Jɔlɛ Difuɛ Mun 15:11 - NYANMIƐN NDƐ'N 1998

¹¹ Yɛ Zida akpasua'n su sran akpi nsan (3.000) be ɔli Etam yɛbuɛ buɛ'n nun lɔ-ɔ. Be usali Samsɔn kɛ: «?A si-man kɛ Filistifuɛ'm be kwla ye? ?Ɔ yo sɛ ti yɛ a yoli e sɔ-ɔ?» Ɔ tɛli bé su kɛ: «Sa nga be yoli min'n, yɛ n kusu n fa yoli be wie-ɔ.»

Jɔlɛ Difuɛ Mun 15:11 ပူးပေါင်းရင်းမြစ်များ

1 Be Nyoliɛ 4:3

Efrata i wa yasua klikli'n bɔ be flɛ i Ir'n, bɔ i yɛ ɔ takali Bɛtleɛm klɔ'n i wa yasua liɛ mun yɛlɛ Etam, nin Zizreɛl, nin Zisma, ɔ nin Zidbas. Ɔ wuli ba bla kun. Be flɛ i kɛ Azɛlɛlpɔni. I sin ɔ wuli Peniɛl nin Ezɛr. Peniɛl yɛ ɔ takali Gɛdɔr klɔ nin-ɔn. Ezɛr kusu yɛ ɔ takali Isa klɔ nin-ɔn.

Saun Yolɛ 26:25

Aenguɛ nga min nin amun e trali bɔ amun sacili i'n ti'n, n ´to alɛ n ´yi amun mɛn'n nun. Man amun ´ko fia klɔ wie'm bé su, sanngɛ n ´fa tukpacɛ bɔ sa ndɛndɛ kun n ´yi i klɔ sɔ'm bé su, yɛ kpɛkuun be nga bɔ be nin amun be kun'n, be yɛ be ´sie amun-ɔn.

Mmla'n 28:13

Sɛ amun fa Anannganman amun Nyanmiɛn'n i mmla nga n ´fa man amun ndɛ yɛ'n bé su'n, nan amun nian bé su nanti'n, Anannganman man amun yɛ amun ´dun mmua nvle'm be kwlaa be nyrun-ɔn, amun su ka-man siɛn. Amun ´tran nvle'm be ti su, amun su tran-man bé bo.

Mmla'n 28:43

Aofuɛ nga be ´sike amun'n, be ´nyan nyrun tra amun tititi. Sanngɛ amun liɛ'n, amun ´kan ase tititi.

Jɔlɛ Difuɛ Mun 13:1

Izraɛlfuɛ'm be yoli like nga Anannganman klo-mɛn i ekun. Yɛ Anannganman fali be wlɛli i Filistifuɛ'm be sa nun afuɛ ablanan.

Jɔlɛ Difuɛ Mun 14:4

I si nin i nin be si-man kɛ Anannganman bɔbɔ yɛ man sa sɔ'n ɔ ju-ɔ. Be si-man kɛ Filistifuɛ'm be utre kunndɛlɛ ti yɛ ɔ yo sɔ nin-ɔn, afin i blɛ sɔ nun'n, wuun Filistifuɛ'm be kwla Izraɛlfuɛ mun.

Jɔlɛ Difuɛ Mun 15:10

Zida akpasua'n su sran'm be usali be kɛ: «?Ɔ yoli sɛ ti yɛ amu'an fa alɛ'n b'a wla e sin-ɔn?» Be waan: «E bali Samsɔn cilɛ. Sa ng'ɔ yoli ye'n, e ´yo i wie e ´sie i osu.»

Jɔlɛ Difuɛ Mun 15:12

Yɛ be seli i kɛ: «E bali kɛ e wa ci wɔ nan e ´fa wɔ fa wla Filistifuɛ'm be sa nun.» Yɛ ɔ seli be kɛ: «Amun `ta min nda kɛ amun bɔbɔ amun su kun-man min.»