Jɔlɛ Difuɛ Mun 13:6 - NYANMIƐN NDƐ'N 1998

⁶ Bla'n ɔli ko kan kleli i wun'n kɛ: «Nyanmiɛn i sran wie wa toli min, sɛ Nyanmiɛn i anz a o, afin i nyrun'n yo sro. M'an usɛ-mɛn kan ɔ fin'n, i kusu ɔ'a bo-mɛn i dunman'n ɔ'a kle-man min.

Jɔlɛ Difuɛ Mun 13:6 ပူးပေါင်းရင်းမြစ်များ

Bo Bolɛ 18:2

Kɛ ɔ ´mɛn i nyin su nian-an sran nsan be jinjin lɛ, nan ɔ'a wanndi ɔ'a ko kpa be atin. Kɛ ɔ nin be yiali'n, ɔ kotoli be bo

Bo Bolɛ 32:29

Sran'n sɔ'n seli i kɛ: «Be su flɛ-man wɔ Zakɔb kun, be wa flɛ wɔ kɛ Izraɛl siɛn'n, afin a nin Nyanmiɛn nin sran mun tuli, wɔ yɛ a kwlali-ɔ.»

1 Famiɛn Mun 17:18

Bla'n seli Eli kɛ: «?Nyanmiɛn nuan ijɔfuɛ, n yoli wɔ sɛ? ?Yoo, ɔ waan a ´yo nan mín wla kpɛn mín sa tɛ nga n yoli'n su ti yɛ a bali min awlo wa-a?»

1 Famiɛn Mun 17:24

Yɛ bla'n seli Eli kɛ: «Nanwlɛ, kannzu a ti Nyanmiɛn nuan ijɔfuɛ sakpa. Ndɛ nga a kan'n ɔ fin Nyanmiɛn sakpa.»

2 Famiɛn Mun 4:16

Yɛ Elize seli i kɛ: «Afuɛ ng'ɔ ´ba lɛ'n, blɛ kunngba nga nun'n, a ´ju ba yasua.» Bla'n waan: «Aa! Min min, a ti Nyanmiɛn sran, nán laka min.»

2 Famiɛn Mun 4:9

Bla sɔ'n seli i wun'n kɛ: «Nian, bian ng'ɔ ba ye awlo wa titi lɛ'n, n wun i jrɛin kɛ ɔ ti Nyanmiɛn sran.

Ezipt Lɔ Tulɛ'n 3:2

Anannganman i anz'n yili i wun nglo kleli i lɛ kɛ sin taaman sa susrɛ kun i afiɛn. Moiz ´nian susrɛ nin-ɔn, sin taaman o nun, sanngɛ susrɛ sɔ'n yra-man bɔ kaan sa.

Ezipt Lɔ Tulɛ'n 3:6

N ti ɔ si i Nyanmiɛn, n ti Abraam, nin Izaak, nin Zakɔb be Nyanmiɛn.» Moiz kɛtɛli i nyrun, afin ɔ kwla nian-man Nyanmiɛn srɛ b'ɔ kun i'n ti.

Daniɛl 10:11

Yɛ ɔ seli min kɛ: ‹Daniɛl, wɔ bɔ a ti Nyanmiɛn i anwlɛn su sran'n, mian ɔ́ nyin nan wun ndɛ nga n wa kan kle wɔ yɛ'n i bo. Jaso jran nglo, afin ɔ́ sin yɛ be sunmannin min yɛ.› Kɛ ɔ seli min sɔ'n, n jasoli, wuun n ´usu.

Daniɛl 10:5

M ´man mín nyin'n su-ɔ, sran kun yɛ ɔ o yɛ: lɛn tralɛ yɛ ɔ wlɛ i wun-ɔn, cisu bɔ be fa sika ɔkwlɛ jrɛiin yoli'n i kun ci i afiɛn.

Daniɛl 8:17

Gabriɛl bali lika nga n wo nun'n i wun koko lɛ. Kɛ ɔ mantannin min'n, srɛ dan kpa kunnin min, yɛ n utuli mín nyin ase-ɔ. Ɔ seli min kɛ: ‹Wɔ, klɔ sran, si kɛ like nga a wunnin i lɛ'n, ɔ ti mɛn'n i awieliɛ'n i wun ndɛ.›

JÉSUS-CHRIST I DYASIN FE'N BO LUC KLELI'N 1:19

Anz'n seli i kɛ: « Min yɛ be flɛ min Gabriɛl nin-ɔn, n ti Nyanmiɛn i sran. Ɔ sunmannin min kɛ n wa wun ɔ wun nan n kan ndɛ fɛ nga n kle wɔ.

JÉSUS-CHRIST I DYASIN FE'N BO LUC KLELI'N 9:29

Kɛ be ´koko yalɛ sɔ'n, i nyrun'n kacili, yɛ i tralɛ'n kacili ufue nyɛnnyɛnnyɛn.

Sa nga bé yôli'n 6:15

Jɔlɛ difuɛ bɔ be ti lɛ'n be kwlaa be niɛn i siin, i nyrun'n kacili be nyrun kɛ anz'm be liɛ'n sa.

Mmla'n 33:1

Muae nga Moiz b'ɔ ti Nyanmiɛn i sufuɛ'n ɔ bo mannin Izraɛlfuɛ mun ka nan ɔ'a wu'n yɛ. I waan:

1 Timote 6:11

Sanngɛ ɔ bɔ a ti Nyanmiɛn i sran'n, nán fa ɔ wun wlɛ i ninnge sɔ'm be yolɛ nun. Mian ɔ́ nyin yo sa ng'ɔ ti kpa'n, fa ɔ wun mantan Nyanmiɛn, lafi i su, klo Nyanmiɛn nin sran, tra wɔ anwlɛn, yɛ yo wɛtɛɛfuɛ.

Zozie 14:6

Le kun be o lɛ kpɛkuun Zida osu nunfuɛ wie mun b'a a to Zozie Gilgal lɛ. Zɛfine i wa liɛ Kalɛb b'ɔ ti Kɛnaz i awlo nunfuɛ'n, ɔ seli Zozie kɛ: «Kɛ e o Kadɛs-Barnea lɔ'n, a si kɛ Anannganman kannin e nin wɔ e ndɛ kleli Moiz b'ɔ ti Nyanmiɛn sran'n.

Sa nglô yile 1:17

Kɛ n wunnin i'n, n finnin ase i bo lɛ, yɛ n kacili kɛ fuɛn sa. Ɔ fɛ i sa fama'n fuali min wun yɛ ɔ seli kɛ: «Nán srɛ kun wɔ ! Min yɛ n ti like'n kwlaa i klikli nin i awieliɛ nin-ɔn.

Jɔlɛ Difuɛ Mun 13:10

Bla'n wanndili ndɛndɛ ko toli i wun'n, ɔ seli i kɛ: «Nian, le kun wie sran'n b'ɔ bali'n, ɔ'a ba ekun.»

Jɔlɛ Difuɛ Mun 13:22

Ɔ seli i yi'n kɛ: «Nyanmiɛn nga y'a wun i yɛ'n, e liɛ a wie.»

Jɔlɛ Difuɛ Mun 13:3

Anannganman i anz ɔ fiteli bla sɔ'n i nyrun, nan ɔ'a se i kɛ: «Wɔ yɛ ɔ klun ti kpan yɛ, a lɛ-man ba, sanngɛ a wa wunnzɛ yɛ a wa wu ba yasua kun.

Jɔlɛ Difuɛ Mun 13:7

Ɔ seli min kɛ: ‹A wa wunnzɛ, a ´wu ba yasua kun. Ɔ man kɛ ɔ fin ndɛ'n, nán nɔn nzan annzɛ nzan kekle fi, nán di like fiɛn wie fi. Ba nga a wa wu i'n, kɛ ɔ fin i nin klun'n lele nin i wie'n, ɔ ti Nyanmiɛn i liɛ.»›

Jɔlɛ Difuɛ Mun 13:8

Yɛ Manɔak srɛli Anannganman seli kɛ: «Nannan, yaci, Nyanmiɛn sran nga a sunmɛnnin i'n, man ɔ bla ekun. Man ɔ wa kle e like ng'ɔ fata kɛ e yo e man ba bɔ e wa wu i'n.»

Jɔlɛ Difuɛ Mun 6:11

Anannganman i anz'n bali, ɔ wa trannin Ofra lɔ waka nga be flɛ i terebɛnt'n bo lɛ. Waka sɔ'n ti Zɔas ng'ɔ ti Abiezɛr i osu nunfuɛ'n i liɛ. Kɛ ɔ ´yo sɔ'n, wuun i wa Zedeɔn ɔ o lɛ ɔ ´kpukpu i ble'n vinyi mma cuɛnwlɛ'n nun, nan ɔ ´fa fia Madianfuɛ'm be nyrun,

1 Samiɛl 2:27

Nyanmiɛn nuan ijɔfuɛ kun wa toli Eli. Ɔ kannin ndɛ nga Anannganman kan kleli i, i waan: «?Blɛ ng'ɔ nannan'm be o Ezipt lɔ famiɛn i awlo lɔ'n, nán min yɛ n yili mín wun nglo n kleli be nin-ɔn?

1 Samiɛl 9:6

Gbanflɛn'n seli i kɛ: «Nian, Nyanmiɛn nuan ijɔfuɛ kun o klɔ nga su. I dunman'n ɔ'a fu kpa. Ndɛ kwlaa ng'ɔ kan'n, ɔ kpɛn su. E `ko wun i wun sɛ ɔ ´kle ye atin nga e `fa su nin o.»