Jɔlɛ Difuɛ Mun 14:5 - NYANMIƐN NDƐ'N 1998

⁵ Samsɔn nin i si nin i nin be ɔli Timna. Kɛ be juli Timna vinyi fie'n nun lɛ'n, Samsɔn ´nian-an asɔmɔli bɔ b'a kpɛ cro'n kun yɛ ɔ ´kpan bɛ i ndɛnman yɛ.

Jɔlɛ Difuɛ Mun 14:5 ပူးပေါင်းရင်းမြစ်များ

2 Samiɛl 23:20

Zɛozada i wa Bɛnaza b'ɔ fin Kabzeɛl bɔ i nannan ti sonja kpa kun'n, laa i kusu yoli yakpa like sunman. I yɛ ɔ kunnin Moab sonja'm be nun kpakpa nnyɔn nga be lɛ wunmiɛn kɛ asɔmɔli sa mun nin-ɔn. Le kun'n ayrɛ blɛ nun'n, kɛ like wie b'ɔ fin nyanmiɛn su lɔ gua minndi-minndi fuaii kɛ nyanmiɛn ufue fitafita'n sa ɔ ´gua'n, ɔ jrali nzue gbo kun nun nan ɔ'a kun asɔmɔli kun.

1 Be Nyoliɛ 11:22

Zɛozada i wa Bɛnaza b'ɔ fin Kabzeɛl'n bɔ laa i nannan'n ti sonja waka-waka kpa'n, i kusu yoli yakpa ninnge mun. I yɛ ɔ kunnin Moab sonja'm be nun kpakpa nnyɔn bɔ be tra be ngba nin-ɔn. Le kun ayrɛ blɛ nun'n, bɔ like wie fin nyanmiɛn'n su lɔ gua minndi-minndi-minndi fuaii kɛ nyanmiɛn ufue fitafita'n sa, ɔ jrali gbo kun nun nan ɔ'a kun asɔmɔli kun.

Jue Mun 91:13

Sɛ a fu asɔmɔli wie annzɛ ɔnda wie su'n, like fi su yo-man wɔ. Sɛ a tia nnɛn wlɛfuɛ wie annzɛ wuo wie su'n, like fi su yo-man wɔ .

Zeremi 2:15

I ti asɔmɔli'm be kpan sa-a, nán sa yolɛ-ɔ. B'a nunkun i mɛn'n mlɔnmlɔn. B'a wɔ i klɔ'm be nun, sin su di be, sran fi tran-man be su kun.

Hébreu 11:33

Nyanmiɛn su bɔ be lafi'n ti, be kwla nvle mun, be yo sa ng'ɔ ti i nuan su'n, be nyan like nga Nyanmiɛn waan ɔ ´man be'n, be cici asɔmɔli'm bé nuan,

Zozie 15:10

Baala i wia atɔliɛ lɔ awɛ'n ko bli sin Seir oka wun lɔ, ɔ sin oka bɔ i dunman ekun yɛlɛ Kɛsalɔn oka'n, i kongo'n i wia atɔliɛ lɔ, kpɛkuun ɔ jra Bɛt-Semɛs, ɔ san Timna wun.

1 Piɛr 5:8

An `sasa amun wun, an `nian-nian! Afin mmusu'm bé si Satan b'ɔ ti amun kpɔfuɛ'n, ɔ ti kɛ asɔmɔli b'ɔ wlan-wlan ɔ kpan kunndɛ nnɛn'n sa.

Jɔlɛ Difuɛ Mun 14:4

I si nin i nin be si-man kɛ Anannganman bɔbɔ yɛ man sa sɔ'n ɔ ju-ɔ. Be si-man kɛ Filistifuɛ'm be utre kunndɛlɛ ti yɛ ɔ yo sɔ nin-ɔn, afin i blɛ sɔ nun'n, wuun Filistifuɛ'm be kwla Izraɛlfuɛ mun.

Jɔlɛ Difuɛ Mun 14:6

Yɛ Anannganman i Wawɛ'n jrali Samsɔn su-ɔ. Like fi nun-mɛn i sa nun sanngɛ kpɛkuun Samsɔn trɛli i ɔ kpacili i nun kɛ be su kpaci boli bɔ ɔ'a kpɛ cro'n wie nun'n sa, sanngɛ ɔ'a bo-man su ɔ'a kle-mɛn i si nin i nin.

1 Samiɛl 17:35

n fuɛn n ko fin i like, kpɛkuun n de bua'n i nuan nun. Sɛ i waan ɔ ´yo min like'n, n sɔ i kɔmin nun ndrɛ'n, m bo i lele n kun i.