiɛn kpa. Ɔ nvle'n nun yalɛfuɛ'm be ´nyan like nun be fa ta bé wun, yɛ blo nnɛn'm be kusu be ´di ng'ɔ ka lɛ'n. Yo ɔ vinyi nin ɔ olivie'm be sɔ wie.

Jɔlɛ Difuɛ Mun 15:4

Yɛ Samsɔn ɔli nan ɔ'a ko tra nsoso ya nsan. Ɔ fali nsoso'm be lua'n wɔli su nan ɔ'a cici be nnyɔn-nnyɔn. Yɛ ɔ fali tɛ mun sieli nsoso'm be afiɛn kan be lua'n wɔ su lɛ'n.

Jɔlɛ Difuɛ Mun 15:6

Filistifuɛ'm be ´usa-a, be waan: «Samsɔn b'ɔ ti bian b'ɔ fin Timna i sia nin-ɔn. I waan ɔ'a fɛ i yi ɔ'a man i janvuɛ'n, i ti yɛ ɔ yoli i sɔ-ɔ.» Yɛ Filistifuɛ'm be ɔli nan b'a ko trɔ bla'n nin i si'n bé wun sin nan b'a yra be.