Jɔlɛ Difuɛ Mun 15:4 - NYANMIƐN NDƐ'N 1998

⁴ Yɛ Samsɔn ɔli nan ɔ'a ko tra nsoso ya nsan. Ɔ fali nsoso'm be lua'n wɔli su nan ɔ'a cici be nnyɔn-nnyɔn. Yɛ ɔ fali tɛ mun sieli nsoso'm be afiɛn kan be lua'n wɔ su lɛ'n.

Jɔlɛ Difuɛ Mun 15:4 ပူးပေါင်းရင်းမြစ်များ

2 Samiɛl 14:30

Yɛ Absalɔm seli i sufuɛ'm be kɛ: «Amun `nian, Zoab i ɔrz fie'n yɛ ɔ mantan min liɛ'n lɛ-ɔ. Amun `fa sin yi nun.» Yɛ Absalɔm i sufuɛ'm be to sin yili nun-ɔn.

Jue Mun 63:10

Be bɔ be kunndɛ kɛ be ´kun min'n, man be bɔbɔ yɛ be wu be wɔ blɔlɔ-ɔ.

Nyanndra Mun 26:18

Sran nga b'ɔ lɛkɛlɛkɛ i wiengu'n, bɔ i sin ɔ wa se i kɛ: «Min waan n ´yo sɔ nan e sri'n,» i sɔ sran liɛ'n ti kɛ fiaunfuɛ b'ɔ toto yiendre nin ta mma mun, ɔ nin like b'ɔ kun sran'n sa.

Ngɔjue Fɛfɛ Kpa'n 2:15

E vinyi'm b'a bo nyrɛ. Amun `tra nsoso mun, nnɛn kanngan sɔ'm be saci vinyi mun.

Ezai 7:4

Se i kɛ: ‹Nán srɛ kun wɔ, tran diin, nán ɔ́ wla bo ɔ́ wun Rɛzɛn b'ɔ ti Sirifuɛ'n nin Rɛmalia i wa'n be ya bɔ b'a fa'n ti. Be ti kɛ yiendre nnyɔn yɛ be su kpunngbun sa.

Ngwlɛ Yilɛ 5:18

Siɔn oka'n bɔ ɔ'a yo flɛnnɛn'n ti-ɔ. Ɔ'a kaci nsoso'm be kpitawlɛ.

Jɔlɛ Difuɛ Mun 15:3

Samsɔn seli be kɛ: «Andɛ liɛ'n, sɛ n yo Filistifuɛ'm bé sa ya'n min ndɛ yo fɛ.»

Jɔlɛ Difuɛ Mun 15:5

Ɔ sɔli tɛ'm be nuan, yɛ ɔ yacili nsoso'm be nun Filistifuɛ'm be ble fie'm be nun. Ɔ man Samsɔn wɔli be ble sɔlɛ bɔ be tiannin be nuan'n ɔ nin ble nga be nian kpɛ-man'n nun. Ɔliɛ olivie fie'm be kwlakwla, ɔ wɔli be nun ukali su.