Jɔlɛ Difuɛ Mun 14:4 - NYANMIƐN NDƐ'N 1998

⁴ I si nin i nin be si-man kɛ Anannganman bɔbɔ yɛ man sa sɔ'n ɔ ju-ɔ. Be si-man kɛ Filistifuɛ'm be utre kunndɛlɛ ti yɛ ɔ yo sɔ nin-ɔn, afin i blɛ sɔ nun'n, wuun Filistifuɛ'm be kwla Izraɛlfuɛ mun.

Jɔlɛ Difuɛ Mun 14:4 ပူးပေါင်းရင်းမြစ်များ

1 Famiɛn Mun 12:15

Famiɛn'n ɔ'a kplin-man like nga nvlefuɛ'm be usɛli'n i su. Anannganman yɛ man ɔ yoli sɔ-ɔ, kɛ ɔ ´yo nan ndɛ ng'ɔ fa wlali Asiza b'ɔ ti Silofuɛ'n i nuan kɛ ɔ kan kle Nɛbat i wa Zeroboam'n i nuan ɔ'a yia'n ti.

1 Famiɛn Mun 12:24

Anannganman wan yoo: ‹Nán amun wɔ, nán amun nin amun niaan Izraɛlfuɛ'm be ko kun. Amun `sa amun sin amun awlo'm be nun sɛsɛsɛ, afin m bɔbɔ min yɛ man sa ng'ɔ juli lɛ'n i kwlaa yoli-ɔ.› » Be fali Anannganman i ndɛ'n. Be sali bé sin be ɔli kɛ Anannganman fa kannin'n sa.

2 Famiɛn Mun 6:33

Elize nuan'n ɔ'a tɔ-man, be ´nian-an, sunmanfuɛ'n yɛ ɔ'a ba yɛ, kpɛkuun sunmanfuɛ sɔ'n waan: «Anannganman bɔbɔ yɛ ɔ man nyrɛnnɛn nga tɔ é su-ɔ. ?Ɔ man nguɛ like uflɛ yɛ n ´usɛ i kɛ ɔ yo man min-ɔn?»

2 Be Nyoliɛ 10:15

Famiɛn'n ɔ'a kplin-man like nga nvlefuɛ'm be usali'n su. Anannganman yɛ man ɔ yoli sɔ-ɔ. Kɛ ɔ ´yo nan ndɛ ng'ɔ fa wlali Asiza b'ɔ ti Silofuɛ'n i nuan kɛ ɔ kan kle Nɛbat wa Zeroboam'n, i nuan ɔ'a yia'n ti yɛ ɔ yoli sɔ-ɔ.

2 Be Nyoliɛ 22:7

Kɛ ɔ ´yo nan Akazia liɛ'n ɔ'a wie'n ti yɛ Nyanmiɛn kplinnin su kɛ ɔ wɔ Zɔram nianlɛ nin-ɔn. Kɛ ɔ juli lɔ'n, ɔ nin Zɔram be ɔli Nimsi i wa Zei atin kpalɛ. Kannzu Anannganman sieli Zei famiɛn kɛ ɔ ´yo nan Zei ɔ'a nunnun Akab i awlo'n ti.

2 Be Nyoliɛ 25:20

Sanngɛ Amazia ɔ'a tie-man ndɛ nga Zɔas kan kleli i'n. Kannzu Nyanmiɛn sa o ndɛ sɔ'n nun. Kɛ bɔ Zidafuɛ'm be ko fali Edɔmfuɛ'm be amuɛn'n ti'n, kannzu ɔ'a gugu kɛ ɔ ´fa be wla be kpɔfuɛ'm bé sa nun.

Jue Mun 115:3

E Nyanmiɛn'n ɔ wo nglo lɔ, like nga i klun klo su kɛ ɔ ´yo'n yɛ ɔ yo-ɔ.

Daniɛl 6:4

Daniɛl i junman ng'ɔ di'n ɔ trɛ i wiengu nnyɔn'm be liɛ'n yɛ ɔ tra akpasua'm bé su kpɛn'm be kpɛnngbɛn'm be kwlaa be liɛ'n. Afin wawɛ ng'ɔ o i nun'n i dan tra be liɛ'n. I sɔ'n ti, famiɛn waan ɔ ´fɛ i fa sie i famiɛn diwlɛ wunmuan'n su.

Mmla'n 28:48

amun wa su amun kpɔfuɛ nga Anannganman man be nin amun wa kun'n. Awe nin nzue we ´kun amun. Amún wun tralɛ'n kwlakwla ´wie titi, yalɛ ´di amun. Anannganman ɔ ´sie amun kɔmin'n su blalɛ trɔ lele san ɔ ´wie amun nunnun.

Zozie 11:20

Afin Anannganman man mɛn sɔ nunfuɛ'm be waan san alɛ yɛ be nin Izraɛlfuɛ'm be ´kun-ɔn. I sɔ'n ti, Izraɛlfuɛ'm be kusu be kunnin be kwlakwla kɛ Anannganman fa kan kleli Moiz'n sa.

Jɔlɛ Difuɛ Mun 13:1

Izraɛlfuɛ'm be yoli like nga Anannganman klo-mɛn i ekun. Yɛ Anannganman fali be wlɛli i Filistifuɛ'm be sa nun afuɛ ablanan.

Jɔlɛ Difuɛ Mun 14:5

Samsɔn nin i si nin i nin be ɔli Timna. Kɛ be juli Timna vinyi fie'n nun lɛ'n, Samsɔn ´nian-an asɔmɔli bɔ b'a kpɛ cro'n kun yɛ ɔ ´kpan bɛ i ndɛnman yɛ.

Jɔlɛ Difuɛ Mun 15:11

Yɛ Zida akpasua'n su sran akpi nsan (3.000) be ɔli Etam yɛbuɛ buɛ'n nun lɔ-ɔ. Be usali Samsɔn kɛ: «?A si-man kɛ Filistifuɛ'm be kwla ye? ?Ɔ yo sɛ ti yɛ a yoli e sɔ-ɔ?» Ɔ tɛli bé su kɛ: «Sa nga be yoli min'n, yɛ n kusu n fa yoli be wie-ɔ.»

Jɔlɛ Difuɛ Mun 15:3

Samsɔn seli be kɛ: «Andɛ liɛ'n, sɛ n yo Filistifuɛ'm bé sa ya'n min ndɛ yo fɛ.»